خاص لتجمع المستوى الثاني للمحاضرات المباشره .

[تذكــآر]

لآ والله ..

ما عندي مايكـ .. بس تصدقين حسيت انها انتي قبل تقولين آم خـآلد

/


منورهـ يا ستي

[ام خالد 2010]

بنات نبي كل وحده تكتب الي قاله الدكتور .. عشان الي الطلاب يستفيدون من اسألتنا ..

[ام خالد 2010]

تذكاااااااااااار .. النور نورك يابعدي انتي ,,

اهم شي وش استفدتو من اللقاء ..

بصراحه الدكتور رهيب ..

احس ضغطه ارتفع من البنات ..

[@الشمالي@]

يعطيكم العافيه

[ام خالد 2010]

بخصوص المحاضرات ..

الاعتماد على المحتوى والمحاضرة بغض النظر عن الكتاب . قال كل شي مهم بالكتاب حطه لنا بالمحتوى .
ولما سألته عن عدد المحاضرات .. قال لاتسالين عن عدددها .. وانما اسألي عن الفائدة الي راح تاخذونها .
وقال لو فرضا عطيتكم محاضرات على اسبوعين .. هي فقط راح تكون معكم بالامتحان . وقال راح تكون الماده الاخف عليكم .
وطالبوه بعض الطالبات ان يكون الشرح بالمحاضره المسجله بالعربي .. وهل في امكانيه ترجمتها .. فرفض الدكتور .

بخضوض الواجبات والتمارين ..
قال راح يحط لنا واجبات بكل محاضره على الاقل .. ولازم نحلها ونرسله على ايميله .

بخصوص المنتدى ..
قال ابي تفاعل منكم بمنتدى الحوار .. وابي الكل يتناقش بالماده .

بخصوص الامتحان ..
قال من 70 درجه .. واختيارري من متعدد .. وراح يكون نمط اسألة المرادفات . عباره عن كلمه بالعربي ومرادفها او العكس . وراح تكون الاسأله كلها من ضمن المحتوى والمحاضره المسجله .
والاسألة شبيهه بالواجبات .

وبخصوص المذاكرة ..

قال الاعتماد على المحاضره والمحتوى .. وقال ان المصطلحات الانجليزيه حقظ كلها ..

هذا ملخص المحاضرة المباشره .. والي عندها اي زيادات عليها ياليت تكتبها لنا للفائده ..

[طـلال العــز]

يعطيك العااافيه ام خاالد
على هالموضوع
ثانكيو ميم

[تذكــآر]

[align=center] ^ ^

كفيتي ووفيتي والله أم خـآلد ,’

آلزبدهـ اللي فهمتها انو المذآكرهـ بس المحاضرات والمحتوى ..

وقال انو منتدى الحوآر لآزم نشـآرك فيه حتى لو بس نكتب آي شي عن المحـآظرهـ ما يحتاج سؤال.. آو حتى نقدر نرد على الاستفسارات ..

وقال انو كلما شاركتوا كلما انحسب درجـآت آكثر ..

وسألته عن التمـآرين والامثله اللي بالكتاب مطالبين فيها قال لآ مو مطالبين فيها حرفيـآ < يعني بس اللي بالمحاضرةـ ..


و أكّد ان الأسئله بس اختيـآري وما فيه فرآغات ..


وقال بالنسبه للكلمات الحفظ تجي اسئلتها على ثلاث آنوآع

آحتمال يسأل عن معناها بالإنجليش ..
أو معناها المعاكس
أو يضعها لنا بجمله وحنـآ نطلع معناها من خلال شرح الجمله ..

/

وأكد انو لآزم نرسل اجوبة الوآجب بالايمل ..

/

بالنهايه قال صدقوني رح اعطيكم نماذج للإختبارات وانو كل شي رح يكون موضح ..


/


وسلآمتكم[/align]

[عزتي مالها حدود]

واو مشكورين على هالطرح من جد استفدت رغم اني مانزلت الانجليش بس حسيته سهل الله يوفق الجميع ان شالله :049:

[أمير القلب]

يعطيكم العآفية جميعاً عالفائدة والمعلومات الرائعة ماتقصرون
ومن ناحية الواجبات والتمارين والمحاضرات المباشرة
أتمنى يتفهمون أن فيه موظفين دوامهم شفتات يعني احيان صبح
واحيان ليل ومادخلوا انتساب إلا عشان ياخذون المعلومات والفهم
والتعلم المفيد التطويري وليس متابعة أوراق وواجبات وتمارين
ومادخلت انتساب إلا لعدم وجود وقت والدوام الوظيفي
مليان أوراق وكورسات ناخذها تحتاج أيضاً متابعه بشكل ضروري
لذلك أتمنى ان يظل الإنتساب متفهم أو كان دخلت انتظام
يعطيكم العآفية جميعاً وبالتووفيق شدوا حيلكم

[ام خالد 2010]

يعافيكم يارب على المروور..

امير القلب لاتحاتي شي وانا اختك .. كل شي راح نحطه لكم ان شاء الله ..

كل الواجبات بننزلها لكم مع حلها .. كل الي عليك تنسخ وتلصق وبس ..

فكر بالاشياء الايجابيه بهالنظام الجديد .. واترك سلبياته ..

على الاقل بنضمن 30 درجه ان شاء الله .. وكل شي يهون ..

شاكره لك مرورك ..