رسالة من الدكتور مصلح للطلبة المتغيبين عن الإختبارات النهائية وتم قبول أعذارهم

[ǺĽ ẕeeห]

يعطيك ربي الف عافيه خيو ميسي بارك الله فيك يالغالي "

[Ŝђấ₥ş]

شكرا اخوي على التوضيح



ننتظرهم قبل تقبل الواجبات والله يعين

[لاكوست]

[Messi الجامعه]

الطلبة المقبول أعذار غيابهم عن الإختبار النهائي لا يتوجب عليهم تسجيل هذه المواد التي غابوا عنها ..

وفي حالة أن الطالب قام بتسجيل المواد أو أحد هذه المواد التي تم قبول عذره فيها على نظام البانر أو على نظام التسجيل اليدوي فسيتم حذف تسجيله تلقائياً من النظام وبدون اي رسوم مالية ،

ومن قام بالإنسحاب عن المادة سواء بموعد استرداد الرسوم أو في موعد عدم استرداد الرسوم فسوف تقوم العمادة بتعديل وضعه بحيث يتم حذف تسجيل المادة بدون رسوم على الطالب .

انتهت الرسالة ..



أوضح لك أكثر :


انت الان سجلت المادة اللي انت غبت عن إختباراها النهائي بعذر مقبول ،

المفروض انك ماتسجلها لأنها تنزل لك تلقائياً ..

لكنك رحت سجلتها وصار اللي صار !

العمادة تقول لك راح نحذف عنك تسجيلك عشان ما تنحسب عليك رسوم المادة هذي .

طيب انت دريت انك المفروض ما تسجلها !

ورحت عملت انسحاب من مقرر ، وش الدبرة ؟

العمادة تقول لك راح نرتب وضعك بحيث نلغي تسجيلك للمادة سواء قدمت فيها انسحاب أو ماقدمت فيها انسحاب بحيث مايكون عليك رسوم تدفعها نظير المادة اللي تم قبول عذر غيابك فيها .




والوضع اللي بتكون عليه هو :

ان المادة تنزل لك في البلاك بورد بدون ماتدفع عليها رسوم ،

وتجمّع درجات المشاركة فيها من جديد وتحل واجباتها وتذاكرها (حسب الأستاذ الجديد اللي يدرسها ، مو تذاكر من المحاضرات القديمة اللي كانت عندك ، لازم تنزل المحاضرات الجديدة حالك حال الطلاب اللي يدرسونها أول مرة)

وتجي وقت إختبارها النهائي تختبرها في موعدها حسب اللي مكتوب في جدول الإختبارات النهائية .

[فارس740]