[ استفسار ] ملاحظه مهمه للجميع

[فيينا]

صباحكم معطر بذكر الله


عندي ملاحظه مهمه حبيت اقولها ، صارت بالمستوى السادس مااتمنى انها تكرر هالمستوى ، لأننا كلنا طلاب وهذا مستقبلنا ، ومهم لنا ونتعب عشانه ،


الملاحظة : اذا بدت الاختبارات تبدى المراجعات والأسئلة بين الاعضاء ، ونشوف روح التعاون وهذا شي جميل وعسى الله يوفق الجميع ،

لكن فيه شغله تكرر دايم ، ومهمه بالنسبة لنا ،

لما احد يعرف لو معلومه بسيطه ومهمه لايتردد يحطها هنا ، مو شرط يشرح. يقول المحاضرة كذا فيه شي مهم كذا ، ينبه درجه وربع تفرق والله ،


لانو في مواد بمستوى سادس انبهرت بكمية ردود الاعضاء وهم يقولون ايه الدكاتره. نبهوا على كذا وكذا بعض الاعضاء ما كانو يدرون ليش مأتم تنبيهم ، التباهي بالاجابات الصحيحه بعد الاختبار مانبيه ، قبل الاختبار اذا عندك معلومه مهمه حطها وش بتخسر ، نبه عليها ، اتمنى مايتكرر هالشي ، بمستوى سابع عندنا مواد مهمه

المسالة مش مسالة إهمال من الطالب نفسه لكن ممكن يذاكر ومع كثر المواد والمعلومات ينسى ، مثل اللغويات التطبيقه انبهرت بعضوه كاتبه ايه التورايخ معانا، انا وحده ماكنت ادري وغيري كثير اعضاء ، طيب ليش مأتم التنبيه بانو التورايخ مهمه ، وكان عليها سؤالين ، ممكن هالسؤالين ينقذون طالب او طالبه من حمل مواد ، ويأخذها للترم الجاي ، وفيها دفع فلوس ، يعني المساله مش بسيطه ترى ، والله احمل. مادة، بس علشان سؤالين خطاء


اتمنى التعاون من الجميع اذا فيه معلومه مهمه بالاختبار لاتترددون واكتبوها هنا ، لان القسم يكون عليه إقبال من جميع الطلبه والطالبات وتكون المعلومه وصلت الأكبر عدد ممكن ،
بكذا انت ساعدت نفسك وساعدته ، وماخسرت شي ، بالعكس ممكن تكسب دعوة صادقه من القلب لك ، مافيه اجمل من الدعاء من قلب صادق ،

وبس
والله يوفقنا ويسهل علينا هالمستوى ، ومتفائلة انه بيكون مستوى سهل باذن الله ، والله يفرح قلوب الجميع بالنتائج العاليه يارب

[الاماسه]

اي والله صادقه بس ماشاء الله اشوف فيه تعاون كبير يمكن فيه فئه قليله من هذا النوع

[Amira - 92]

التعاون شي جميل وكثير اعضاء فيهم الخير
بس من المفترض مانعتمد عليهم اعتماد كلي
عشان نشوف وش لنا وش علينا نتابع المحاضرات المباشره الثلاثه
او نرسل ع ايميل الدكتور نفسه

[خواطر مبعثرهـ]

معك حق في كل كلمة

[Ꭰαчєм sαudᎥ]

الله يعطييك العافيه ( فيينــآ )

وفعلاً واجب علينا ان نكون يد وحده ونساعد بعض قدر الامكان وهذا ان شاء الله يخفف علينا هم الاختبارات

[ام الملوك]

جزاك الله خير فينا وهذا مو شي غريب عليك حرصك ع مساعدتك الجميع دمتي لنا عزيزتي

[فتاة الخبر]

مثل ما قلتي الله يجزاك خير احتساب الاجر والثواب قبل كل شي
وي بختهم بدعوة ناس فعلا محتاجين لهاالمعلومات
بالذات للموظفين الي ممكن ما يلحقون في متابعة المحاضرات
ياليت يكون عندنا ملف مثبت باهم ما قيل في المحاضرات المباشرة

[.Lovely meme]

المشاركة الأصلية كتبت بواسطة amira - 92

التعاون شي جميل وكثير اعضاء فيهم الخير
بس من المفترض مانعتمد عليهم اعتماد كلي
عشان نشوف وش لنا وش علينا نتابع المحاضرات المباشره الثلاثه
او نرسل ع ايميل الدكتور نفسه

صدقتي ...وصلنا الى مرحلة متقدمة من الدراسة والطالب ملزم يتابع امور دراسته بنفسه اما الاعتماد على الاخرين اعتقد لن يكون مجدي
و لكن لا يمنع من مساعدة الاخرين بأي معلومة قد تساعد غيره من باب التعاون

[Tareq PP]

you are right we got to help each other to pass this semster successfully and i hope everybody will pertesapate to get to the final semester... with my best wishes

[خواطر مبعثرهـ]

المشاركة الأصلية كتبت بواسطة .lovely meme

صدقتي ...وصلنا الى مرحلة متقدمة من الدراسة والطالب ملزم يتابع امور دراسته بنفسه اما الاعتماد على الاخرين اعتقد لن يكون مجدي
و لكن لا يمنع من مساعدة الاخرين بأي معلومة قد تساعد غيره من باب التعاون

أنا وحدة ما اعتمد ومتابعه أول بأول
بس سبحان الله أستغرب أحيانا في أشياء ما أنتبهت لها
فـ البعض ينبه أو أشوفها مو مهمة وتطلع مهمة
وهذا قصد فيينا بهذا الموضوع