 |
|
||||||
| ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
 |
|
|
أدوات الموضوع |
|
#1
2013- 7- 12
|
|||
|
|||
|
شرهه للي تخرجوا ويطالبون بإرسال وثيقة التخرج بالبريد ...
صحيح ان جامعة الملك فيصل ماقصرت وفرت كل شئ من اختبارات ومساعدات طلابية عن طريق النت والموقع بس شدعوااه عااااد ... ماتبونا ... تعالوا شوفوا الحساا حياكم الله ... ترااا ديرتنا ذي سياحية بعطيكم نبذة صاروخية عنها ... فيها جبل القاره التاريخي وفيها قصر ابراهيم باشا على ايام العثمانيين الي حاكمين الحسااا وفيها جبل جواثا وجبل الشعبه كلهم واجهات سياحية ... والعيون عاااد حدث ولا حررج فيها عين الخدود وعين ام سبعة وعين الحاره وعين الجوهرية وعين ام خريسان وعين اللويمي وعيون كثيره اانه من اهل الحسااا اجهلها من كثر العيون الموجوده فيها .. طبعاا العيون ماهي العيون ذيي
 خخخخ يااخوان العيون هاذي للسباحة ولتغذية النخيل فتخرج الماء من العيون من جوف الارض سبحان الله فالاحساء ارض زراعية تمتلك اكثر من مليونين نخلة تغذي اغلب الدول العربية بالتمر اللذيذ اكيد جربتوه خخخ ... وحاولوت تدخل الحسااا في مجموعة ومسابقة عجائب الدنيا السبع لكونها ديرة تاريخية تجمع بين نخيل وعيون وجبال وقصور تاريخية وميناء ...واول ميناء تجاري بالخليج فهو ميناء العقير التاريخي .. صحيح كورنيشنا على قدنا بس تعالوا شوفوا تمشوا ... وفوق هذا كللله فيها حقل غوار البترولي الي يغذي 64% من نفط المملكة واكبر حقل نفط في العالم ... وفوق هذا كله موقعها على الخليج العربي ففيها 3 منافذ خليجيه منفذ سلوى على دولة قطر يعني القطري زي البحريني مايقدر يطلع من قطر الا لازم يحدر على الحساااا خخخخ.. ومنفذ البطحااا الله عليكم ياااهل الامارات .. واهل عمان يجون عن طريق منفذ البطحااا ... . يعني اهل الخليج يجون عندنا وقت الحج للراحه وبريك سياحي على السريع وانتوا اهل ديرتنا ماتجون شدعوااا عاااد احنا عيال قريييية لا تغركم الاحداث السياسية اللي ماتوكل عيش ... ترانا يالحساويه نحب ضيوفنا وانتوا رواعي مكان مانتووا بضيوف. حياكم الله في الاحساء .. ورب الكعبة تحمست وودي احط رقمي لأي خدمة تبون بس اخاف انحذف من المنتدى خخخخخخ ... والله ياجماعة اعتبروها سياحة مافيها شئ ... ترا الحسااا ديره حيييه ماهي بميته مع احترامي لبعض محافظات المملكة ترا فيها مواقع اكاديمية حكومية وغير حكومية ترااا ماهو بس جامعة الملك فيصل فيها فرع جامعة الامام كلية الشريعة .. وفيها الجامعة العربية المفتوحة .. وكلية المعلمين .. وكليات التمريض سواء كليات حكومية او كليات اهلية .. ومعاهد طبية وصحية ومعاهد كبيره ومشهوره في الحاسب والانجلش مثل نيوهورايزن والبسام وكليات تقنية وبيفتحون بعد كلية للفندقة وغيرها من المعاهد ... زبده الحكي عدوا جيتكم سياحة واخذ للشهاده ... واللي يبي ياجر في فندق فحيااااه الفنادق كثيره واللي جوه طبيعي ترااا فيه استراحات في وسط مزارع وبرك سباحة تعالوا وسعوا سدوركم ... ترا الوضع طيب هنااا .. حياكم الله صدق مهرجاناتنا على قدنا بس فيه مهرجانات وحركات وقت الصيف عندنا اكبر نافوره تفاعلية بالعالم وعندنا اشياء ممتعة في الصيف بصراحة كثيره .. واللي جوه اسواق فالاسواق والمجمعات ياكثرهم يكفيك سوق القيصريه التاريخي اللي فتحة الملك عبدالعزيز الله يرحمه ولايومك موجود.... وراعي الدوري يمديه يجي وينسق جيته مع مباراة الفتح ترااا دخول الملعب مجاااني خخخخخ والملعب يم الجامعة مررره قريب .واللي جوه فن فالفن موجود من فنون مسرحية على قدنا وفنون موسيقية فجمعية الثقافة والفنون موفره هالشي ماقدر اقول الا الله يرحمك ياعيسى الاحسائي ياما جمعت اهل الجنوب وبالخصوص حبايبنا القحاطين ..... شدعوااا عاااد لو احنا الامارات شان تناااقزتوا على الجيه خخخخخ ... تعالوا بس وحياكم الله والبيت بيتكم والحسااا حساااك لو الدهر نساااك ... غيروا جو واخذوا شهادتكم وريحوا يوم ولا يومين انتوا واهاليكم تعالوا حياكم الله .... همسة في اذانيكم .. لايكووووون خايفييين من مرض كوروووونااااا خخخخخخ  اخوكم وخادمكم ولد الحساااا بوبديـــــــــع ... التعديل الأخير تم بواسطة بوبديـــــْع ; 2013- 7- 12 الساعة 07:16 AM 
|
|
2013- 7- 12
|
#2 |
|
أكـاديـمـي ألـمـاسـي
|
رد: شرهه للي تخرجوا ويطالبون بإرسال وثيقة التخرج بالبريد ...
ههههه حمستني اجي
ان شاءالله وقت تخرجي اجيكم ولي زيارات سابقه رائعة الاحساء بمن فيها 
|
|
|
|
2013- 7- 12
|
#3 |
|
أكـاديـمـي ذهـبـي
|
رد: شرهه للي تخرجوا ويطالبون بإرسال وثيقة التخرج بالبريد ...
ههههههه اولاً الف مبروك للخرجيين والله يوفقكم
ثانياً اسلوبك جداً رائع تصلح حق دعاية واعلان وماشاء الله كل هذا بالاحساء ان شاء الله نزورها قريب وأهل الاحساء والنعم فيهم
|
|
|
|
2013- 7- 12
|
#4 |
|
أكـاديـمـي فـعّـال
|
رد: شرهه للي تخرجوا ويطالبون بإرسال وثيقة التخرج بالبريد ...
لا بعد وتحمست احط صور للتوثيق بس ماعرفت خخخخخخ ...
|
|
|
|
2013- 7- 12
|
#5 |
|
أكـاديـمـي فـضـي
|
رد: شرهه للي تخرجوا ويطالبون بإرسال وثيقة التخرج بالبريد ...
موضوع جميل
بارك الله فيك . |
|
التعديل الأخير تم بواسطة الريم القحطاني ; 2013- 7- 12 الساعة 09:21 AM |
|
|
|
|
2013- 7- 12
|
#6 | |
|
أكـاديـمـي فـعّـال
|
رد: شرهه للي تخرجوا ويطالبون بإرسال وثيقة التخرج بالبريد ...
اقتباس:
اول شئ انا ماقصدت اهل ديره بسوء ويشهد علي الله ... والشاعر علي القحطاني من اهل الجنوب اسمه رناااان الى يومنا هذا فهو كان شاعر لفنان شرقي نفتخر به لفنه بشعره... ويشهد علي الله اني لم اذكر هذه القبيله الا لحبي وتقديري واحتترامي واعتزازي لأهلها ... فالثقافه والفنون فنون انواع كثيره فهو شاعر مشهور وحبيب لنا .... وعتبك على عيني وراسي .. واذا اسم القبيله زاعجك مستعد وبكل احترام احذف السطر المكتوب فيه ومستعد احذف حتى المشاركه بكبرها ... بس اهم شئ يكون الود والمحبه بيننا الله لايفرقنا امين يارب ...
|
|
|
|
|
2013- 7- 12
|
#7 | |
|
أكـاديـمـي فـضـي
|
رد: شرهه للي تخرجوا ويطالبون بإرسال وثيقة التخرج بالبريد ...
اقتباس:
الله يرضى عليك انا ما ابي اخوض في ماضي ناس في قبورهم راحوا و لا يعلم مصيرهم الا الخالق سبحانه نسأل الله الرحمة لموتى المسلمين و الله يهدينا و اذا قدرت تمسح السطر اللي ذكرته اكون شاكره مع مشاركة الرد على العتب و انا بحاول امسح الردين اسعدك المولى دنيا و آخرة |
|
|
|
|
2013- 7- 12
|
#8 | |
|
أكـاديـمـي نــشـط
|
رد: شرهه للي تخرجوا ويطالبون بإرسال وثيقة التخرج بالبريد ...
اقتباس:
ثانيآ : تحمست أزور الحسا وانا كنت ناوي أوصي واحد من اخوياي يمر الحساا ويستلم الوثيقه لاكن بعد كلامك جاي الحسااا جاي الحسااا الله لايعوق بشر لاكن أخوي بوبديع الفطور عندك أول يوم 
|
|
|
|
|
2013- 7- 12
|
#9 | |
|
أكـاديـمـي فـعّـال
|
رد: شرهه للي تخرجوا ويطالبون بإرسال وثيقة التخرج بالبريد ...
اقتباس:
اما توصي واحد من خوياك ... حياك الله ووقت ماتجي ارسل لي رساله على الخاص وانا بحتريك ياخوي الدراسة صدقني لا افطرك بعصيدتنا الزينه خخخ ياجماعة ترا عصيدنا غير بالتمر والطحين خخخخخ ... تحياتي لك ...
|
|
|
|
|
2013- 7- 12
|
#10 |
|
مشرفة سابقة لقسم علم الأجتماع
|
رد: شرهه للي تخرجوا ويطالبون بإرسال وثيقة التخرج بالبريد ...
يجنن اسلوبك وي خي
يلا جايتكم الاسبوع الجاي انا والوالده ..' الا صحيح بسألك فندق كورال قريب لجامعة الملك فيصل ، وكمان بسألك ايش الاماكن النسائيه اللي تناسب البي بعمر ماما بمشيها بالحساء (": <حمستني اقدم رحلتي الله يسعدك (": |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حل جميع مناقشات النقود والبنوك / | ششقير | إدارة أعمال 5 | 9 | 2012- 11- 21 06:40 PM |
