[ استفسار ] أبشركم استلمت الوثيقة بسس ؟؟

[سلمان المزيني]

مبروك التخرج ونسال الله لك التوفيق والنجاح ,

اتوقع اذا السجل المدني مافي غلط الامور سهالات

والف الف الف الف الف مبروووك لكل الخريجين والتوفيق حليفكم باذن الله

[المتردد 15]

أنا تخرجت الحمدلله بس مالي خلق آخذ الوثيقه الحين ، كلمتهم وقلتلهم : عادي آخذها بعد شهر ؟ ، قالولي : ماعندك مشكله


حبيت أعرف شنو آخذ وياي غير الإثبات ؟؟


وشنو سالفة السجل الأكاديمي ؟؟


يعني آخذ وياي شي معين ؟؟



وبعدين حبيت أعرف .. ماتعرفون لو في تكملة ماجستير باللغه العربيه ؟؟

إنتساب أو إنتظام أو أي شي .. ياريت لو في بالشرقيه

[هاجري رايق]

الف مبروك النجاح
اقولك يا معوده لا توسوسين خذي شهادتك وقولي الحمدالله لا يقول حنا زدناك درجة بالغلط وانتي حامله ماده وتتوهقين ههههههههه الله يوفقك ويوفق الجميع يا رب

[First step]

الف مبرووك
عقبالنا يالتربيه بس ياليت توضحين لنا وين نروح اي مبنى واي بوابه
والتوصيه لازم نمر الدكتور ولا كافي طباعتها

[وردة الحجاز]

اذا قدرتي تعدلينه أفضل ،، خصوصا لو بنيتك تكمللين براا

والله يااني شايله هم اسمي الاول

[ومض]

الحمدلله ان ربي سهلها لك

بس نذاله مايختموا الا على 3 بسس


وش يضرهم يختموا عليها كلها


الظاهر حسب علمي الاسم مهم خاصة لو بتدرسي برا




اللي جو من برا الحسا وسكنوا بشقق مفروشة قريب من الجامعة ياليت يعطونا الاسم

بحاول اروح بعد اسبوع استلم

[aizo]

الاخطاء المتكرره من الجامعه تجعلني اجزم بانها تتعمد فعلها المشين

اخواني اذا كان الاسم بالانكليزي خطأ فالشهادة لن تفيدكم بالخارج اذا كنتوا تبون تكملون بالخارج
اما داخل السعوديه عادي

[absentstar]

المشاركة الأصلية كتبت بواسطة بوسي كات

الف مبروووك ..

بس وش سالفة التصوير والتصديق

تصوير نسخ من الشهادة وتصديقها .. حتى تعتمد رسميا ً وتحل محل الشهادة الاصلية وتقدري تقدمي عليها اي مكان في الغالب يطلبوا شهادة مصدقة ! لانها تعتبر مثل الاصلية

[تشتيتي مركز]

الف مبروووك ،،

اعتقد مهم تعديل الخطأ ومن ابسط حقوقك ،، :/ الى متى هالاستهتار .

موعدي بكرا يا رب تسهلها :) .

[Naheddulaijan]

انا ما استلمتها ؟؟
يعني لو رحت الجامعه هاليومين بيعطوني اياها ؟؟
ماجاني مسج ولا شي منهم ولا قالو تعالي استلمي الوثيقه؟؟

ولا حفلة تخرج عشان يفرحونا ويحسسونا بتعبنا انه جاب فايده بعد 4 سنين كرف؟؟
وهذا بعد بفلوسنا المفروض يسوون لنا حفلة تخرج ..هذا الانتظام لادفعو ولا شي وهذاهم يسوون لهم حفلة تخرج ؟؟
يله الله كريم..
المهم.. اللي راحو ياليت تقولون لنا وتشرحون لنا بالضبط وين وعند مين نروح و وين المبنى بالضبط..