تصويت على أفضل طريقة مواصلات تحبذها للوصول الى مركز اختبار الاحساء بجامعة الملك فيصل^_^ وطريقة السكن

[B A N D R]

صراحه مستغرب من اللي بيسافر ويختبر ويرجع بنفس اليوم


إرهاق عليه وعلى السياره ولاتنسون درجة الحراره مقاربه للخمسين


وماده وحده اشوفها ماتستاهل العنوه (وهي ساعتين)

[Shoroq]

المشاركة الأصلية كتبت بواسطة aimasms

أنا وأعوذبالله من كلمة أنا بالرياض وفقني الله وسجلت صيفي

سويت بروفة على حجز طيران لقيت الرحلة تطلع من الرياض 10 الصبح

(أتعس وقت) وشيكت على رحلات أخرى مالقيت الا رحلتين او ثلاث بالكثير بين الاتجاهين

لذلك ماتنفع الطيارة ، دخلت موقع حجز القطار مالقيت جدول لرمضان وشكلي

اذا الله عطانا عمر اروح وارجع بالقطار ، بس بناء على ماذكروا الأخوان بشأن

الشقق المفروشة ومافيه شيء نظيف هاذي ورطة مابعدها ورطة لأن اذا ماكان

السكن نظيف والنوم تمام ، معناته أنسى تذاكر قبل الامتحان لابد تجي مذاكر جاهز من بيتكم

وهاذي صعبة ، وفيه شيء ثاني التوصيل للجامعة في الذهاب يمكن تلقى ليموزين لكن بعد الاختبار أبلش مافيه ليموزينات داخل الجامعة ، يعني لازم سيارة أجار

الله يكتب لنا الحياة ونصوم رمضان على خير وأحسن شيء نترك التفكير حتى يقرب الوقت ولكل حادث حديث

يعني احجز من الحين ؟؟

[ابونوآآآف]

المشاركة الأصلية كتبت بواسطة b a n d r

صراحه مستغرب من اللي بيسافر ويختبر ويرجع بنفس اليوم


إرهاق عليه وعلى السياره ولاتنسون درجة الحراره مقاربه للخمسين


وماده وحده اشوفها ماتستاهل العنوه (وهي ساعتين)

بالنسبه للي ساكن الدمام او الخبر يكون سهل عليه المشوار


كلها ساعه ونص وانت في الحسا تختبر وترجع وانتهينا

[AIMASMS]

الأخت الكريمة

بالنسبة للطيران الحجز والتذاكر تقدرين من الحين تسوينها

بس أن ضبطتي رحلة الذهاب ماراح تقدرين تضبطين الاياب

وبالنسبة للقطار ، أعتقد مافيه حجز الان لأني أشوف مانزلوا

جدول رحلات رمضان ، فالأفضل اذا كنتي حريصة احجزي وطلعي تذاكرك

أول يوم من رمضان ، والحمدلله تونا وتو خير باقي شهرين الا على موعد الاختبارات

[Sulaiman]

والله شكلي بسكن بالدمام قريب من محطة القطار وإذا قرب موعد الاختبار حجزت بالقطار واختبر وارجع مرة ثانية ، بس المشكلة انه مافيه مواصلات عند الجامعة

[ام زيااااد]

بما اني بالجبيل

اكيد بالسياره

والله ييسر لنا وكل مسلم

[معقول]

بالنسبة للشباب انصحهم يشتركون في استراحات

اما

البنات يشكلون قروبات ويسكنون في اجنحه مفروشه فاخره ويتعاملون مع نقل خاص ( ميكروباص )

[AIMASMS]

بما أني ناوي أروح عزوبي وكل الشقق بيطردوني مافيه الا الانتر والانتر بعيد عن الجامعة

اللي من أهل الاحساء ويعرف أقرب أستراحة ممتازة للتأجير جنب الجامعة

يتكرم ويرسل لي الرقم ، مع خالص الشكر

[المحتاره66]

المشاركة الأصلية كتبت بواسطة aimasms

بما أني ناوي أروح عزوبي وكل الشقق بيطردوني مافيه الا الانتر والانتر بعيد عن الجامعة

اللي من أهل الاحساء ويعرف أقرب أستراحة ممتازة للتأجير جنب الجامعة

يتكرم ويرسل لي الرقم ، مع خالص الشكر

الاسترحات وين والجامعة وين اسكن بقرب شقه مفروشه يم الجامعة وبلا دلع جاي تختبر ولا سياحه ههههههههههههههههه

[Bush Bush]

اختباراتي بتكون 14 و15 رمضان ان شاء الله
والله يعين اخوي ويأجره عالروحه والرجعه 4 مرات من الخبر للحسا بالسياره