[ جميع التخصصات ] : تعبنا والله تعبنا منكم يابعض امن الكلية لمتى ؟؟

[المشتاااقة]

بمسسسك المايك شويات
سمعوا ياطويلات العمر العام اللي مضى كانت علي محاضرة والدكتور الاختبار والاختبار ويابنات وسالفه شطولها على الاختبار وترتني بكلامها عن الاختبار المهم بعد ماخلصت المحاضرة الا وانا بنزل تناديني امن تقولي عندك محاضرة عاااد انا مالي خلق ارد ومشيت ولا رديت عليها..
المهم برجعتي للمحاضرة الثانيه شافتني ونادت علي الا تقول لي ليش مارديتي علي يوم سالتك صج انك قليلة حياء وقليلة ذوق ويالله طلعي بطاقتك قلت لها خييير ليه اطلع بطاقتي وقامت وتصارخ بوجهي وقمت وانا وصارخت زيها وقلت لها بطاقه ماعندي وفتشي شنطتي قالت وشسمك قلت لها مو قايله اسمي شنو غلطت عليك عشان تاخذين اسمي الا الكلبه تروح للقسم وتاخذ اسمي حسبي الله على اللي عطتها اسمي المهم جات امن ثانيه الا تقول لي الارشاد يبغونك الامن بلغت عليك انك رفعتي حسك عليها والله يابنات وانزل بنفسي وادخل على الارشاديه وتفاهمت معها وفهمتها المووضوع الا تقول تعهد تكتبين لانك رفعتي صوتك قلت لها رفعت صوتي بناء على رفعها اهي وتعهد مو كاتبه لان ظلم وكذا وكذا مني كلام ومنها كلام بعدين توصلت لحل سلمي وقلت للارشاد انا ماراح اكتب تعهد وخلاص جيبوا الامن اتفاهم معها قدامكم وجات الامن واعتذرت لها لاني ادري هذا اللي يبونه اسويه لانها حاسه بنقص بالاحترام فقلت خل احسسها باحترامها واعتذر مع ان والله اني لغلطت ولا شي فقط ليش اني مارديت شرررايكن مو تسبب ونفسيات هالامن

[noary]

شويات المايك...بقوول شي ذابحني مره انسرقت اشنااطنااااا حسبي الله علي الي سرقهم المهم الا اجي اقوول للامن الي عند اللواكر وقلت السالفه قالت دوريهم لين تلقينهم قلت خير انتي شنو شغلتك اجلحاطينهااا عند اللواكر ليه ورحت وجيت عند وحده ثاانيه الا تقوول دوريهم بين الزبايل اكرمكم الله وبرا قلت طيب وانتم شنوو شغلتكم بس تمسكوون البنات علي اشيااء تافه مثل الكافي ممنوع ومدري شنو وش يحسوون فيه ذولا

[سنآفيه]

الامن جدتمااادو وبقووه
ذاك اليوم وانا وصديقتي جاين الصبح قبل الامتحانات بسبوع تقريبا طبعا كالعاده يفتشون وجمبهم طاوله وش كبرها كلها اكل من البنات ماخذينه حسبي الله عليهم وترمزنا عاهم بعد
الموهم الي قهرنا ومتنا منه انا وصديقتي ان وحده من البنات مسكينه داخله بعبايتها وماسكه كوب كوفي صغنون من بيتهم جايبته ولا تاخذه منها ووربي قمممة القهررر كوب كوفي تاخذينه وش تبين فيه يعني ولا وش بتسوي البنت فيه البنت مسكينه بريئه شايلته وتشرب ولا تقولها جيبه الكاس قالت كوفي وبشربه قالت ممنوع مومنا واخذته وربي حراااااااام والله لو انا من البنت كان صلعته كله ههههههه حتى لو هو حاراهم شي ما افرحها واخليها تاخذه عاد مهي بعيده لو تقولها طلعي الي شربيه ما استغرب منهم شي
حسبي الله عليهم من جد ظلم
دايم لمن تصير هوشات بين البنات تتصطر وحده منهم والله اول كانو يكسرون خاطري بس بعد الي جالسين يسوونه الحين يستاهلون ماصارو يكسرون خاطري

[حور القمر22]

اني صار لي كم في هالكليه ادري عن سوالف الامن التافهه بس ماتوقعت لهدرجه
اقوى شي سالفة كوب الكافي ليييييش ممنوع واني بس اقرا السالفه عصبت
اجل كيف لو على الحقيق كان اقول ليهم ممنوع طيب واخده
اشربه قدامهم على السريع واعطيهم الكوب فاضي

بس انتو مافهمتو ليش ممنوع الحين حللت هههههه
ممنوع عشااااان تروحو تشترو من الكافتيريا .

بس جد في وحده تخوف من الأمن اني ماحب اتلعب على خلقة الله
بس هي كانها رجال اخااف .

[ZoOom]

الشرهه مو عليهم
عاللي معطيهم وجه وقايل لهم
ألعبوا بحسبة البنات لعب
تبون نصيحتي اللي عندها واسطة بأي جريدة كتبوا عنهم خلهم على الله يتفشلون بعد

[Roony]

الحين اباسالكم وشفيها لو جينا اخر يوم في الكليه يقعدون يسون تحقيق ماله داعي لا وعلى ناس وناس
مدرسه حنا يقعدون يطردون فينا حتى المدرسه ارحم

يعني تخيلو يوم الاربعا اول امس جيت وماكان عندي امنحان طيب وحده من الامن مسكت بطاقتي وقامت تقول انتي مو من الكليه وماخذه بطاقة وحده وقاعده تتمشي تخيلو بس وصرت ادور على بطاقتي رايحه وجايه وجا السواق حقي وماخت البطاقه وغير الي قالتلي انتي كذابه خلتني اعصب عليها

يعني ياليت الاسلوب عدل زيي الاوادم عليهم اسلوب همجي بمعنى الكلمه
ياليت يعني يغيرون الاسلوب ولا يغيرون لنا الامن
ولايطردون البنات ويخلونها كلية الامن
احسن

ههههههههههههههههههههههـ
يوم الاربعا حفله من غير كيك
مع الامن الظريفين
انا شوي أتهــآوش معاهم خصوصا مع متـعــ.......
و اللي قهرتني بزووود مو هم مجلسينا
بالسجن النساااائي
اللي قاعده ع المكتب كل ما وقفت اتعدل إلا تقووولي اجلسي لا تتحركييين شوي تتهور و تقول
لا تتنفسين بس اشوا مير تعوذت من أبليس
خلك بمكانك و لا اطلعك برا , الحين طول السنوات ما يفتحون البوابات إلا بعد 12
يا زعم انو خايفين ع البنات يهيتون و الحين يبون يطردونــآ
عاد انا ما اسكت بايعتها بـ تراب
و صارت كل شوي تعطيني نظرات يووووما
آآآآآآخخخخخخخخخ و جلست عندهم ألين 12 خخخخخخخخخخخخخخخخخخخخخخخخ
عنــآآآآآد
و هاااااااااااااتك يا حشششش بالاداااره و البنات
و أهم شي أفتحي وجههههك و ابرزي البطاااااقه و ارفعي العباااايه
داخـلين البيت الابيض مو كليه الآداب
الأمن خلهم يضبطون نفسهم بالاووووول بعدين يضبطون امن الكـليه
و اساسا كل اللي يسووونه بالبنات من ضغط الاداره عليييهم
يعني يا اداااااااااره خفو عشان ما تجي الحره فينااااااااا

[the PROmise]

خخخخخخخخخخخخخخخخخخخخخخخخخخخخ حتى انا ياروني مسكتني متعـــــ......
اهم شي السجن النسائي

[( هَـمس )]

الامن وغيرهم لا حظت ان الكليه تميز ناس عن نااس بالتعااامل

[كرستالة غرام]

المشاركة الأصلية كتبت بواسطة Drop honey

هههههههه الله يكافينا شرهم
انا امس انفجعت مسكتني واحده عند الباب اشووف شنطتك ..افصخي عبايتك .. افتحي وجهك ..في النهاية مالقت علي شئ قالت الجنز ممنوع الحمد لله والشكر

هههههههههههههههههههه من جد الامن منسمين يبيلهم ضرب وتكفيخ
وبعدها يبيلهم تربيه من اول وجديد وبعدها يبيلهم نعلهم كيفية التعامل مع الغير
يعني يبي لهم كورس كامل

[اجنادين]

انا محححد فاك راسي الا قرار (التنوره الجيينز) ممنوعه !!!!!

خخخخخييررررر .. وش نلبسسس وش باقييي ؟

مدري سكرانه اللي حاطه القرار ولا مدري شسالفتها

عذراً ع الالفاظ بسس والله قرارتهم كل يوم والثاني ترفع الضغط

وش عليكممم مني عسسساني البس خيشه واجي فيها دامني متستره ومحتشمه وكافه خيري وشري


حسبي الله عليهم هذا اللي اقدر اقووله بسس

هذا وغير الاشياء اللي تقهر وغير وغير

,