اللي تخصص اعاقه عقليه يتفضل

[رضا ربي غايتي]

السلام عليكم ورحمة الله وبركاته

كل عام وانتم بخير وعساه ينعاد عليكم بالصحه والعافيه
انا الحين في شتات فكري غير طبيعي ومحتاره مره ولاندم من استخار ولاخاب من استشار
فحابه استشيركم وعسى القى عندكم جواب لأسئلتي



انا احترت في المسار بسبب اني ابي مسار لسبب وابي المسار الثاني لسبب ابي الاثنين واحترت وابي نصيحتكم

طبعا ابي مسار صعوبات تعلم لسبب انه بتعامل مع اطفال عاديين

وابي مسار اعاقه عقليه لأنه مطلوب وظيفيا اكثر بس خايفه اتعب من التعامل مع المعاقين الله يشفيهم يارب
ولاتقولون اهم الشي المسار اللي تحسين نفسك فيه ادخليه انا احس نفسي في صعوبات وبنفس الوقت ابي العقليه لأنه مطلوب اكثر ادري الرزق والوظيفه بيد الله بس الواحد يأخذ بالأسباب ويحسب حساب هالشي

واتمنى ماطولت عليكم

[رضا ربي غايتي]

وطبعا ابي اعرف طريقة التعامل مع المعاقين بعدين كيف هل تعليم وبس والا رعايه كامله لأنو سمعت ان الحمام وانتو بالكرامه اوديهم له واهتم بنظافتهم
مين يعرف احد يشتغل بهالمجال كيف دوامهم وهل يداومون صباحي بس او كيف في راسي الف سؤال وسؤال
واذا فيه احد راح لمركز معاقين يذكر تجربته وكيف تعاملهم

[رَحيق الورد]

بالعكس التعامل مع التخلف العقلي او (التربية الفكرية ) موصعب حيل,’
اكثر اطفال
التربية الفكرية يكونوا مستخدمين حبوب لتهدئتهم ’, (من واقع خبرة وتجربه لاناس متخلفين
رحت مع معلمة تربية فكرية تقريبا اسبوع <كانوا بنات التربية الفكرية قمة البراءة ,’ثم قمة البراءة,’كبيرات لكن عقولهم مثل الاطفال ,’تعاملهم اقل من اعمارهم بكثير كأنهم اطفال بالحضانه والروضه موشرط اتقانهم للمادة المدروسه المهم غرس القيم فيهم وطريقه التعامل معهم على قد تفكير كل واحدة منهم لانهم قدرات مونفس الدرجه

حبيتهم ووجدت المتعه في وجودي معهم,’جلست اسبوع ماشفت مشاكل معهم ,’ عجائب وضحك ووناسه معهم
المتخلفين عقليا مراحل بدرجات تخلفهم <اعاقة بسيطة والمتوسطة وهي الفئة القابلة للتعليم والتدريب وهذي الاكثر انتشارا بالمدارس الفكريه ومدارس الدمج يدرسون<هذولا الي اتكلم عنهم مامنهم خطر ,’
وهناك شديدي الاعاقه <الاعتماديون لايتعلمون ولايتدربون ,’هذولا الصعوبات معهم وصعب التعامل معهم ,’وماتقبلهم المدارس الفكريه لانهم اخفقو باختبار الذكاء <تتولاهم مراكز خاصه بالاهتمام برعايتهم ,’


^

^
اماالصعوبات من واقع تجربتي لماامسك طفل مفهي مايفهم واجلس اعيد واكرر بالشرح ,’ يرتفع ضغطي واحس بنفجر ,’ وهذا طفل عادي بمدرسه عادية مجبر يتقن المهارة مثل زملاءه وهذا دور معلم الصعوبات في تسهيل المعلومات له وتوصيلها له غصب غصب,’

تكلمت عن تجارب تخصني ,’وغيري قد يختلف عني ,’ كل واحد ومايحب ويهوى ويرتاح ,’
استخيري بالأول والأخير,’
ولو تقدري قبل التخصص تتواصلي مع ذوي الخبرة من التربية الفكريه وتستفسري عن برامجهم وتتعرفي عن واقعهم حتى تتضح لك الصورة ,’
اماالوظيفه ,’الله الرزاق ,’صديقاتي متخرجات انقلش +تربية خاصه انتظام ومع مرتبه الشرف ,’لكن الله ماكتب لهم التوظيف,’

اسأل الله ان يرزقك ,’و يرزق كل من لم يحالفه الحظ بوظيفه ,’
موفقه خيتو بقرارك

[راهي الحس]

نصيحة الاستخارة ثم الاستخارة والخيرة فيما يختارة الّلة سبحانة والوظيفة رزق ومكتوب لك وبالتوفيق

[بنت الجبيل.]

وعليكم السلام..
شوفي ياقمر اختاري التخصص الي تحسين انتي حابته وبتبدعين فيله لانه بتترتتب عليه اشياء كثيره ..
يعني لايكون همك الوظيفه وش له مستقبل اكثر من هنا لين تتخرجين يسير عشرين الف شغله..
والوظيفه لو مكتوب لك وظيفه لو اش مادخلتي من قسم بتتوظفين..
حطي في بالك وش تبين والوظيفه حطي في بالك انهم ناس مسكينه وتبين تساعدينهم..
بالنسبه لااعاقه العقليه اذا انتي ماتقدرين لاتدخلينه.. بس بنسبه لي التعامل معهم مو صعب بالعكس شي جميل ..
انك تتعاملين معهم انا اشتغلت في مركز للمعاقين مررره شي جميل..
والعصوبات اني بتعدين الشرح ليين تفهم الحاااااااااااله..
يالله اشرح وافهم عمري عشان افهم غيري
وبس كثرت.. ..
والله يوفقنا ..

[ابومقبل]

نصيحتي لك صعوبات لان نفسك ورغبتك فيها أكثر بالتوفيق

[حــرامـــى]

انا اشوف انك تدخلين اعاقه عقليه

مدري ليه احس انه يناسبك

[@ابو نايف@]

عقليه

[رضا ربي غايتي]

الله يكتب اللي فيه الخير ابي تجارب من اللي تعاملو معهم كيف الوضع

[رضا ربي غايتي]

المشاركة الأصلية كتبت بواسطة حــرامـــى

انا اشوف انك تدخلين اعاقه عقليه

مدري ليه احس انه يناسبك

على اي اساس ياحرامي