هنا تجمع مادة الاداره لاختبار الخميس ان شاءالله

[الد11هيه]

سؤال الوارد اخيرا صادر أولا لو تشوفون كيف الاعتراضات في القاعة من الطلاب

فلة قاعتنا انواع الاستهبال ماتقول قاعد بإختبار

[KSAjamal]

بس مالاحظتو شي

المراقبين والمقرات المختارة كل مستوى تصير اسوأ

[تكفى ياحظي ركز]

الاسئله ليست بالصعبه جدا عدا كم سؤال مخك يطح على الماصه ويقول في وجهك قسم بالله ما احله لو تبكي دم يابو الشباب


فيه سوال الي عن الملائمه طبعا ماله جواب وفيه الصادر اخير اوارد اولا على ما اظن اجابته 4890 وليست موجوده ما عليك الا تقربها لا اقرب عدد ممكن واذا ان كاني ماني بواهم سمعت الدكتور في احدى المحاضرات اشار الى النقطه هذي


السوال الي ذبحني وكنت عارفه ويوم شفته بجمت وحسيت اني ما ذاكرت الي يسال عن الربح الهامش قهرني قبل الاختبار وكنت على السوال وتدربت عليه يوم جاء فتحت فمي لدرجه المراقب قال يرحم امك سكر فمك لا يمر مراقب ويدخل في فمك ويضيع


على العموم انسو كل شي وفكرو في القادم


الله يوفق الجميع لما يحب ويرضى ولا يضيع تعب احد

وفالكم a+

[عبااديR]

احنا ولا واحد تكلم كلنا ع بعض ما نجي 20
ولا نصنا شيبان ههههههههههههههههه
وعندهم مستحيل الدكتور يخطي

[» أنـــا]

والله الوقت مايكفي والمشرفه تبي تسحب مني الورقه بدون مااحل

اقولها انا حاله بالورقه بس بظلل وتسحبها فجأه اناظرها بنظرة خير انتي خليني اظلل

وكل شوي تسحب مني الورقه ليه كذا شرسات مره


المهم ودكتورنا العزيز انواع الاغلاط

[عازف الكيبورد]

المشاركة الأصلية كتبت بواسطة ksajamal

لو المقصود سؤال عقد 8 شهور
الجواب التكلفة صفر

لان كلها مصروف

نفس جوابي = صفر
لان العقد ثمانية اشهر
بدا في بشهر 3 وانتهى بشهر 10
اي انه لم تستفد منه الفترة المالية المقبلة

[عبااديR]

المشاركة الأصلية كتبت بواسطة KSAjamal

بس مالاحظتو شي

المراقبين والمقرات المختارة كل مستوى تصير اسوأ

اسواء كيف يعني لما تكون المراقبة اكثر وتشديد ومافي امكانية انك تغش تصير سيئه بالعكس والله دامك تجي وانت رجال تحل وتمشي راح يكون كل شي ممتاز بالنسبة لك اما اذا عويناتك يمين يسار هههههههههههههههه لا والله بتصير اسواء الاسواء

[كان في مكان]

مستوى المشرفات يرفع الظغط كل الي يبونة يرحون بيوتهم لا يوزعون الورق متاخر

[عاشق ومحروم]

بصراحة موقع مركزي بالقرب من منزلي إلى حد ما بس ودي من جامعتنا الموقرة ان تجعل خيارات وخاصة في المدن الكبيرة المساحة مثل الرياض فالرياض ليس مدينه فقط بل هي اكبر من بعض الدول في المساحة والسكان ايضاً لذا امل من الجامعة وضع خيارات لمناطق الرياض مثل الاختيار الرياض شمال او جنوب او غرب او شرق وتوضع خيار اول وثاني
ثاني شي مقر الاختبار حقيقه سي جداً حيث جامعين جميع الطلبه في صالة رياضيه ازعاج كبير وبرودة ايضا ً المقر رقم 9 بالرياض امل من الجامعة معالجة الوضع في الايام القادمه اي وضعنا في فصول اقل ازعاج من الصالة الرياضية وشكراً ،،،

[عزيز]

الاسئلة زينه والحمد لله

بس حطونا في قاعة والمراقب يشتغل بالمكرفون حسيت كأننا في حراج سيارات

فيه سؤال

حق نسبة الهامش كم طلع؟؟


انا حطيت 37.50