[ جميع التخصصات ] هديه بسيطه مني لكل بنات التحضيري واتمنى تعجبكم

[ريوووش]

هذا رسم بسيط (مع الشرح) لكليتنا العزيزه اهديه لبنات التحضيري
عشان مايضيعون اول يوم
وان شاء الله تفهمونه ويعجبكم

:
:
:
الحين نجي للشرح :
اول شي
اللي باللون الوردي هذا درج
واللي باللون الرمادي باب
والاخضر زرع << هذا اللي اذكره من الزرع
نطب الحين للارقام :
اول ماتدخلين من الباب الرئيسي
1/ جهة كلية الآداب (اليسار)
2/ جهة كلية العلوم العزيزه (( اليمين))
3/هذا كان حمام (اكرمكم الله ) وعقب سكروه ومادري اذا هدموه او لا بس حطيته للتوضيح عشان اذا شافته وحده لاتستغرب هع
4/ مسجد
5/ ساحه فاضيه
6/ المناوله << هذا المكان اذا تبين ترسلين لاي دكتور أي ورقه وديها لهم هم يوصلونها له
7 / المدخل او الباب للصاله
8/ المكتبه
9/ قاعة الاميره جواهر << اظن راح يجمعونكم فيها اول يوم
10/ مبنى فيه قاعتين بس << ناسيه وش اسمه
11/مبنى علوم 1 طبعا هذا المبنى 3 ادوار
12/ مبنى علوم 2 والدور الاول منه فيه الموظفات من وكيلة شؤؤن الطالبات ووو الخ
13 / مبنى علوم 3 << الدور الاول فيه قاعات اللي يدرسونهم دكاتره رجال لانه قريب من برا ومسوين لدكاتره ممر من برا عشان يقدرون يدخلون القاعات
14 / مبنى علوم 4
وللمعلوميه المباني في حالة تجديد وتغيير اسامي
وكل المباني 3 ادوار
15/مبنى اداريات والدراسات العليا << موظفات
16/ مبنى اسمه اداب 1
17/غرفة العيااده
18/ هذا المكان فيه موظفات ومومتذكره مين من الموظفات بالضبط
19/ غرفة الطبيبه << لبى قلبها بس
20 / هذا كان كفتيريا الآداب والحين تقفلت ومادري وش يبون يفتحونه
21/ اللوكرات << هذا مكان ادراج البنات
22/ التصوير
23/ مبنى علوم 6 << دورين بس
24/ الكافتيريا
25/ المكتبه التجاريه << تبيع اغراض جامعيه ملفات اقلام دفاتر ووو الخ
طبعا الكافتيريا فيها درج حطيته بالوردي هذا يوديك فوق لعلوم 5
طبعا الحمامات (اكرمكم الله) << لزوم التكشخ اول يوم والترزز عند المرايا
بتحصلونها في بداية كل مبنى وفي كل دور
وفيه بعد عند الكافتيريا حمام << حطيت لون الباب باللون اورنجي غامق
وعند اللوكرات بعد << حطيته باللون الاحمر
وباقي مبنى العميده
طبعا برا ومن ورا
مارسمته لان الصفحه ماتكفي وحسيته مو ضروري

هذي كليتي الجميله صحيح كبيره بس سهله
وان شاء الله ماتضيعون ويكون الرسم واضح واي سؤال انا حاضره
ومثل ماقلت قبل الكليه في حالة تجديد وتغيير اسامي
يلا سي ياااااااااااا ياحلوين

[Sђǿ Şћơ]

جزآك الله خييير
ونآسه تمنيت انى تحضيرى مب اول مآدآومت ضآيعه
جد مشآء الله عليك وآضح مرآ
وان شآء الله يسآعدهم ويستفيون منه ~

[Ransy]

يطيك العافيه مجهود رائع

[Dexter's Mind]

واااااااو ريوشش !
فكرتك جميلة مرة مرة $: ، وتطبيقك لها أجمل ..
راح يكون عندهم فكرة تصورّية للكلية ، ربي يسعدك ..
خخخ وحلو لو كل وحدة تطبعه عشان تكون بالسيف سايد لو ضاعت
ودام تكلمنا عن الأوراق والطباعة وو :| ، لا تنسون ورقة البريد :|
وموفقين بنات التحضيري ، شدوا الهمة يا حلوين :")

[<دلع الشرقيه>]

بصراحه احلى هديه

مره حلوه الحركه الله يعطيك العافيه ع الشرح

[وين ايامنا]

بصراحه احلى هديه
زي ماقالوا تمنيت إني لقيت ترحيب كذا أول مادخلت الكليه
يا تحضيري حضكم هديه حلوه
يعطيكي رب ألف عافيه وموفقه

[باربي الشرقيه]

واحنا ليش ماعطيتونا هديه على سنتنا

[Random name]

ماشاء الله عليكِ يا ريووووش (y)
الشرح حلوو واضح و جمييييلْ
في موازين حسناااتك يارب ,


بوركتِ .

[غيمـه !]

يعطيك العافيه ريوش مرررره روعه
شرح وآفي وكآفي وإن شاءالله يستفيدون البنات منه ويصيرون عارفين كليتنآ الجميله

[huda-gh]

بالبداية كان المَعلم الوحيد اللي يعلمني انا وين واقفة بالضبط هو قاعة الاميرة جواهر ، من عندها ابدى اعد ... اداب ١ اداب ٢ علوم ١ علوم ٢

ههههههه يالله كنت تحفة :$ !!