[ جامعة الدمام ] : القبول في الدفعه الأولى ؟؟ ومشكلة القبول النهائي !!

[توتا لوفي]

السلام عليكم ورحمة الله وبركاااته

رمضان كريم مقدما


وأبارك لكل الطلاب والطلبات المقبولين والمقبولات في الدفعه الأولى والدفعات القادمه إن شاء الله

سؤالي الحمد لله انقبلت في الدفعه الأولى وطبعت الوثائق وأرسلتها للبريد الممتاز

وعطوني ورقة الإيصال اخوي راح للبريد وماقالوا له شيء قالوا مالكم شغل انتم بس سلمونا الأوراق والباقي علينا ؟؟

يعني متى توصل انا من حفر الباطن أرسلتها يوم السبت هذا الأسبوع وأمس آخر يوم للتسليم ؟؟


الحين ابتلشت رحت لموقع البريد وسالفة تقفي أثر ملفي اللي مدري وش صار فيه ؟؟

وهذا الرابط اللي اقصده يمدحونه ودخلته لتتبع الأثر

http://www.sp.com.sa/Arabic/Eservices/Pages/TrackandTrace.aspx?ShippingMethod=1&TrackingNumber =%d8%aa%d8%aa%d8%a8%d8%b9%20%d9%88%d8%aa%d8%b9%d9% 82%d8%a8%20%d8%a7%d9%84%d8%b4%d8%ad%d9%86%d8%a9%20 %d8%a7%d9%84%d8%ae%d8%a7%d8%b5%d8%a9%20%d8%a8%d9%8 3&DetailedControl=Path_DisplayShipmentRequestDat a

الموقع طالب رقم الرساله وأنا مدري وش رقم الرساله يعني لازم أسجل في موقع البريد نفسه ؟؟

مافيه طريقه ثانيه اعرف فيها الوضع

لأني ماقدرت أدخل لملفي ايقونة (استعراض طلب سابق) صايره باللون الرمادي وماتنفتح معي

يعني تورطت كيف اعرف اني انقبلت نهائي أو أوراقي وصلت ؟؟؟؟


الله يوفقكم ويحقق أمانيكم كيف أسوي ؟؟؟؟؟


وشكرا مقدما

[حُلمْ !]

وعليكم السلام ،

مبرووك القبول

تلقين رقم آلرسآلة في آلايصال

[h.q]

في رقم طويل بورقه البريد اللي عندك
يبتدي ب uod

موفقه

[Amjad.sh]

تووتآ حبيبتي : رقم الرسآلة تلقينه ف نموذج البريد الممتآز اللي معك تلقينه تحت ع اليسآر بالورقة

بدآيته كذا (UOD00.....)

تكتبينه كامل مع الحروف بخانة رقم الرسآلة وراح يطلع لك جدول فيه كل المعلومات تبع اورآقك

اذا اخر مرحلة بالجدول مكتوب تم التسليم معناتها تطمني وصلت اوراقك

واذا بمرحلة التوزيع برضو تطمني بتوصل للجامعه انشاء الله لاتشيلين هم

[ارتـــواء.]

وعليكم السلام ورحمة الله وبركاته.

أختي مثل ما قالوا لك البريد خلاص بما أنك سلمت أوراقك واستلمت منهم الإيصال فتكون انتهت مهمتك, وباقي المسئولية تكون على البريد. غير كذا الجامعة إذا استلمت أوراقك وتأكدت من مطابقة البيانات راح يكتبون لكم أنه تم استلام أوراقك والتأكد منها ويكون قبولك نهائي. وموفقة إن شاء الله.

[توتا لوفي]

الله يبارك باعماركم وعقبال اللي نشطوا ان شاء الله

بس سؤالي اللي اقصده بالضبط انا لقيت الرقم UDO ........sa

وبداية الرقم بدال الصفر نحط 9 مبين لي وهذا انا كتبه وكل شيء اوك معي

بس السؤال طلعلي معلومات عامه يعني اي احد يشوفها اتوقع يعني وش دراهم انه انا اتوقع الرقم

موحد لطالبات حفر الباطن ؟!!

انا ابي شيء يأكد انه خاص فيني

يعني مالقيت ( استلام الأصول للبريد ) ( تم الإستلام ) كما هو مبين في موقع الجامعه

يعني قريت اشياء عامه

مدري وضح السؤال والا اوضح اكثر

جيت ابي ادخل باسم مستخدم وكلمة مرور قالي لازم تسجيل وحركات غبيه زي كذا