تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم

[حلمي الامل]

السلام عليكم
صبحكم الله بكل خير

طبعاً واضح من العنوان
واتمنى انكم تتحملون كلامي وتسمعونه بصدر رحب

كلمت الاستاذ أحمد عشان سالفه المشاركات والبلاك بورد

قالي انه لازم من اول السنه تشاركون لو بالاسبوع مشاركه
عندكم بالترم 14 محاضره
كل ماجيتو تنزلون محاضره شاركوا بمشاركه وحده

طبعاً انا قلت له يااستاذ اني انا مشاركه من اول الترم والشهر هذا ماسويت شي
قالي ماعليك لانها متثبته بس المهم ماتكون مشاركات عاديه لازم شي تخص الماده
الشي الثاني
الي قالي عليه وفعلاً اعجبني كلامه
انك انتي او انت يالي داخلين الجامعه وتبون كل شي جاهز لكم حتى الدرجات تبونها كامله
انا ارد عليكم واقول وانا من ضمنكم
وشوله داخلين الجامعه ونبي كل شي كامل مكمل
ليش مانتعب شوي
معليش بتقولون داخلين بفلوسنا
طيب هذولا الي داخلين بفلوسهم امثال جامعه الملك عبدالعزيز وجامعه سلطان ودار العلوم والجامعه المفتوحه وغيرها وغيرها
هذاهم يدفعون ويتعبون والدرجه يشترونها شرى والدرجه من عيونهم تطلع وفوق كل هذا بالترم يدفعون اقل شي 4 الالاف ريال الى 6 الاالاف
و
اقرب شي لنا جامعه الامام
25 سؤال على 100 درجه يمديكم كذا؟؟
والله ثم والله ياجماعه الخير اننا بنعمه
وماتوقع ان عقلاياتكم لازالت غير مدركه للي اقوله

الزبده من كلامي طالت اعماركم

من اليوم وانا معكم <<<< لاحظوا اني حاطه نفسي معكم لاني مثلي مثلكم وبالهوى سوا

ان الي ناقصه شي سواء مشاركه او غيره يسويها بشي فيه منفعه
شكرا يعطيك العافيه خرابيط لا مايبونها

مافيه شي بدون تعب
مافيه شي بدون جد
اول مره بحياتي اسمع ان الذهب يجيك لحد بابك
لازم نتعب عشان نشتري هالذهب

الا اذا عاد مسوين سحر فاانا والله اعفي نفسي من الكلام ومن التدخل في ما لايلزمني

اتمنى ان كلامي وصل لاصحاب العقول النيره
وانا والله ماانا الا في ضيق من امري للي حصل
بس تدلعنا الترم الي راح
والترم هذا لازم نشد حيلنا

مو حياه بتأثر علينا والا جامعه
صدقوني
اذا شي بيأثر عليك تقدرون تتركونه بقناعه تامه
رغم اني الالحاح والطموح بيرفعك عن الي حولك ولا يخليك تحتاج لاحد

طموحي انقلع برى واكمل الحياه هناك

وصل كلامي ؟؟؟

فمان الله

[ولد حبيل]

مشكورة علي الطرح والقاء الواقي

[مخربها]

اختصار لازم تشاركوووون مشاركات فعااالة >>>يعني يبي يقنعني انه يبي يراجع المشاركات كلها ههههههههههههه

[الطالبة المعذبة]

طيب حنا غلطانين ونبي نصلح الغلط وربي ما شاركت ابي اشارك والبلاك مايفتح معايا

ما ابي الدرجة تروح عليا السنة الجايه يسير خير بشارك من اولها

[سيدة الأسئلهـ]

المشاركة الأصلية كتبت بواسطة حلمي الامل

كلمت الاستاذ أحمد عشان سالفه المشاركات والبلاك بورد

قالي انه لازم من اول السنه تشاركون لو بالاسبوع مشاركه
عندكم بالترم 14 محاضره
كل ماجيتو تنزلون محاضره شاركوا بمشاركه وحده

أقوول حلمي اصدميني اصدميني قولي ان درجات الأسابيع اللي ماشاركنا فيها راحت

عادي عادي ترى شبعنا صدمات صدمة جديدة مابتأثر

انا سمعت الكلام هذا من قبل بس ماتوقعت يطبقونه

عالعموم كلامك سليم والله يعين








.

[яαησσѕнα]

نبيهم بس يضبطون لنآ البلآك بسسس

واحنا نشآرك بعديين


يسلمووو حلمي ع التغطيه

[(» мs Ёℓǻƒ .. ♥)]

حلمي يعطيك الف عافيه

جد حنا قصرنا
في المشاركه
بس ترا موقعهم مشاكل
يعني مثل امس المحاسبه ابي كم محاضره اشوفها مايفتح معي

[طموح لا ينكسر]

الاخوة الكرام

انا بنفسي قابلت احد المسؤوليين عن البلاك بورد واخبرني ان كل شيء مُسجل !!

شيء طبيعي المسؤولين في الجامعة يشجعوا على المشاركات الفعالة ..ولكن السيستم في الحقيقة يحسب كل شيء !!

ولذى جرى التنويه ....ولا امتلك اليقين لكن يعلم الله انقل لكم ما حدث !!!

وفقكم الله لكل خير و حفظكم من كل سوء

طموح لا ينكسر

[ibrss1399]

كل يوم قرار جديد ... الى متى

ياربي من هذا النظااااااااااااااااام

[حلمي الامل]

المشاركة الأصلية كتبت بواسطة سيدة الأسئلهـ

أقوول حلمي اصدميني اصدميني قولي ان درجات الأسابيع اللي ماشاركنا فيها راحت

عادي عادي ترى شبعنا صدمات صدمة جديدة مابتأثر

انا سمعت الكلام هذا من قبل بس ماتوقعت يطبقونه

عالعموم كلامك سليم والله يعين



.

ههههههههه حسيت وانتي تقولينها انك تتطنزين لبى قلبك

تعالي تعالي يالماصله انتي وينك امس قاعدين ندورك نعزمك على القهوه معنا

بعدين شوفي ترى المشاركات الي من اول يقول متثبه يعني ان شاءالله مانمسحت

شوفي عدد مشاركات بطريقه البحث ووقتها تعرفين كم انتي مشاركه
هو الضعيف الاستاذ احمد يقولي والله مانبي الا 14 بس ماقال 140 ؟؟