[ اسئلة اختبارات ] : حل اسئلة تعاقد وتفاوض 1435

[دمعة رحيـل]

المشاركة الأصلية كتبت بواسطة ودي أتفوق ولو مرة

الاسئلة صعبييين و فيها لف يمكن انتي موظفة وعندك خبرة بالنسبة لك سهل

طيب واللي عندهم ثانوي بس لازم يراعي مستوى الطلبة في وضع الاسئلة

لا والله لستُ موظفة ومؤهلي مثل مؤهلك وربما أقل..

لكن ربما تتفاوت درجات الاجتهاد لدى الطلبة ولا بد يحصل تمايز، تجدين المجد يحصل على ثمرة جهده وغير المجد ينال شيئاً من هذه الثمرة..

يعني من واحنا في الابتدائي تلاقين الطالب المتفوق والطالب اللي مستواه جيد جداً واللي مقبول وكلهم يذاكرون لكن ربما طريقة دراستهم تختلف وتقبلهم للمعلومة أيضاً يختلف ومدى إدراكهم لها يختلف، وفيه ناس عندهم قوة حفظ وناس عندهم قوة فهم شاطرين في المواد العملية وفيه ناس وفيه ناس.... إلخ....


اللي أبغى أقوله إن أيًّا ما كانت الأسباب، تظل غير مبررة إني أشتكي على الدكتور وأقول أسئلته خبيثة وهو ما يعرف يصيغ الأسئلة ولغته معقدة وطريقتها غامضة وأقلّل من قدره وأسيء لنفسي قبل أن أسيء له طالما وُجد تباين كبير في آراء الطلبة وليسوا جميعهم متفقين على هذا الرأي..

وأنا معك لازم يراعي مستوى الطلبة وأشوفه ما قصّر في هذي النقطة.. يعني انتوا جامعيين وصلتوا للمستوى الثامن، ماني مستوعبة إن فيه أسئلة كانت غامضة لدرجة الواحد ما يفهم إيش المطلوب منها؟

ممكن الواحد يقول الأسئلة محتاجة لدراسة بتركيز.. الأسئلة دقيقة.. الأسئلة محتاجة مذاكرة أكثر من مرة..
بقول لك صح!
لكن يجي طالب جامعي يقول الأسئلة مبهمة وغامضة وما ينفهم منها ايش المطلوب! هنا راح اقول له اسمح لي أنت مقصّر ومفرّط وتضع أخطاءك على شماعة الدكتور والأسئلة، وهذا الكلام لا ينبغي لطالب مثلك وصل المستوى الثامن..
اي نعم الدكتور بلالي أسئلته تحتاج بذل مجهود أكبر أثناء الدراسة وربما أنا أو أنتِ قصّرنا وانقهرنا وندمنا على تفريطنا.. لكن ايش بيدّنا نسوّي طالما إن الدكتور أسئلته كلها جات من المحتوى وما طلع منه؟

نقول قدّر الله وما شاء فعل ونحاول نعوّض بالجاي..

أما الشعور بالغيظ الداخلي غير مبرر لرفع الملاحظات على الأسئلة أو تسفيه الدكتور.. يبقى معلم له احترامه.


شكراً لكم

[ابو عبدالعزيز2]

المشاركة الأصلية كتبت بواسطة دمعة رحيـل

لا.. بلالي ما يحط أسئلته اعتباطياً لمجرد قرأ الفقرة ووضعها لنا..!

الدكتور راقي في طرح الأسئلة.. انتقائي جداً في وضع خياراته!!
انت اقرا السؤال 44 والفقرة مرة ثانية وبتعرف الجواب! لكن ما أدري ليه فيه ناس متحيزين جداً لإجاباتهم وغصب تطلع صح والدكتور هو الغلطان!!

أنا ما أدري ليه شايلين عليه! ما تعطون المادة حقها وبعدين تقولون الأسئلة فيها لف ودوران!! طيب هي المادة كذا وعندكم نموذج سابق يفترض انكم اطّلعتوا عليه وعرفتوا ان فيه أشياء كثيرة متشابهة وتلخبط فوجب عليكم تحتاطون لها!!




عن نفسي أرفع قبعة احترام للدكتور بلالي!
كل مادة أختبرها عنده أحس بالرضا أثناء أداء الاختبار وإن تعبي ما ضاع هباءً (مهارات البحث والتفكير/ إدارة الأعمال الدولية -رغم غثاثة المادة/ والآن تعاقد وتفاوض)

ولا عاجبتكم سالفة أسئلة الدكتور الحماد أو أسئلة ندير؟!!!




أعتذر إذا كلامي ضايقكم لكن هذي مو حالة كل مرة ترفعون تظلم عشان سؤال أو 2 انتم ما فهمتوه وغصب تطلعون الدكتور هو الغلطان..
أوكي دكتور ندير الكل أجمع إنه جاب أسئلة من برا المحتوى، لكن الدكتور بلالي لاحظوا إن نسبة كبيرة من الطلبة طلعوا وهم راضين.. يعني التقصير مو من الدكتور..

المادة هي تلخبط ومواضيعها متشعبة فكان الأولى إعطاءها حقها..



ولو كان فيه مجال لرفع ملاحظات على أسئلة دكتور معيّن ترا كان فيه دكاترة المستوى الماضي أولى بالملاحظات على أسئلتهم اللي يتضح فيها ركاكة الصياغة فضلاً عن تشتت الخيارات في السؤال!
ولا الحين عشان شفتوا الطلبة وقفوا في مادة إدارة المشاريع وعجبتكم السالفة؟!


ما لقيتوا إلا بلالي!!


ركزوا ع الجودة واتركوا التعاقد والتفاوض رفعت الأقلام وجفت الصحف وما لكم أدنى حق ترفعون أدنى ملاحظة على الأسئلة طالما إن الإجابات واضحة في المحتوى..

يادمعة رحيل

أنا ماجبت طاري س44 لأن إجابتي فقرة ج أذا هي صح الحمد لله وإذا خطأ في بليس مع خواتها اللي قبل .. أنا اتكلم عن سؤال 11 فهمتي وش اقصــد .. ولست متحيز او متعصب لرأيي بأني صح والدكتور خطأ والعكس صحيح ولا يوجد على وجه الأرض من لا يخطئ ولا يوجد أحد معصوم من الخطأ مهما تكن درجتة العلمية وبعدين ايقونة التظلم مقفلة الآن >> اللي مفتوحة هي ايقونة تلقي ملاحظات الإختبار ومانزلت فيها مادة التعاقد .. شوفي بالنسبة لي مذاكر 100% وبعد مراجعتي تأكدت بنجاحي فيها ولله الحمد . من جهتي مارفعت شيئ عن المادة ولو فية ظلم من ناحية الاسئلة سواء في الصيغه أو الإختيارات برفع تظلم >> ( تلقي ملاحظات الإختبار ) لأن الجامعة ماوضعتها الا لهذا الغرض .. وبعدين يادمعه السؤال والسؤالين اللي انتي لاترين انها تضر فأحب اقولك بأنها تنفع غيرك وتجنبهم حمل المادة وبعضهم تساعدهم في رفع معدلهم لانها تفرق 1.4* 2= 2.80 درجه . بالنسبة لي ومن وجهة نظري الشخصية بأن الجامعة لا تستحق أن تكون في الصفوف الأولية من بين أفضل 10 جامعات في السعودية بسبب ماشاهدناه في الأعوام السابقة من تخبطات بدائية يندى لها الجبين ولم يتم احتوائها ومعالجتها .. ومنها الأخطاء اللغوية والإملائية واخطاء في صيغة الأسئلة مع إختيارتها >>لا تقع في مدارس المتوسطه .. فمابالك بصرح يطلق علية ( تعليم عالي ) .. ولا يمر ترم الا وهناك مظلمة تقع على المنتسبين من المستوى الأول وحتى المستوى الثامن .. بالنسبة لي مايهمني بالدرجة الأولى بأن الشهادة معترف فيها لدى التعليم العالي و وزارة الخدمه المدنيه وهذا سبب التحاقي فيها فقط لغرض ترقياتي في المستقبل إذا في العمر بقية .

[خارج القانون]

إذا سوال 11 اجابته ج
وسوال 40 اجابته د
وسؤال 44 اجابته ج

ضمنا ا ل a +

سؤال 44 الاجابه أ صح لكن الاشمل هي اجابة د

لو تصحيح الورق يدوي كان قلت الدكتور حط هالسؤال عشان يكون له هامش مناوره لمساعدة الطلبه
لكنه في ظل التصحيح الالكتروني سؤالي احترافي

لو قلنا ليس سابف فقط ممكن يكون لاحق او اثناء

لكن لما نقول لا ينفرد به من سيقوم بالتفاوض هنا نستدل انه يجب ان توسع دائرة المشاركه
انا حليته واخترت د من هالمنطلق وان شاء الله يكون صح

[معقول]

سؤال 11
الاجابة في نفس طريقة وضع للخيارات
كيف؟
سلبا كلا الطرفين هذي مستبعده اول ماتقرا السؤال
الحين
خيار ايجابي على الطرف س نفس معنى الخيار سلبي على الطرف ص
وبكذا الخيارين هذي مستبعده
بقينا في الخيار ج هو الصحيح 100 %

[ابو يوسف الخفجي]

المشاركة الأصلية كتبت بواسطة zahra's

مشكور على الحل
سؤال 44
إجابة ج وفعلا صياغة بايخة
والدكتور مستقعد لنا لا بارك الله فيه على هالطريقة ال....
ابدعت شكلي وفي سؤال صح غيرته للخطأ من كثر التقارب

انا للاسف 6 اجوبه غيرتها من الصح للغلط

وطارت ثم طارت

[al_atta]

بيض الله وجهك وفالك a+

[مــزاج]

الله يوفقكم جميعاً
ومن حقكم التظلم ترى الدرجة تنفع ... اتفقوا على صياغة وحدة وقدموا تظلم
الايقونة موجودة لهالشي ..
تقريباً فيه ثلاث اسئلة صياغتها معقدة ماتدري الدكتور شنو يبي بالضبط .. بس الحمدلله عدينا على خير

[ياسمينالعبدلي]

الله يستر بس ويعدي هالماده على خير

[مشعل2]

الحمدلله على كل حال كان اخر اختبار عندي وكنت ابي رفع المعدل اعتقاد مني ان الماده سهله

ويمكن تخطيها بسهووله لكن قدر الله وماشاء فعل الاخطاء عندي قربت للعشرين سؤال منها ماغيرته انا من

الصح للخطاء بعد المراجعه وهذه مشكله تتكرر معي كل اختبار مع اني اعاهد نفسي بعد كل اختبار اكتشف

فيه ان المراجعه للاجوبه وتغييري لبعضها كان خطاء لكن ارجع في كل اختبار واراجع واغير للاسف من الصح

للخطاء مثلي مثل ابو يوسف الخفجي اعتقد ذلك بسبب اننا بنفس القاعه ونحن ماندري عن بعضنا

عموما التوفيق للجميع فيما بقاء من الاختبارات ان شاءالله واما انا فالحمدالله على انها المده المطلوبه لنيل

الشهاده الجامعيه واللحاق بدفعتي اللي تخرجوا قبلي بترم

التوفيق للجميع ان شاءالله

[امل الروح]

المشاركة الأصلية كتبت بواسطة عبااديR

بي بلس بعد

الله يسعدك