[ شعر ] : صرافـــة اشواااقي

[ريم الميموني .]

http://www.youtube.com/watch?v=M704VJSZJqY

في خبت قلبي محطة عشق مهجوره = والطير عشعش على صرافة اشواقي
كانت على سكة العشاق مشهوره = فيها استراحة لراعي الحب لا ضاقي
كانت بحب حقيقي صدق معموره = في طفرة الحب واستنزاف الاذواقي
ويا كم زبونه تجي وتروح مقهوره = لا شافت الورد لا ميل على الساقي
في بار حبك ودمي وسط قاروره = والثلج دمعي تحدر بين الاحداقي
اسقيك حب حقيقي والوله ثوره = ومظاهرات الغلا في شارع اعماقي
زعيم عقلي وبوليسه وطابوره = ماوقفوا ثورتي مضمي ومشتاقي
حطيت صدري قفص والقلب عصفوره = ومفتاح قفل القفص بيدين سراقي
وفي سوق ذيك المحطه ناس مذعوره = من ونتي لاذكرتك قبل الاشراقي
تطلع مع الفجر وتغطي على نوره = وترمي علي الصباح بمستوى راقي
افرش لك الورد والازهار منثوره = وازودك بالغلا من شيشة اخلاقي
خبز المشاعر شكى من نار تنوره = واحلى بيوت الغزل لرضاك تنساقي
يا طب قلبي ويا جرحه ودكتوره = يا وصفة الحب لا خطيت الاوراقي
راحت سنين العمر والنفس مسحوره = في حبك اللي يحقق هقوة الهاقي
ومن يوم غبتي وقاع الشعر ممطوره = من قافي اللي تراكا لك على ساقي
اما تجي يالغلا وتجدد حظوره = والا خذ المحبره واش عاد لي باقي
وان كان تبغى الوعد والثوره الثوره = تعال عاهد معي في شارع اعماقي
وانعش محطة وفاء عامين مهجوره = واطير الطير من صرافة اشواقي

[ناصر المشعل]

يعطيگ العافية قمة الابداااااااااع

[راع الكهفة]

الف شكرًا لاختيارك

[ريم الميموني .]

المشاركة الأصلية كتبت بواسطة ناصر المشعل

يعطيگ العافية قمة الابداااااااااع

حياك خيي

الابداع يكمل بوجودك

لاخلا ولاعدم

[ريم الميموني .]

المشاركة الأصلية كتبت بواسطة راع الكهفة

الف شكرًا لاختيارك

حياك اخوي عبد الله

لاهنت ع المرور لاخلا ولاعدم

[راع الكهفة]

المشاركة الأصلية كتبت بواسطة ريم الميموني .

حياك اخوي عبد الله

لاهنت ع المرور لاخلا ولاعدم

يسلم راسك

[قلبي مجنوونك]

_



جميل جداً اختيارسَ....لاهنتي يَ عيوني

[ريم الميموني .]

المشاركة الأصلية كتبت بواسطة قلبي مجنوونك

_



جميل جداً اختيارسَ....لاهنتي يَ عيوني

الاجمل مرورك يالقحطانيه