[ الفيزياء ] : تجمع طالبات قسم الفيزياء لجميع المستويات

[فيزيائية طموحة]

بسم الله نبدأ بالردود

طموحة تدرين نفس احساسي
يعني لو يحصلي أعيدها راح اعيدها وانا متحمسة اكثر
خصوصا كم شغلة حسيتني فيها مقصرة وكم مادة بس الصيفية قدامي
بعوض فيها باذن الله

إن شاء الله يا رب

وسالفة العشق قبلها كان كره مبطن ههههههههههههههههههه
يومني بالثانوية كان مدرساتنا مش ولابد
يعني لو احد يسالن من هو نيوتن بقول ماعرفه <<~ مش مبالغة والله
جا ثالث الترم الاول شديت على نفسي وحسيتني بديت استوعب
الترم الثاني
أنتدبو معلمة من الثانوية العاشرة أو مجمع الامير ناسية
أستاذة فاطمة مطير
وش اقولكم يابنات أيش امانة ايش جمال أيش عشق للفيزياء بحد ذاته
والله مابالغ بنات
لازم كل اسبوع قروب من فصلنا يسوي تجربة من النت تطبيق على درسنا
كانت دايم مبتسمة وتقول الفيزياء مش علم جامد وسعي مداركك وخليك انسانة حالمة
وتخيلي اي مسالة قدامك او قانون علشان تستوعبين
بعد اذكر اللي تشوف دفترها اسود وازرق بس تقولها ماراح اصححه
لازم تلونون وتفتحون أنفسكم
ودايم تقول لنا دايم
أبني جسر من الامل فوق نهر من اليأس <<~ شكرا للعبارة هذي لانها كانت من رفع معنوياتي اللي تنهبط ساعات
طبعا نهاية الترم

ما شاء الله لا قوة إلا بالله

الله يكثر من امثال استاذتكم

اخترعت وانا صديقتي جهاز
سوينا باب خشبي وحطينا عليه لمبات الاعراس الصغار تعرفونها
بحبث اذا ضغطنا على الزر اللي بالجدار ينفتح الباب وتدخل عروسة ترقص على انشودة
كانت تطبيق على دوائر التوزاي والتعامد
على نهاية الترم شافتني قبل تدخل الاختبار النهائي
قالت لي تدرين ياكبرياء وجهك وجه فيزياء وقولي فاطمة ماقالت
عاد انا زعلت ليش تفاولين علي ابي طب هههههههههههههه
سبحان الله دارت الايام لو ألقاها الحين بوريها وثيقتي ومعدلي واقولها شوفي صرت مثلك
طبعا سمعت انها طلعت برا تكمل دراستها
تستاهل استاذة فاطمة

ما شاء الله عليكم أبدعتوا

كان طبقتوا الإختراع في الكلية قلتوا هالكلام مثلا لمعيدة الكهرباء وسويتوها

نفسي اخترع شي كل اللي سويته اني ساهمت فيي تصليح مفتاح لمبة

المشكلة اللي تعاني مثلي ماتعرف تحفظ عدل
الفيزياء مو فهم بس لا حفظ بعد
يعني اسئلة الفهم اجاوب وانا مرتاحة
بس اسئلة الحفظ اجيب فيها عيد الفطر وعيد الاضحى <<~ الله يبلغنا اياها على صحة وطاعة جميع
وبعدها انسى وارجع احفظ وهمن انسى وهكذآ
ناوية اشوفلي حل مع مسالة النسيان

الحل اقري صفحة قرآن قبل كل محاضرة تذاكرينها واقري الكلام اولا بتركيز وحاولي تفهمينه
وإذا فهمتيه بعدين احفظيه وبكذا بيكون صار اسهل ونسيانه ابطأ
وهالشي طبقيه لأي شي سواء في حفظ القرآن أو حتى قصيدة
وفرقي بين الأشياء اللي ضروري تنحفظ نصا مثل الآيات والأحاديث والأشياء اللي عادي تصيغينها بأسلوبك الأولى هي اللي تحتاجين فيها مجهود اكبر في الحفظ والثانية عادي اللي فهمتيه صيغيه بأسلوبك وكرريه <<< المشكلة في اللي يبون كل شي نصا متعبة معاهم الدراسة

والمشكلة في الإمتحانات ان بعضهم يربكونا طول الوقت يا الله ويا الله وماباقي شي وووو
ونلاقيهم جايبين اكتبي كل مادرستيه في هذا المقرر <<< مجازا
هذا اللي يطير المعلومات مرات يجي سؤال نفسه اكون شارحته لبنت وفي الإمتحان مااحله

والمراجع
الصدق الصدق ليش دايم نعتمد على اللي تعطينا اياه الدكتورة بس ؟
أنا احب اشري مرجعين لنفسي واحد عربي واحد اجنبي
أحسه افضل علشان افهم
وأكتشفت باني انسانة تشتري بلا حساب للكتب يوم طليت ع المكتبة حقتي
حتى الرياضيات اشتري كتابين
أمي تقول يبي لنا نتبرع للجامعة بشوي من كتبك وانا اهوش واقول لا كنزي الثمين

ما شاء الله عليك حلو كذا وعلى قولتك :hahahahaha h:حتى انا ابدا مااعطي احد كتبي الفيزيائية
الا اللي بتصور منها وترجعها اما الباقي عادي خصوصا العامة

بنات اذا تعرفون مواقع ع النت لتحميل كتب أعطوني اياها ساعات مالقى الكتاب الا بالبترول
والبترول بعيدة عني وبعضها مكلفة بعض الشيئ

زي ماقالت غلاكم ممكن تبحثين عن اللي تبينه وفيه موقع الجمعية السعودية للعلوم الفيزيائية ادخلي على ركن المعلمين
واختاري مكتبة الكتب والمجلات فيها عدة تصنيفات كتب عربية وانجليزية وبتطلع لك الكتب

اذا بغيتي كتاب معين اضغطي على السهم اللي جنبه وبيطلع لك مربع الحفظ واذا ماطلع اضغطي على السهم باليمين واختاري حفظ باسم

وهذا رابط الموقع

http://www.sps.org.sa/Default/index.aspx

[فيزيائية طموحة]

المشاركة الأصلية كتبت بواسطة غلآكمـ

هذآ كتآب النووية اللي عندي كآمل

لي عوده للرد ان شاء الله

ناقصه فصلين

ومن الفصل الثالث غلى نهاية الكتاب درسناه بنووية 2 ومرة حلو اسلوبه ما شاء الله بس فصول محذوفة بعد و نووية 2 يعتبر كأنه فيزياء اشعاعية

وهذا موضوع نووية 2 حقنا العام فيه المحاضرات واسئلة الإختبارات

http://www.ckfu.org/vb/t154108.html


ذكريات لاتنسى يانووية 2

[كبرياء جرح]

حفظت الروابط وكلش يعطيكم العافية
برجع لكم اخر الليل وارد <<~خفاشة

[غلآكمـ]

المشاركة الأصلية كتبت بواسطة فيزيائية طموحة

ناقصه فصلين

ومن الفصل الثالث غلى نهاية الكتاب درسناه بنووية 2 ومرة حلو اسلوبه ما شاء الله بس فصول محذوفة بعد و نووية 2 يعتبر كأنه فيزياء اشعاعية

وهذا موضوع نووية 2 حقنا العام فيه المحاضرات واسئلة الإختبارات

http://www.ckfu.org/vb/t154108.html


ذكريات لاتنسى يانووية 2

الله يعطيج العآفيه و تم التحميل بنجاح

[فيزيائية طموحة]

ايه و الله صادقه
الله يذكر هذاك الدكتور بالخير
كان يقول ليه ماتعاملون مادتي مثل مواد التخصص حقتكم ؟
و من بعدها بدا يصعب اختباراته

يحق لهم يسألون هالسؤال فعلا الوضع جدا مأساوي في المواد العامة

ايه و الله ياليت
ايه درست معاها الكهرو و الكم 1
و اعطتنآ محاضرتين آآو ثلاث في تمارين الخواص

إلى مكة

اهاآ الله يجزاها خير

وإياك إن شاء الله

الله يهديهم يارب

ويهدينا أجمعين

ايه عشان مافيه تصوير صارو يرسلون على الايميل
و الله هو افضل و مو افضل
في سلبيات في الجهتين

حتى مع وجود التصوير قاموا يرسلونها مثل الدكتورة منى هي اول وحدة من قسمنا ترسل على الإيميل ومن الأقسام الثانية الدكتورة رنا + الدكتورة أميرة وهي مسوية قروب على المسن تنزل المحاضرات فيه واستاذة نهى الجبر فيه تمارين كانت تحطها في ايميل وعطتنا الرم السري له

ايش سلبيات الإيميل بنظرك ؟

اتمنى و الله تدرسنآ جوآمد
اللي اعرف انها دراستها بالجوامد يالدكتوراه او الماستر واحد من الاثنين

يا رب هي او دكتورة بمستواها

من جد هههههههههههههههه ذكرتيني بكلام آخوي قبل فترة
بس عطاني دفعه معنويه و لله الحمد < بقولج عليه بعدين

شر البلية مايضحك :hahahahaha h:

انتظرك ياحلوة

ان شاء الله ربي يقدرنآ
آنا قبل كنت مفكره كل فصل له يومين بس لاحظت انه ماينفع
لان عدد الصفحات تختلف من فصل لـ فصل
فيه بعض الفصول عدد صفحاتها كثير
و بعضهم قليل

يعني ممكن قبلها بيوم نحدد العناوين اللي بندرسهم بكره
بما يتناسب مع ايامنا
و نخلي لهم يومين او ثلاث ايام عشان نلم فيه من كل جهة من ناحية ان نفهمه و نشوف كذا فيديو يخص الجزئية اللي درسناها و نشوف برضو بالمنتديات العلميه بهالخصوص

و اذا في بالج فكره افضل ..
تفضلي قوليها

فكرة جميلة بجمال صاحبتها

أجل من بكرة نبدأ إن شاء الله نلقي نظرة على الفصل الأول ونقدر عدد الأيام اللي يحتاجها ونبدأ بدراسته واذا لقينا شي حلو فيه نحطه هنا
او شي علق عندنا بعد نحطه ونتناقش فيه ونشوف احنا فعلنا خلصنا شغلنا بالوقت المحدد ولا صار فيه تأخير

وإن شاء الله نستفيد من فلسفتنا ويستفيدون الأجيال القادمة منها

بالتوفيق يارب

وإياك إن شاء الله

[فيزيائية طموحة]

المشاركة الأصلية كتبت بواسطة كبرياء جرح

حفظت الروابط وكلش يعطيكم العافية
برجع لكم اخر الليل وارد <<~خفاشة

الله يعافيك

على راحتك كلنا كذا كل مااقول ابي اغير نظامي مافي فايدة

خذي راحتك ياحلوة

المشاركة الأصلية كتبت بواسطة غلآكمـ

الله يعطيج العآفيه و تم التحميل بنجاح

الله يعافيك

[غلآكمـ]

يحق لهم يسألون هالسؤال فعلا الوضع جدا مأساوي في المواد العامة

يحق لهم بس مو اسئلة تعجيزية

حتى مع وجود التصوير قاموا يرسلونها مثل الدكتورة منى هي اول وحدة من قسمنا ترسل على الإيميل ومن الأقسام الثانية الدكتورة رنا + الدكتورة أميرة وهي مسوية قروب على المسن تنزل المحاضرات فيه واستاذة نهى الجبر فيه تمارين كانت تحطها في ايميل وعطتنا الرم السري له

اهآآ حلو

ايش سلبيات الإيميل بنظرك ؟

- احيانا الدكتوره ماتقدر ترسل المحاضره بدري و هذا يعني مايمدي البنت تصوره و تجيبه معاها للمحاضره
عشان تآشر على المهم و تكتب ملاحظتها
لان مهما قدرت البنت تكتب في دفترها ماراح يكون نفس الوضوح على المحاضره نفسها
و عانيت كثير بهذا الشي في هذي السنة مع احدى المواد ..
محاضراتي اللي في البداية كلها مرتبه ولا فيه احسن منها ..
و بعدين المحاضرات حاولت اكتب الملاحظات و الاشياء المهمه لكن مو مثل المحاضرات اللي قبل

- لما تكون الدكتوره ترسل المحاضره بعد ماتشرحها ..
من وجهة نظري هذا الشي اسوء بكثير من الحالة اللي فوق
لنفس الاسباب اللي فوق لو ماكان عندي المحاضره من بدري ..
او لو كانت الدكتوره تتأخر كثير و تتجمع علينا المحاضرات
و هذا الشي برضو عانيت منه كثير في احدى المواد هذي السنة

يا رب هي او دكتورة بمستواها

يارب

فكرة جميلة بجمال صاحبتها

أجل من بكرة نبدأ إن شاء الله نلقي نظرة على الفصل الأول ونقدر عدد الأيام اللي يحتاجها ونبدأ بدراسته واذا لقينا شي حلو فيه نحطه هنا
او شي علق عندنا بعد نحطه ونتناقش فيه ونشوف احنا فعلنا خلصنا شغلنا بالوقت المحدد ولا صار فيه تأخير

وإن شاء الله نستفيد من فلسفتنا ويستفيدون الأجيال القادمة منها

ان شاء الله يارب
شوي وبشوف العناوين و نتناقش في كميتها

[فيزيائية طموحة]

اطلعت على الفصل الأول من الكتاب

الفصل قصير ما شاء الله بس 12 صفحة وآخر صفحة فاضية

تقريبا يعتبر مراجعة لما سبق ممكن نخليله يومين واقترح نحل الأسئلة بعد اللي بنهاية الفصل

ولاتنسين عندنا اشياء ثانية عيره فعشان كذا خليت له يومين ولا هو بأقل من يوم يخلص

اطلعي على الفصل وعطينا رايك

[غلآكمـ]

شفت الفصل الآول ماحسيت ان ممكن ينقسم

فـ جآ في بآلي كله

لاني تو دارسته لكن السؤال ، انتي درستي نووية ١ ؟

اذا درستيها اوكي الفصل الاول كامل .. و لو مادرستيها شوفي طريقة للتقسيم و عطيني خبر

و طبعا مع التمارين

[غلآكمـ]

الرد متكرر

ماعلينا تو شفت ردج الحين

و مثل ماقلتي انتي

ابتداء من بكره طبعا