ابي مساعده عن الكونكت الله يجزاه خير اللي يرد علي

[اغصان الشمال]

المشاركة الأصلية كتبت بواسطة f-fatimah

بصرااحه ولا مره استعملت الكونكت جربوه الاهل لكن مشكلته ماينفع الا للتصفح بالتحميل خصوصا الثقيل ماينفع على حسب ماسمعت ماجربته


لكن في جهاز يشبه الكونكت لكن مودم صغير خذيه وتركبين فيه شريحه بيانات ويشتغل لك مثل المودم العادي واحسن او تركبين شريحه جوالك وتشحنينه عادي مثل الكونكت

طبعاّ شحن الجهااز يكوون باللااب بوصله يو اس بي وتوصيل النت لاسلكي لانو اساسا مودم صغير


جربته وعجبني اكثر من المودم العادي ماعندي صووره له حالياً لكن شفت له صور بالنت










مادري تعرفين الجهااز او لاء لكن انصحك فيه


......

لاوالله مااعرفه
وش اسم هالجهاز ؟
وكيف الاشتراك نفس اسعار الكونكت

يعطيك العافيه فطوم انتظر ردك

[روحـــ عذاب ــي]

التغطيه كويسه
يعني الشبكة تبع الا تصال << زي اللي تشوفينه بجوالك (الابراج)
<< يفضل انها تكوون قويه او فل

[مُتأمل]

المشاركة الأصلية كتبت بواسطة اغصان الشمال

لاوالله مااعرفه
وش اسم هالجهاز ؟
وكيف الاشتراك نفس اسعار الكونكت

يعطيك العافيه فطوم انتظر ردك

الأشتراك فيه ، طبعاً تشترين لك شريحة بيانات انترنت ، و يتم عمل الاعدادات للمودم
على حسب شركة الأتصالات المتبعة ، او اللي انتي اشتريتي منهم الشريحة ..
مثال كـ : موبايلي ، اتصالات ، زين
....
بالنسبة لسؤال كيف يعني تغطية ، لازم يكون فيه تغطية الـ 4g تكون كويسة معك
طبعـــــــــــــاً إلى وقتك خدمة الـ 4g ما أشتغلت فـ اهم شيء انها تشبك على الـ 3g

لان الاتصال يعتمد على شبكة الهاتف النقــــــــــــــال ،

دمتي بخير ...

[مُتأمل]

ايه صح الجهاز اسمه MiNi wi fi
\
ميني واي فاي كونكت " ميزتـــــــه انه يوزع لك واي فاي "

[( ابو خالد )]

لي عودة ان شاء الله

بس عطوني تنبيه اخاف ما ادل الطريق

[اغصان الشمال]

روحي عذاب ومتامل وكل من رد على الموضوع
الله يجزاكم كل خير والله يوفقكم بالدنيا والاخره
اليوم جمعه ان شاء الله ماانساكم من دعواتي

[عازف الكلمه]

الاخوان والاخوات ما قصرو بالردود بس فيه نقطه وهي اهم من المودم او الكونكت
وهي تغطية الشبكه تكون 3g وابراج فل او شبه فل
لو ما فيه شبكه 3g لا تتعبين نفسك ما راح ينفع اي كونكت مهما كانت سرعته
بالتوفيق

[ام-عساف]

والله كان نفسي افيدك بس ماعرف هالشغلات ابد
بالبيت عندي الياف بصريه وفي شي جهاز صغير يوزعونه عيالي بالبيت
اسمه aztech مثل الفيش حق الكهرب يركب 220 ويوزع النت بالمكان
اللي ارساله ضعيف من جرير يعني لوعندك نت ضعيف في مكان معين
يصير كامل الارسال بحاول انزل صورته من النت يمكن يفيدك

[F-fatimah]

ماقصر متأمل افاادك اكثر مني

يعطيك العافيه اخووي

.....

[( ابو خالد )]

عدنا

اول شئ فيه سؤال .. ليش تبين الكونكت ؟
علشان نقدر نجاوب وندلي بدلونا بالموضوع بدقة أكثر
الـ DSL افضل بكثييير من الكونكت وأسرع

الكونكت فيه انواع
نوع يركب في فتحة اليو اس بي ومشكلته ماينفع للأجهزه اللي مافيها فتحات يو اس بي مثل الاي باد والجوالات مثل الاي فون والجالكسي وغيرهم
والنوع الثاني يكون جهاز صغير ( مودم ) يشحن وله بطارية وهذا افضل
لأنه يبث واي فاي ويقدر يخدم اكثر من جهاز بنفس الوقت ( بين 5 الى 10 اجهزه)
يعني ممكن تشبكين اللاب توب والاي فون والاي باد والجالكسي والبلاك بيري ... الخ
والثالث اسمه راوتر مثل المودم بالضبط يشبك بالكهرباء لكن ما يحتاج خط تلفون ويخدم اكثر من جهاز

كل الأنواع السابقة تستخدم شريحة بيانات من اي شركة ( زين - موبايلي - اتصالات )
وانتي تختارين الشركة حسب قوة ابراج الـ 3G القريبه من منطقة تواجدك
وأسعار شحن شريحة البيانات متقاربة تقريباً
زين اقل شركة عليها ضغط نت .. اذا ابراجها عندك قوية انصحك فيها بعكس موبايلي و اتصالات عليهم ضغط مشتركين كثير لكن اكرر اختيارك اولا يكون على التغطية الأفضل

انا انصحك بالنوع الثاني ( المودم اللي يشحن ) لأنه صغير ويخدم اكثر من جهاز بنفس الوقت
اشهر جهازين في السوق Huawei .. و .. zte



طبعاً لهم موديلات واشكال مختلفة وكل شئ وله سعره ( بين 200 - 500 ريال )
انا عندي ZTE نصحني فيه واحد خبرة بالجهاز وللأمانة استخدمه خارج البيت وفي العمل بحكم ان عندي dsl في البيت
اهم شئ ابعدي عن جرير لأنهم بالعربي نصابين واسعارهم خيالية ومبالغ فيها
ابعدي عن الأجهزه اللي تبع شركات الاتصال لانها محتكرة لشرايحهم واسعارها اغلى
اعجبتك شبكتهم والا ما اعجبتك مالك الا هي
اهم شئ يكون المودم اللي بتشترينه يدعم جميع الشركات علشان ما تتوهقين

فيه ناس في النت يبيعون الاجهزه بأسعار افضل من السوق فحبذا لو زرتي البوابة الرقمية

اسعار الشحن الشهري شبه متقارب بين الشركات الثلاث لكن يفرق بالعروض
مثلاً زين عندهم شهر عليك وشهر علينا وموبايلي والاتصالات كل فترة يغيرون ويتنافسون
الإشتراكات فيه 1 قيقا .. 5 قيقا .. مفتوح
انتي شوفي اللي يناسب استخدامك او ميزانيتك يبدأ من 100 ريال شهري

فيه شرايح تباع في السوق ( محلات الجوالات ) رخيصة مره حوالي 140 ريال لمدة ثلاث اشهر كل شهر 5 قيقا

اتمنى اني افدتك بشئ واعتذر عن عدم ترتيب الرد والافكار بحكم اني استخدم كيبورد مافيه حروف عربيه