ياجماعة الخير شوفولي حل مع الدائن والمدين

[المها عبدالله]

صراحة طفح الكيل
الدائن والمدين مو راضيه تدخل مخي حفظت الجدول ومشى الحال
لكن في اسئله ماينفع معها الجدول اسئلة كثير وجبت لكم سؤال واحد عشان اوضح لكم

السؤال يقول :
تم شراء سيارة لنقل الاثاث والمفروشات المباعه بمبلغ 100 الف ريال من شركة الجميح للسيارات بخصم تجاري 10 % وسددت القيمة بشيك .

أ/ الطرف المدين هو حساب السيارات بمبلغ 100 الف ريال
ب/ الطرف المدين هو حساب المشتريات بمبلغ 90 الف ريال
ج / الطرف الدائن هو حساب شركة التوكيلات العالميه بمبلغ 90 الف ريال
د/ الطرف المدين هو حساب السيارات بمبلغ 90 الف ريال

الجواب هو فقرة ( د )

بس كيف اعرف انا اذا مدين ولا دائن على اي اساس اختار

[Abu Jood]

المشاركة الأصلية كتبت بواسطة المها عبدالله

صراحة طفح الكيل

الدائن والمدين مو راضيه تدخل مخي حفظت الجدول ومشى الحال
لكن في اسئله ماينفع معها الجدول اسئلة كثير وجبت لكم سؤال واحد عشان اوضح لكم

السؤال يقول :
تم شراء سيارة لنقل الاثاث والمفروشات المباعه بمبلغ 100 الف ريال من شركة الجميح للسيارات بخصم تجاري 10 % وسددت القيمة بشيك .

أ/ الطرف المدين هو حساب السيارات بمبلغ 100 الف ريال
ب/ الطرف المدين هو حساب المشتريات بمبلغ 90 الف ريال
ج / الطرف الدائن هو حساب شركة التوكيلات العالميه بمبلغ 90 الف ريال
د/ الطرف المدين هو حساب السيارات بمبلغ 90 الف ريال

الجواب هو فقرة ( د )

بس كيف اعرف انا اذا مدين ولا دائن على اي اساس اختار

الجواب هو ( د )
لأن القيمة بعد الخصم هي 90 الف
زادت الاصول (السيارات ) بمبلغ 90 الف واذا زادت الاصول تصبح مدينه
بالمقابل نقصت الاصول (البنك ) فيصبح البنك دائن بمبلغ 90 الف.
عموماً يا اختي فيه شغله ممكن تسهل عليك دائماً، اي اصول تزيد تكون مدينه
يعي شريتي سياره السياره اصول تصير من حساب السيارات يعني السيارات تصير مدينه

طيب اللي دفع منهو الحين خلينا نقول انها اندفعت بشيك يعني اللي بيتأثر حساب البنك والبنك من الاصول معناها ان البنك بينقص يعني يصير دائن ويصير القيد الى ح/ البنك

طيب لو انه ما عنده سيوله و اشتراها عن طريق قرض مثلاً راح تزيد الخصوم يعني عكس الاصول الخصوم اذا زادت تكون دائنه وراح يكون الى حساب الدائنون ( مثلاً توكيلات الجزيره ).

لو حفظتي هذي الطريقة بإمكانك تطبقينها على كل مسألة وبتريحك في معرفة الجواب وبالتوفيق انشاء الله.

*: http://www.ckfu.org/vb/t270546.html#ixzz1hTpZ1ssu

[nani1432]

اسمعيني اختي بقولك كيف أنا حفظتها وان شااااااء الله معاد تنسيها ابد ابد انا كنت متعقد منها من زماااااان من الدوام والبنك ووو
لكن اخترعت لي طريقة مانساها شوفي المدين اللي هو المطلوب منه يعني الشخص اللي لازم يدفع المبلغ اما الدائن هو راعي المبلغ

لاتعوري راسك بكثرة الكلام خلاص اعتمدي المدين = المطلوب منه المبلغ
كلهم يبدون بحرف الميم

يااارب قدرت اساعدك

[عشـقَ !]

^

إلشرح بآلعآمي وأنآ أختك
إلحين يقول لك شرينآ سيآره
طيب فلوس إلسيآره من وين جآت !!
من إلبنك صح !
وبمآ إن فلوس إلسيآره أخذنآهآ من إلبنك صآرت إلسيآره مديونه للبنك بقيمة 90

وإذآ مآفهمتي علميني

.
.

[BayanFJ]

حطي بالجدول حقك السيارات في الطرف المدين لأنها من الأصول ثابتة
وشلون يعني إصول ثابتة : يعني حاجة أشتروها و بيستعملونها في شغلهم مو يشترونها عشان يبيعونها

نشوف الفقرات حبه حبه :
أول شي مبين من المنشأة إنو تجارتها في بيع الاثاث و المفروشات حلو
الفقرة ( أ ) / نختارها لو إشترو السيارات من غير خصم
الفقرة ( ب ) / نختارها لو إشترو اثاث و مفرشات بغرض البيع !
الفقرة ( جـ ) / مالها علاقة بموضوعنا لأن لو بيصير فيه طرف دآئن رح يكون حساب شركة الجميح
............... يعني لو جت لك فقرة ( جـ ) الطرف الدائن حساب شركة الجميح بمبلغ 90
...............** تختارينها لو كان الشراء على الحساب
الفقرة ( د ) / الطرف المدين هو حساب السيارات بقيمة 90 ألف ريال <= هذا الصحيح طيب ليه مدين لأنه أصل و زاد فيبقى في الطرف الأصلي له وهو ( المدين )


يارب فهمتي

[السعيد1011]

باختصار شديد وتأكيداً لما تطرقوا له الأخوان ..

اللي أخذ هو المدين والذي أعطى هو الدائن .. أقرأي السؤال أكثر من مرة ووقت ما تكتبين القيد صح راح تمشي المسألة معك زي السكر

[mushari]

ابوو جوود قصم بالله ودي تصير صديقي


ممكن تشرح مره ثانيه بس بلغة عاميه ابي افهم باى طريقه

والبنك اللحين يصير دائن عشانه شيك يعني؟؟

[أبو ريتاج]

القاعده أحفظهـا مثل أسمك
معادلة الميزانيه
الأصــول + المصروفـات = الخصـوم + حقوق الملكيـه + الإيرادات
( _____مديـن ____ ) ( ________ دائــن ____________ )

الجـدول مهـم المشتريات أين تقع دائن ولا مدين
يعني أصول
شراء سياره - أثاث -

أنتهــى
..............
لو قال شراء
مستلزمات
أدوات صحيه - كهربائيه
تكون بجانب الدائن
صح ولا أنا غلطان ..
أتمنى أحد يفيدنـا

[Abu Jood]

المشاركة الأصلية كتبت بواسطة mushari

:cry111: ابوو جوود قصم بالله ودي تصير صديقي


ممكن تشرح مره ثانيه بس بلغة عاميه ابي افهم باى طريقه:cry111:

والبنك اللحين يصير دائن عشانه شيك يعني؟؟

اخوي مشاري انا بصراحة ما بعد فتحت المحاسبة غير المحاضرة الاولى والثانية بس انا دارس محاسبة وكنت جيد فيها ، حدد وش تبي اشرح لك بالضبط وانا تحت امرك لأن الشرح اللي ذكرته فوق اشوفه واضح

[BayanFJ]

المشاركة الأصلية كتبت بواسطة أبو ريتاج

لو قال شراء
مستلزمات
أدوات صحيه - كهربائيه
تكون بجانب الدائن
صح ولا أنا غلطان ..
أتمنى أحد يفيدنـا

حتى لو قال أدوات صحية و كهربائية و المستلزمات اللي تحتاجها المنشأة
سواءً بتبيعهم أو تستخدمهم كلها في الطرف المدين