تنصحوني أدرس البكالريوس أنتظام ولا عن طريق البعد

[ثمان سنوات عاطل]

أنا أبغى أدرس الجامعة بكالريوس في أحدى ("الجامعات الحكومية") محتار هل أدرس أنتظام ولا عن طريق البعد وعندي اسئلة أتمنى ألقى لها جواب:
1/. هل الدراسة عن طريق البعد أريح وأسهل دراسيا.
2/.هل أذا درست عن طريق البعد وصار عندي ظرف خطير جداً هل أقدر أحذف ترم وهل لازم أجيب لهم أوراق رسميا بعذر ولا مولازم.
3/.سمعت أن اللي يدرس الجامعة منتظم مايقدر يغيب عن الجامعة لو يوم عشان مايطرد ويسبب له حرمان من الجامعة.
4/. هل لودرست بالجامعة منتظم وصار عندي ظرف أني أغيب أسبوع ولاشهر عن الجامعة بدن عذر رسمي هل يتم فصلي ولاعادي.
5/.هل لو درست منتظم بالجامعة وباقي على التخرج سنة وقبلت بوظيفة مدنية رائعة وذهبت للوظيفة هل يفصلوني أو ماذا يصدر بحالة وظعي.
6/. بصراحة أنا خايف أدرس منتظم بالجامعة ثم تجيني وظيفة حلوة وأدخلها ثم يفصلوني من الجامعة ثم أخسر السنوات اللي درستها بالجامعة.
7/.تنصحوني أدرس منتظم ولا عن طريق البعد.
8/. تنصحوني أدرس با أي جامعة سواء منتظم ولا عن طريق البعد.
9/. تنصحوني ماذا أدرس لأن هاذي التخصصات اللي راح تقبلني نفس السنة اللي راحت
(1).الدراسات الأسلامية.
(2).جغرافيا.
(3).تاريخ.
(4).علم أجتماع.
(5). اللغة العربية
""":لأني سمعت أن الدراسة بالأنتظام متعبة ومهلكة جداً ليس بها ملخصات ولازم تنتبه لمحاضرة الدكتور غير التعليم عن بعد المحاضرة مسجلة وتعيدها وقت ماتبغى وغير كذا الملخصات التعليم عن بعد متوفره عكس الأنتظام
وأخر سؤال(هل أقدر أحذف ترم دون عذر رسمي ولا لازم عذر لأن فيه مشاكل بالعائلة تصير كيف أجيب لهم عذر فيها)

[ملآكي]

شوف اخوي اذا تبي شهادة قوية وماعندك ارتباطات ولا وظيفة انصحك تدخل انتظام , وهو افضل من شهادة الانساب عن بعد ..

بس اذا كنت تبي تدرس وتتوظف ان شاء الله , انصحك الانتساب عن بعد ..

الانتظام على اسمها , لازم تكون منظم وظابط وقتك , والانتساب عن بعد مرنه تقدر تتحكم في وقتك ..

الانتظام ماتقدر تغيب على كيفك , لان لكل مادة تقدر تغيب فيها 3 ايام فقط من غير عذر رسمي , ويسقطونك في المادة , واذا تكرر سقوطك اكثر من 3 مرات في المادة , تفصل من الجامعة ..

الانتظام والانتساب تقدر تعتذر عن الدراسة ترم كامل من غير عذر رسمي , بس مسموح لك 3 مرات تعتذر ..

وبالنسبة لتخصص ماعندي خلفية لاي قسم من الاقسام اللي حددتها ..


انت شوف وش وضعك واختار اللي يناسبك سواء انتظام او عن بعد , وقبل كل شيء استخير ..
وان شاء تدخل الجامعة من غير ماتعتذر , و الله يكتب اللي فيه الخير ويفرجها عليك ..

[القناص الحكمي]

المشاركة الأصلية كتبت بواسطة ثمان سنوات عاطل

أنا أبغى أدرس الجامعة بكالريوس في أحدى ("الجامعات الحكومية") محتار هل أدرس أنتظام ولا عن طريق البعد وعندي اسئلة أتمنى ألقى لها جواب:
1/. هل الدراسة عن طريق البعد أريح وأسهل دراسيا.


على حسب ضروفك

2/.هل أذا درست عن طريق البعد وصار عندي ظرف خطير جداً هل أقدر أحذف ترم وهل لازم أجيب لهم أوراق رسميا بعذر ولا مولازم.

تقدر تحذف مستوى

3/.سمعت أن اللي يدرس الجامعة منتظم مايقدر يغيب عن الجامعة لو يوم عشان مايطرد ويسبب له حرمان من الجامعة.

انتظام على حسب الساااااااااااعات في الجامعه السابقه كان الحد 20% عدم حضور عاد بعد العشرين محروم


4/. هل لودرست بالجامعة منتظم وصار عندي ظرف أني أغيب أسبوع ولاشهر عن الجامعة بدن عذر رسمي هل يتم فصلي ولاعادي.

على حسب عذرك وانت والواسطه حقك

5/.هل لو درست منتظم بالجامعة وباقي على التخرج سنة وقبلت بوظيفة مدنية رائعة وذهبت للوظيفة هل يفصلوني أو ماذا يصدر بحالة وظعي.

لك خيار واحد يالوظيفه يالجامعه

6/. بصراحة أنا خايف أدرس منتظم بالجامعة ثم تجيني وظيفة حلوة وأدخلها ثم يفصلوني من الجامعة ثم أخسر السنوات اللي درستها بالجامعة.
7/.تنصحوني أدرس منتظم ولا عن طريق البعد.

قلت لك على رغبتك وانت استخير ربك والله يعينك


8/. تنصحوني أدرس با أي جامعة سواء منتظم ولا عن طريق البعد.
انتظام الافضل بالنسبه لى جامعة الملك فيصل

9/. تنصحوني ماذا أدرس لأن هاذي التخصصات اللي راح تقبلني نفس السنة اللي راحت
(1).الدراسات الأسلامية.
(2).جغرافيا.
(3).تاريخ.
(4).علم أجتماع.
(5). اللغة العربية
""":لأني سمعت أن الدراسة بالأنتظام متعبة ومهلكة جداً ليس بها ملخصات ولازم تنتبه لمحاضرة الدكتور غير التعليم عن بعد المحاضرة مسجلة وتعيدها وقت ماتبغى وغير كذا الملخصات التعليم عن بعد متوفره عكس الأنتظام
وأخر سؤال(هل أقدر أحذف ترم دون عذر رسمي ولا لازم عذر لأن فيه مشاكل بالعائلة تصير كيف أجيب لهم عذر فيها)

ونصيحه من طالب منتظم سابق ومنتسب حاليا
انا درسة علوم حاسب وثم سياحه واثار والان منتسب عن بعد هنا

ادرس تخصص قريب منك ولك فيه رغبه والمشوره زينه وعليك بالاستخاره