قرار وزير التعليم غير مقتنع بالتعليم عن بعد والانتساب ارجووووووووو الدخول للاهمية كلام كبير

[فقعه]

السلام عليكم
صباح الخير الزملاء والزميلات المتخرجين و الدارسين و اللي على وجه تخرج معي ان شاء الله
هالكلام لكم و يا ليت تفهمونه ولا تخافون ما يضيع حق لنا ان شاء الله
شفت اكثر من رد سابق على موضوع يخص وزير التعليم ( الفاشل حسبي الله عليه )
اللي يقول ليته قال كلامه قبل الاختبارات عشان انسحب او انه يبي ينسحب من الجامعة بسبب كلام الوزير
واللي يقول انا خايف ما اتوظف في وظيفة حكومية بسبب كلام الوزير او يقول الشركات ما راح تقبلني
اقولكم الارزاق من رب العالمين وربك كاتب لك رزقك الحمد الله
يا جماعة فيه ديوان المظالم نقدر نشتكي فيه ونقدر نشتكي في الديوان الملكي
وعندنا الملك سلمان الله يحفظه حافظ لنا حقوقنا مستحيل يضيع جهد وتعب سنين ورسوم جامعة فوق 24 الف ريال بسبب كلام شخص ما يفهم و شايف نفسه ما علينا منه اتركوه يقول اللي يبي
عندنا ديوان المظالم نقدر نشتكي وعندنا الديوان الملكي نقدر نشتكي فيه وفوق هذا عندنا رب العالمين
نقدر نشتكيهم عند ربنا بالدعاء وربكم اعلم باللي يصير معاكم
وانا انصحكم انه محد ينسحب ابد ولا يفكر في هالشي ابد
كملوا مشواركم ودراستكم وربي يوفقكم يا رب و تأخذون اعلى الدرجات ان شاء الله و التقدير
وانا معاكم في أي شكوى تبون نتجمع ونقدم شكوى عليه في ديوان المظالم او الديوان الملكي
لنا الحق في الشكوى ولا احد يقدر يسلبنا حقنا ندرس ونتعب و بالأخير يجي واحد مثل هذا شايف حاله
يقول غير مقتنع فيكم وانت منو يوم تقول كذا ؟؟
المهم كملوا دراستكم وربي يوفقنا جميع ان شاء الله
وباب الشكوى مفتوح فيه ديوان المظالم نشتكي فيه ووقتها نأخذ حقنا واذا ما نفع نشتكي عند الملك سلمان ربي يحفظه وهو قادر يأخذ حقنا من الوزير وغير الوزير وكل شخص يظلمنا

تحياتي ودعواتي لكم بالتوفيق جميع

[* طموحي كبير *]

ياليت نتفق و يكون في تنسيق لازم شكوى و اتحاد عشان كلمتنا تكون مسموعه لازم الكل يشتكي و انا مستعده ! اذا بيعوضونا في فلوسنا من يعوضنا في اعمارنا يعني اجلس ادرس من جامعه في جامعه و انتظر جداره بنظامهم الظالم سنين عشان اذا توظفت اتوظف و اتقاعد بنفس الوقت حسبي الله عليهم الله لا يحلل كل واحد مسؤول عن المهزله هذي

[فهد2011]

وانا كخريج انتساب غير مقتنع فيه كوزير، كيف لا يعتبرها دراسة ، وهي معتمدة من وزارة التعليم الذي هو يراسها.
وعدم اقتناعي فيه لانه لم يعيد هيبة المعلم ، ولم يحل موضوع المباني المستاجرة والمشاريع المتعثرة، اللي انا غير مقتنع باسباب تعثرها.

[Bandar75]

واحد فاشل ومطرود من جامعة اش تتوقع منه الا هذا تصريح

[محمد المطيري1]

لا حد يشيل هم

لاتنسون قبل ايام الخدمه المدنيه تعتمد هالنظام وتقول معتمد في جداره

واليوم هالوزير طالع لنا مو معجبني نظامكم , تصريح يبي بس يسوي دوشه شوي

وراح ينسى صدقوني

[المحترمه]

وعليكم السلام ورحمة الله وبركاته

عزيزي يوجد موضوع سابق بهالخصوص يرجى التواجد
فيه وإبداء المناقشات بعيدا عن التكرار

http://www.ckfu.org/vb/t735327.html

بالتوفيق للجميع