التحويل لجامعه اهليه

[مفآهيم الخجل]

السلام عليكم

انا خلصت مستوى سابع
لكن بعد اخبار ان الشهاده مومعترف فيهاا بالخدمه المدنيه
ولااا يقبلوني ماستر صراحه تحطمت
حابه احول لجامعه اهليه ، برايكم يعادلون لي المواد او اعيد من جديد؟؟؟

[مــجــازفــــ]

اول شي مافيه اي قرار رسمي ان الشهادة غير معترف فيها بل بالعكس معترف فيها من قبل وزارة الخدمة المدنية ووزارة التعليم العالي ... ثاني شي الماستر تقبل شهادة الانتساب مثلها مثل الانتظام ولكن الفيصل هو المعدل يعني مو يكون معدلك 2او 3 لانك راح تتعبين اما اذا كان المعدل مرتفع فبإذن الله راح تتسهل امورك وأقلها ابتعاث لاكمال الدراسة وبالعربي واقعنا يقول ويحكي البكالوريوس بهذا الزمن ما يأكل عيش خلي طموحك دراسات عليا وفالك التوفيق.

[ذكريات الرحيل]

وعليكم السلام ورحمة الله وبركاته
مخلصة سبع مستوياتْ ماشاء الله وتبين تحولين لجامعة أهلية
ابتعدي عن التفكير السلبي والأفكار السلبية تنسفيْ جهد هالسنينْ
عشان سمعتي شخصْ أو اثنين يقولون لك مو معترف فيها بالخدمة المدنية ؟
شهادة الانتساب معترف بها من ديوان الخدمة المدنية وأجهزة الدولة الحكومية والخاصة لأنها شهادة صادرة من جامعة حكومية معترف بها .
والإثارة والأكشن اليومين هذه من قبل البعض الله يهديهم هي فيما يتعلقْ بالوظائفْ التعليمية وهالشيء عارفينه من قبل لا ندرسْ
وكلي أمرك لله وخلصـــي دراستك على خيرْ وإن شاء الله تتوظفينْ بعد التخرجْ مباشرة

[بنت الداود]

تعوذي من آبليس و كملي

ليه حكمتي آنه مو معترف فيها !!

و ليه حكمتي آنو م تقدرين تكملين ماستر !!

ترا جامعة الملك فيصل معترف فيها و معروفه

بعدين حتى لو حولتي لجامعه آهليه ترا م في تحويل عند جامعتنا و بيخلونك تعيدين من جديد

و راح تندمين صدقيني

قبل كل شي شوفي هالموضوع صحيح آنه لطالب علم آجتماع بس م يمنع تشوفين تجربته

عشان ترتاحين نفسياً آن الشهاده معتمده

http://www.ckfu.org/vb/t547686.html

[ذكريات الرحيل]

وهذا الخبر تأكيد على أنه مافي فرق في الخدمة المدنية بين الانتظام والانتسابْ
ولا تنقادي خلف الإشاعات فليسْ كل ما تسمعينه حقيقة

الخدمة المدنية: لا فرق فى التعيين بين خريجي الانتظام والانتساب

أكد مدير فرع الخدمة المدنية بمنطقة مكة المكرمة الدكتور سحمي الهاجري أن نظام الخدمة المدنية لا يفرق بين حامل البكالوريوس انتظام أو انتساب. وقال إن وزارة التربية والتعليم تعتمد شروطًا تنظيمية خاصة بها عند مفاضلتها بين الخريجين. وكان عدد من طلاب الانتساب بجامعات المملكة طالبوا وزارة التربية والتعليم بالاعتراف بشهادة البكالوريوس التي حصلوا عليها ومساواتهم بالطلبة الحاصلين على البكالوريوس انتظاما. وأضافوا أن وزارة التعليم لا تقبل شهادة البكالوريوس “انتساب” حين التقدم للوظائف التعليمية عن طريق الخدمة المدنية. وقال سعود الحربي (خريج دراسات إسلامية انتساب) إنه أصر على استكمال تعليمه للحصول على شهادة البكالوريوس، وحين تقدم لوزارة الخدمة المدنية للالتحاق بالوظائف التعليمية فوجئ برفض شهادته كونه حصل عليها انتسابا، وأن التربية والتعليم لا ترغب في تعيين خريجي الانتساب سوى تخصص الانجليزي. وقال خالد محمد كامل الكبكبي إن شهادة الانتساب لا تختلف عن شهادتهم بل هناك من تفوق وتخرج بامتياز في ذات الوقت الذي يوجد عدد من طلبة الانتظام لم يحصلوا على ذات التقدير. وأبان سعود العقيلي وخالد ونس المشعلي أنهما يطالبان بإرجاع جميع المبالغ التي تم دفعها خلال دراستهم الجامعية في حال ما إذا لم يتم قبول شهادتهم حين الالتحاق بالوظائف التعليمية.

[المعالي غالية]

!!!

[vip-1]

اختي الشهاده معترف فيها بالخدمه المدنيه هذا اكيد

اما اكمال الماستر توجد حاليا حسب علمنا جامعتين تقبل طلاب الانتساب
1- الجامعة السعوديه الالكترونيه
2- جامعة او كليه الباحة

اما الجامعات الامريكيه والاستراليه والكنديه وجميع جامعات العالم تقبل شهادتنا وترحب فينا بعد اكثر من الانتظام لان اغلبنا موضفين واغلب الجامعات تطلب خبره مع البكالوريس لاكمال الماجستير بالتحديد اتكلم عن ماستر اداره الاعمال mba لان الجامعات تفضل الطلاب الكبار وخاصه الي خدماتهم العمليه اكثر من خمس سنوات (وهذا كلام اغلب الجامعات الي زرتها في معرض التعليم العالي الذي اقيم بالرياض )

كملي وتوكلي على الحي القيوم الذي لا يضيع عنده اي حق ويكفي انك راح تكونين جامعيه راح تفتح لك افق اخرى

[ذكرى محمد]

فى واحد من اقاربي تخرج انتساب

وكمل ماستر بالخارج

[عبدالله الحربي0]

طيب حولي انتظام

[سحايب 01]

نبي تفكير بالعقل مو بالعواطف
تحويل بعد سابع مستوى !!!
وأصلا ما أظن الجامعات الأهلية تقبل التحويل