[ استفسار ] بخصوص وقت حضور الاختبار

[تُفاحه]

السلام عليكم ورحمة الله وبركاته



ي اخوان صحيح موضوع بعد نص ساعه من بدا الاختبار اذا ماحضرت تحرم من الدخول ؟؟؟
والا بس مقرنا يهلق علينا عشان مانتاخر ؟؟




ترا فيني غبنه مسكوني مرتين متاخره
ويمكن تطلع عليهم جنيتي بكرا ان شاءالله


عشان البنات يطلعون بعد نص ساعه من الاختبار تحرمونا وش ذنبناااا
خير نص ساعه ياظالمين يامفترين انا مايمديني اتمغط فيها
مين اللي ماشاءالله عليها يمديها تحل وتطلع هالوقت




اذا الموضوع صح ليه مافي رسايل نصيه
اذا الموضوع صح شرق الررياض 48 جعلكم اللي مب قايله ياحبايبي يافديتكم قرو 45 دقيقه على الاقل
اذا جيت اطلعوا






ترا والله اسال القرار صحيح ام لا ؟؟؟؟؟
ضروري ردو علي مشكورين وجزاكم الله خير

[حمودي707]

على حسب المراقب بالرياض بشرق الرياض تاخرت مره نص ساعه دخلني وحليت وطلعت متاخر وفيه بالقصيم بالرس متشددين مره تاخرت ربع ساعه تهاوشت معه الين دخلني الاختبار على حسب جامعتنا الموقره لا تحطط قوانين محدده لكل مركز المضحك ههههه ان بالقصيم يعطونك اكياس بلاستيك تحط جوالاتك وتنزلها تحتك وبالرياض لا ؟؟؟؟؟؟؟؟؟؟؟

[Garib]

لك حق تدخل الاختبار قبل منتصف الوقت يعني لك قبل ما يتجاوز الاختبار 60 دقيقة

[Mruqai]

انا معك الاصل انه الطالب يختبر وليس من يخلص يطلع ويكون الاثر ضرر الاخرين
اول اختبار اخطأت في موقع المدرسة ومن حظي كان الموقع قريب
ولا كنت حرمت دخول الامتحان
بعد دخولي بنص ساعه جا المراقب وقال انه بعد نص ساعه من البداية يتعذر دخول الطالب للقاعه
اظن انه تعميم عام


مهم نروح بدري
بالتوفيق

[تُفاحه]

شكرا لكم الله يوفقكم
مافي الا نكلم الراس الكبير ان شاءالله ونشتكيه



لانو ظلم فعلا ولا فيه عدل ومثلا ما قال الاخ
الأحق للي يختبر يلحق مب الحق مع اللي خلص بدري


معروف الاختبار ينتهي الى نصف الفترة باي مرحله كانت
خصوصا الفتره الاولى متى الواحد يوصل المقر من الزحمه في الرياض
بعد صلاة العصر اووووفر اوفر

[*كادي*]

قرار حلو.. انا دايم اضطر اقعد ساعه علشان اطلع تاركه عيالي فالبيت وعجبني نظام النص ساعه ليته من زمان

[B7H]

حتى بمقر جده 2

قروووووشه يدخلونا 6 ونص وبالمكرفون حق الاذاعه يسوون نداء

[فآهم]

النظام ... بعد تجاوز نصف الوقت لا يحق للطالب الدخول الى الاختبار .. والمراقب ماله حق يطلعهم قبل لا ينتصف الوقت .,


اللي صاير المراقبين يطلعون الطلاب بدري يعني تخلص بنص ساعه تطلع ... وهذا غلط
المفروض محد يطلع إلا بعد .. ساعه تماما من بداية الاختبار .. عشان المتأخر يدخل ويختبر عادي




بعدين المراقبين .. كل واحد مطلع له نظام من راسه

[mazzone]

انا دايم اجي متاخر نص ساعه ما اذكر اني جيت بدري
اليوم لما دخلت بعد نص ساعه كالعاده طلع المراقب كاتبني غايب قام مسحها وحضرني

من الطريف مادة البنوك قبل سنه كانت الفترة الاولى وانا احسبها الثانيه بعد ساعه من الوقت انتبهت لماوصلت قال انسى الموضوع والوعد الموسم القادم
وجا الموسم القادم ونجحت هههه

المفروض يسوون النظام قبل نص الوقت محد يطلع

[Plender]

عن نفسي ولا مره طلعوا اي طالبه قبل مرور ساعه كامله ع الاختبارو بالمقابل لم يمنعوا اي طالبه متأخره من الدخول
طالما لسه البنات ما طلعوا من القاعات
ولا مر نص الوقت