[ تجمع ] : ترتيب جدول لمستوى سادس منآسب

[miss blue sky]

صباح الخير والسسسعادة


حابة اسالكم عن مادة الشعر ونظرية المعرفة كيف انطباعكم عنها لترتيب جدولنا بسادس

ايش اسهل مهارات تحدث ( ماأخذناها بخامس) ولا شعر انجليزي ؟ وكيف دكتور الشعر الانجليزي ؟؟ والمادة ؟؟


انطباعكم بشكل عآم ؟


ويعطيكم العافية مقدما

كل الود

[mm-z]

ماده الشعر اسهل ودكترها مره بطل ويسهل امامهارت التحدث في فهم وماذاكره زين وبنسبه لنظريه المعرفه لكن دكتورها عسل عسل اعتمدت اسأله الاختبارات السابقه والحمد لله جاب الاختبار مكررررررر من الفصول السابقه نسخ ولص حتى ما غير

[3zf aljro7]

احب انبه زملائي بالدفعة
مهارات التحدث 3 ساعات
مواد سادس 18 ساعة كاملة
لو اخذتوا مهارات تضطرون تحذفون مادتين من سادس وليس مادة وحدة
فرتبوا جدولكم على هذا الاساس
اذا تبون رأيي خذوا المهارات بسابع لانها سهلة ما بتسوي قلق مع مواد سابع
بالنسبة لنظرية المعرفة اخذتها هذا الفصل مذاكرتها كانت متعبة
بس ضاع الوقت ع الفاضي ﻻنه كرر نموذج سابق اعتقد 37 حتى ترتيب الخيارات ما تغير 😁

[one pice]

بعيد عن تكرار الاسئله

المحتوى للشعر جميل جدا وممتع , حتى لو غير الدكتور صيغة الاسئله مع انه مستحيل من الشناوي لبى قلبه
بتكون فرصتكم مرتفعه تعدونها ..

اما محتوى نظرية المعرفة , المادة معلوماتها مكثفة ودش .., الفزعه الي جات لنا الاسئلة تكررت , مع ان للمعلومية لما راجعت الماده كانت معقوله ما اقول انه مستحيلة الفهم !!


مهارات التحدث بصراحه ما اعرف وش ردت فعلك اتجاهها , لكن عندي اعتقاد اذا تبغين تكرار الاسئلة يعني بنسبة 70% خذيها بسادس , او فعليا خذيها سابع

لأن جدول سادس مزدحم وسابع عندك امكانية تضيفينها , راجعي جدول اختبارات التخصص وعدلي جدولك منه , وموفقه

[one pice]

سألتني الاخت عزف عن اكثر مادة سببت قلق على النطاق الدولي وعن مدى صحة الكلام وماهي طرق العلاج > والله لو انها صحفيه زودت على كلامها انا ^^"


مساء الخير هلا والله عزف

والله يشهد علي توي بعطيكم نصيحه عن النحو عشان اقطع الشك باليقين وتفتكوا من كثرة الكلام فيها

الماده بصراحة ماهي مخيفه قد ماكثروا فيها الطلبه كلام فعلا , الماده اهون من غيرها بس الي تعبنا خوفنا من الدكتور نفسه

كثير اشتكوا منه انه يغير اجوبته ماله استقرار على جواب واحد ومن هالكلام , زي بيعطيك سؤال بيقولك بالمباشر جواب والمحاضره جواب

وان راسلتيه جواب ..!!

شفتي الحوسه كيف ..؟

شالحل وش العلاج بقولك الحين

الدكتور من وين يجيب الاسئله .؟ من المحتوى صح

بيخرج منه ..؟ لا طبعا

اذا جاء وقت تصحيح نماذج الاسئله بيحط الجواب الصحيح بالمحتوى .. يعني الخوف هذاك خرطي

فأنتي كوني القوه الي تعطينها دفعتك وتمنعيهم من الخوف والربكه وكثرة الكلام في الشيبه > الجماري مسكين شايب واكلناه ^^

واقولك فعلا الماااده والله راااااايقه وجميله ولها ملخص جميل من تهاويل مختصر وشرح وافي , اقلك دلع دللع

وتحذييير ., ترا حلول اسئلة الاعوام والكويزات اغلبها خاطئه حاولوا ماتعتمدوا عليها ابدا الا لمعرفة صيغة الاسئله

طبعا ماراح يخليك من الاسئله المكرره الي ممكن تشفي الغليل وانتي تجاوبي من الوناسه ..


هذا الملخص الي ما أطول منه في الماده هههههه

واجازه سعيده , وبتلاقيني بالخدمه لا تشيلون هم أن شاء الله افيدكم

[3zf aljro7]

ما قصرت والله ماعندك وقت تو ارسلت انسخ
في ثانية وصل الرد 😂
ماشاء الله تبارك الله
<<< هذا اللي بتعطي اتصالك عين 😁

سمعتوا الكلام يا دفعتي الجميلة
لا تسوون مثل حليمه خفنا منه وتوترنا ع الفاضي
كنت اذاكر مادته كل ما فضيت من زود التوتر 😓
موفق اخوي one pice وشاكرين لك تعاونك معنا

[one pice]

ههههههههههههههههه هذا وانا زعلان من النت عيى يخليني انسق

بالخدمه الله يحفظكم , مووفقين بسادس ياسادس > يعني ناجحين بأذن الله ^^

[skon aljro7]

-

الشعر الانجليزي ممتع

مهارات التحدث دكتورها دهيش والماده قرامر تنصدم وانت تذاكرها من تفاهة القواعد كيف هالمداه جايبينها بمستوى 5 و3 ساعات
انا خذيتها صيفي والدكتور جاب مكرر بس ماجبت فيها علامه كويسه مدري ليش

الحمدالله على النعمه

[skon aljro7]

المشاركة الأصلية كتبت بواسطة 3zf aljro7

ما قصرت والله ماعندك وقت تو ارسلت انسخ
في ثانية وصل الرد 😂
ماشاء الله تبارك الله
<<< هذا اللي بتعطي اتصالك عين 😁

سمعتوا الكلام يا دفعتي الجميلة
لا تسوون مثل حليمه خفنا منه وتوترنا ع الفاضي
كنت اذاكر مادته كل ما فضيت من زود التوتر 😓
موفق اخوي one pice وشاكرين لك تعاونك معنا

انا حليمه خفت منه وأجلت الماده ل 8 ههههههههههه

[miss blue sky]

الله يسسسعدكم على هذا التفاعل الجممممميل

لو ممكن ترفقون لنا افضل الملخصات لمواد سادس
دامكم لسه درستوها وشكرا 🙏🙏♥♥♥