انطباعكم حول اختبار محاسبة التكاليف

[بحر العطا]

اللهم اكتب لنا الخيره فيما تختاره يارب يااكرم الأكرمين

[لولو ناصر]

والله الاختبار كان صعب بس الله يعديها على خير ووننجح ياااارب

[maha-sj]

كلمة الحق تنقال
انا من يوم شفت الدكتور تفائلت خير وجهه سمح وبسيط وفاهم وتوقت كل خير منه

صراحه انا مافتحت الملخصات والكتاب اطلااااقا وليلة الاختبار بديت اذاكر من التمارين نهاية كل محاضره ومن اسئلة الاترام السابقه
والله ماجاب ولاسؤال في الاختبار خارج هاللي ذاكرته
يعني هذي حسنه طيبه تنحسب للدكتور
ايه صحيح بالمسائل خبصت وتبخرت المعلومات ولضيق الوقت معضمها اختيار عشوائي
بس الاسئله العاديه كلها حليتها الحمدالله ماخذت مني وقت لانها نفس تمارين المحاضرات واختبارات السابقه ماطلع عنها
والمسائل كذالك بس عتبي بشي واحد
ان المسائل عددها كثير جدا ياليت لو كثر من الاسئله العاديه
لكن اسلوب الدكتور كان واضح من التمارين والنماذج
انه يحب المساااائل

ع الاقل اللي ينتقدووون الاختبار وموعاجبهم يحمدون ربهم احسا من النظم ودكتور النظم واسئلة النظم بالف مره

في المحاسبه الاختيارات اغلبها واضحه وماتلخبط وغير متشابهه يقدر الواحد يختار اجابته بثقه دون تشكيك
بسس النظم !! الاختيارات كلها زي بعض وصيغة الاسئله كنها لغز موب سؤال وفوق ذا تختار الاجابه صح يقولك الدكتور خطاء
ذكرني بقنوات الالغاز المصريه
( مدينه خضراء وسكانها سود ومن جوا احمر ) يقولونلها البطيخه
الاقابه خطاء
التفاح

[P R I N C E]

للأمانة بديت المذاكرة يوم الثلاثاء بالليل واعتمدت اول شيء جميع

المسائل الحسابية بالكتاب ومن ثم قبل الاختبار بساعة حفضت

المصطلحات الانجليزية وبعض الاسئلة العامة بتمارين الكتاب


وللأمانة الدكتور اسئلته سهلة جداً للي مذاكر

أنا يوم واحد و 30 سؤال في الجيب صح

ربي يوفقنا واياكم ..


تخيلوا بس دكتوركم حق التكاليف هو حق النظم

[مشاري القحطاني]

المفروض يحط من ضمن الاجابات ما ادري وعليه نص الدرجه لان اغلب الاسئله الواحد ما يدري وش اجابتها
صار الاختبار تحدي ان الواحد ينجح ويجيب معدل حلو وما فكروا وش عند طلاب الانتساب من التزامات وضروف
اتمنى التوفيق للجيع

[الدحيلان]

الاختبار كان حلو للي مذاكر

انا بانسبه لي كان حلو

ان شاء الله اعديها

[وآحد ثآني]

المشاركة الأصلية كتبت بواسطة memo_sss

انا باالنسبه لي كان النظري بسرعه مشيت عليه وغرزت بالعملي لان وقتها انا مواصله ومخي وووووووقف والعملي مرره كثير ماامداني والله عليه حتى الاسئلة من عشرين وطالع جلست احل بسرعه وبعضهم اختار اي شي اول مره تصير معي كذا


بس استاهل مابديت اذاكر الا اليوم الظهر كله جالسة بلاستيشن اون لاين وكول اوف ديوتي الي اشغلني والا شرح الدكتور مره ممتاز وحلو وواضح

والله يوفق الجميع ونعدي هالمااااده ياااارب

أي والله الله يقلع ذا الكـول اوف دوتي اخذ عقولنا ,,

وبالنسبة لي الاختبار متوسط ..

[طالب ادارةاعمال]

[*بقايا حلم*]

الله يجزي الدكتور عدنان خير الجزاء كانت الاسئلة مرة حلوة

[*روز*]

ماودى اعلاق