أيهما أفضل ( ج الملك فيصل ) أو ( ج الدمام )

[DReex]

السلام عليكم ورحمة الله وبركاته



يآ أعضاء المنتدى الكرام , انا ابي فزعتكم وتوني جديد

حبيت اضيف موضوع أستفسر فيه عن الجامعة الافضل من جميع النواحي حيث الدرجات والمشاركات والتساهل بالأمور الدراسيه وغيرها الكثير , ولاحظت انه مافيه قسم بأقسام التعليم عن بعد يخص الإستفسارات فوضعته هنا ..

( أيهما أفضل جامعة الملك فيصل للتعليم عن بعد أو جامعة الدمام للتعليم عن بعد )

وياليت الي عنده معلومه أو اضافه يفيدنا فيها لأني مقبول بالجامعتين ومحتار بين أحد الخيارين لكي ( أخلي طرف من إحدى الجامعتين ) وأكمل بالثانيه .. " الوقت يداهمني "


ملاحظة : التعليم عن بعد وليس انتظام ..




وشاكر لكم

[ريم الباسم]

كيف تخلي طرف انا كمان قريبتي مسجلتها في الثنتين وانقبلت في فيصل وسحبت ع الدمام معد دخلت لانها تبغى فيصل عادي والا لازم اسوي شي

[Dode_282904]

جامعة الملك فيصل من كل النواحي حيث فيه تطور كبير في طريقة التعليم
تحياتي

[عبدالله الحربي0]

جامعه الملك فيصل لازم تحل الواجبات عن طريق النت والمحاضرات المباشره والمسجله
هذه عليها 30 درجه وبالاختبار لازم تجيب على الورقه 30 علشان تنجح يعني 30 عن طريق الموقع و30 على الورقه المجموع 60

[عبدالله الحربي0]

جامعه الامام لازم تجيب على الورقه 60 علشان تنجح بدون محاضرات وواجبات هذا والله اعلم

[ريمنقو]

وعليكم السلام ورحمة الله وبركاته


بحكم اني درست في جامعة الدمام ودرسوا زملاء وأقارب بهذه الجامعه ( تعليم عن بعد )
فإنها بالنسبة لنا افضل ،، من حيث جودة التعليم وجودة المخرجات ..
وايضاً زملاء وأقارب يدرسون بجامعة الملك فيصل ويرونها افضل ..

نظام جامعة الدمام شبيه بجامعة الملك فيصل حيث ان اعمال السنة ٣٠ درجه موزعه على محاضرات مباشره ومسجله وواجبات اخرى ..
والاختبار النهائي اختياري من 70 درجه ..
الفرق بين الشهادتين ان جامعة الملك فيصل تكتب نظام التعليم ( انتساب ) واما جامعة الدمام تكتب ( تعليم عن بعد )


ب انبه على موضوعك لقراءة آراء اكثر حول هذا الامر ..

[وردة جورية]

الي انا اعرفه انه بجامعه الدمام في المحاضرات المباشره لازم تحضرها في وقتها غير عن جامعه فيصل تقدر تحضر بنفس الوقت او تخليها بوقت ثاني ،، جامعه الدمام ماعندهم مراكز اختبار لازم تروح للحامعه نفسها وتختبر لكن فيصل فيه عندها مراكز كثيييييره

[DReex]

المشاركة الأصلية كتبت بواسطة ريم الباسم

كيف تخلي طرف انا كمان قريبتي مسجلتها في الثنتين وانقبلت في فيصل وسحبت ع الدمام معد دخلت لانها تبغى فيصل عادي والا لازم اسوي شي

ايه اختي اكيد لازم تسوي انسحاب أو اخلاء طرف لكي لايتم إلغاء الطلب حين اكتشاف انه تم قبولها بجامعه ثانيه من دون انسحاب هذا والله اعلم

[DReex]

المشاركة الأصلية كتبت بواسطة dode_282904

جامعة الملك فيصل من كل النواحي حيث فيه تطور كبير في طريقة التعليم
تحياتي

لاهنت حبيب قلبي

[DReex]

المشاركة الأصلية كتبت بواسطة عبدالله الحربي0

جامعه الامام لازم تجيب على الورقه 60 علشان تنجح بدون محاضرات وواجبات هذا والله اعلم

اخوي المقارنه بين جامعة فيصل وجامعة الدمام , من وين جبت الإمام

حبيب قلبي شوف أنا سمعت انه تقريبا بين الجامعتين نفس النظام هو انه يعتبر لك نصف ونصف بين المشاركات والاختبارات .. يعني تقريبا نفس الدعوه بالنسبة للدرجات

ويعطيك الف عافيه ع المشاركه