[ اسئلة اختبارات ] : هل يكرر استاذ مادة العلاقات العامة الاسئلة كل سنة ولا معصي ؟؟؟

[ابو شادن الرياض]

اللي اختبروا العام الماضي واللي قبله ، كيف كانت اسئلة الدكتور حلوه ولا عفشه وهل يكررها وووووو شكراً وفال الجميع + a

[أبو فيصل1212]

:pانا مثلك مادري من يدري :)

[ـالروقي]

حتى انا م ادري و اول مره اختبر هالماده ��
ادري ان في خاطرك تقول والله م منك فايده ����
على الاقل احسن من اللي يقرا ولا يرد هههههههه
امزح معك ي حبيب قلبي ي ابو شادن
انا عندي احساس انه شديد و يبي يغير الأسئله
بس شسوي بذكر الاسئله القديمه وش نسوي مالنا الا تسذا ��

[ابو شادن الرياض]

تسلم اخوي جميل ١٢٠ واحد دخلو الصفحة ولا واحد رد ، الله يجمل ايامك ( وشهادتك ب +a ) قل امين ومن يقراء . ان شاء الله انها بتكون خاتمة خير ان شاء الله ( وسهام الليل لا تخطئ )

[Rjawy_m]

<


توكل على الله وربك يبي يزينها
لنا ولك ما اعرف لكن اقرأ الملزمه وراجع اسئلة المراجعه والكويزات
وفالنا a+

[fawaz11110]

الله يوفق الجميع واتوقع اختبار صعب لاكن الله يجيب العواقب سليمه

[NUR AHMED]

الله يسهلها من عنده
كل واحد يقرا الملخص ومايستهين فيه
ثم يراجع من اسئلة الاعوام السابقه ومايعتمد عليها
فالكم A+ دميعاً ان شاء الله :o

[j0ojo305]

اسمع يا ابو شادن اول شي اسم شادن عجبني ههههههههه
الزبده مالك بطويله اسمع الكلام الي يجمد على شارب الدكتور وانا اختك انا سمعت ان قال ركزوو على المحاضره ١٤ جبت منها اسئلة ماتنعد على الاصابع يعني بالمختصر كثرر من المحاضره ١٤ وحكي كثير قال ذكروه اخوانا الدوافير الله يحميهم في بالمنتدى انت شد حيلك
وتوكل على ربك والله بيزينها من عنده
وفالكم الـ a+

[سلطان الشعلان]

صباح الخير جميعاً
سؤال لو سمحتوا

س/ أن العلاقة بين الاتصال الشخصي وقوة التأثير هي علاقة ؟
1- عكسية
2-طردية
3- تبادليه


وش الإجابه لا هنتوا ,,,,

[ظاهر راضي]

طردية