انا يامحمد كيف اسافر واخلي نوف ...........

[يوسف العتيبي]

مما راق لي

أنا يا محمد كيف اسافر واخلـي نـوف
وأنا كيف أعيش بديـرة ٍ ماتعيـش بهـا

أكب السفر من شانها لو علي ظـروف
ولا لـي بـدربٍ خطوتـه مـا تقربهـا

ليا جيت اسافر عن بلدها يجيني خـوف
هواجيـس حـبٍ فالضمايـر تقالبـهـا

وأنا ساعة ٍ ماوحي بها الزين والا اشوف
أعد السنـه بحسـاب الايـام واحسبهـا

عشير ٍ طواني طي الأوراق بالمظروف
مراسيل حب ٍ شمـع الظـرف كاتبهـا

بعد زرفه سجل عليـه البريـد حـروف
واخذته مراسيـل السمـا فـي حقايبهـا

عليها نظر عيني وقلبـي لهـا مشعـوف
والاضلاع راحت في صوايـد مخالبهـا

طويل المعنق ضامره والحشـا ملهـوف
لالا ردفهـا كـان الهبايـب تهـب بهـا

معزل نحيل الوسط جسمه صدر وردوف
نسيم الهـوى لاهـب نـوده يليـن بهـا

تمايل بجسـم ٍ ينثنـي كنـه الغظـروف
تلاعب خفيـف النـود وهـوه يلاعبهـا

يتل العروق اللي تغذي صميـم الجـوف
بنظرة عيـون ٍ سحرهـا فـي مذانبهـا

نظرها عليها رمش والرمش يثر خـوف
تخوف قلـوب أهـل المحبـة وترهبهـا

ليا صد واغظى بالنظر كن فيه صفـوف
جنـود ٍ لخـط النـار ترسـل كتايبهـا

والا يا عيون مقرنس ٍ بالشبك مصـدوف
توايـق ومفتـول المسابيـق قاضبـهـا

ليا هدها الصقـار مضرابهـا معـروف
على مشبك الجنحـان تثبـت مظاربهـا

يلوف الضماير بالهوى والمحبـة لـوف
وأنا الروح غيره مـاش شـي ٍ يناسبهـا



تحياتي

[اخت البطه]

تسلم على النقل
ررررررروووووعه ياالعتبي

[يوسف العتيبي]

الله يسلمك يالغلا

والروعه عيونك يااخت البطه

[العشق]

رووووووووووعه


يسلموووووووووووا

[أنين]

جميلة حقااا

سلمت على هذا الاختيار...