[ اللغة الانجليزية ] : أريد أن أكون زائر .! فهل تنصحوني ؟ تكفون مجرد رد !

[MoaYed]

السلام عليكم ورحمة الله وبركاته
اخواني أنا ادرس في جامعة شقراء تخصص لغة انجليزية , صراحة طفشت من الغربة والوحدة , والمصاريف في هذا البلد , ودي أدرس كطالب زائر بجامعة الدمام
تكفون ياطلاب اللغة الانجليزية ابغى نصايحكم , ابغى نبذة عامة عن الدكاترة الي يدرسونكم , وهل هم ضغطين عليكم .؟ ام مسهلين الامور ومخلينها حلوة .؟ هل الدكاترة بريطانين وامريكان واجانب ؟ أم عرب ؟ علما ً بأني في المستوى الرابع الأن و لو بدرس زائر راح ادرس المستوى الخامس , اتمنى الرد تكفون ياجماعة الخير والله ان الغربة جننتني , لدرجة اني افكر اطلع من الجامعة اااه بس

[وش بلا الناس]

هلا عسوله

ودي اساعدك بس انا قسم درسات

اتمنى بنات انجلش يفيدوك

والله يوفقك يارب

[دوقة هيا]

أنصحك أخوي تروح لمقر الجامعة الرئيسي _ قسم الرجال _ بحي الراكة على طريق الخبر _ الظهران ( يمكن تعرفه من زمان عنه ) وان شاء الله يخلصون لك شغلك بدقائق ( لأن جامعتنا _حسب ما قريت في المنتدى _ أو سمعت طراطيش كلام _ يخلصون المعاملات بشكل سريع ويمكن اسرع من الجامعات الثانية في السعودية عموما - خصوصاً رجال )
حياك الله أخوي في شرقية الخير ( دامك بتجي الدمام أو غيرها أكيد بتزور البحر ) وشي ثاني ترا جامعتنا غير عن باقي الجامعات ( لان مدير الجامعة - حسب علمي - يعتبر الطلاب زي أولاده وكذا )، نصيحة لاتترك الجامعة عشان ظروف قاهرة لان الشهادة اللي بتحصل عليها هي سلاحك في الحياة وهي اللي بترفع من مقامك (بإذن الله ) .

الله يوفقك في حياتك وييسر أمورك ويحقق اللي في بالك ، في حفظ الرحمن أخوي

[MoaYed]

المشاركة الأصلية كتبت بواسطة دوقة هيا

أنصحك أخوي تروح لمقر الجامعة الرئيسي _ قسم الرجال _ بحي الراكة على طريق الخبر _ الظهران ( يمكن تعرفه من زمان عنه ) وان شاء الله يخلصون لك شغلك بدقائق ( لأن جامعتنا _حسب ما قريت في المنتدى _ أو سمعت طراطيش كلام _ يخلصون المعاملات بشكل سريع ويمكن اسرع من الجامعات الثانية في السعودية عموما - خصوصاً رجال )
حياك الله أخوي في شرقية الخير ( دامك بتجي الدمام أو غيرها أكيد بتزور البحر ) وشي ثاني ترا جامعتنا غير عن باقي الجامعات ( لان مدير الجامعة - حسب علمي - يعتبر الطلاب زي أولاده وكذا )، نصيحة لاتترك الجامعة عشان ظروف قاهرة لان الشهادة اللي بتحصل عليها هي سلاحك في الحياة وهي اللي بترفع من مقامك (بإذن الله ) .

الله يوفقك في حياتك وييسر أمورك ويحقق اللي في بالك ، في حفظ الرحمن أخوي

يعطيك العافية أختي المحترمة , نسيت أن أكتب أني أنا من أهل الدمام ولكن تغربت الى هناك ,
أشكرك على الايضاح الكامل , لكن أبغى اعرف عن الدكاترة الموجودين وكيف وضع الامور داخل الكلية من ناحية الدراسة وهكذا يعني

[رورو 89]

اخوي انت تسال في قسم كليه الاداب للبنات .. يعني الدكاتره مختللفين والكليه مختلفه عن كليه الطلاب ..

بس عموما .. الدكاتره اغلبهم عرب او من باكستان , الهند ... مافي امريكان وكنديين ابدا ولايجيبونهم اصلا ..


مستوى الدراسه مو سهل بس مو تعجيري ..

في مواد التخصص احيانا كثيره تعتمد 80%من درجة بالماده تعتمد على الدكتور ( تصحيحه , اسئلته , تلخيصاته ..)

وشخصيا اشوف ان كليتنا (كلية الاداب للبنات ) معقده اكثر من اي جامعه ثانيه .. لدرجة اغلب الطاللبات يتاخرون بالتخرج ..!


نصيحتي لك .. الا الدراسه لاتفكر تتركها ( الا لو كان في بديل احسن .. مثلا تخصص احسن او نقل ) غير كذا اضغط على نفسك واستمر .. محد نافعك الا شهادتك ..

[MoaYed]

المشاركة الأصلية كتبت بواسطة رورو 89

اخوي انت تسال في قسم كليه الاداب للبنات .. يعني الدكاتره مختللفين والكليه مختلفه عن كليه الطلاب ..

بس عموما .. الدكاتره اغلبهم عرب او من باكستان , الهند ... مافي امريكان وكنديين ابدا ولايجيبونهم اصلا ..


مستوى الدراسه مو سهل بس مو تعجيري ..

في مواد التخصص احيانا كثيره تعتمد 80%من درجة بالماده تعتمد على الدكتور ( تصحيحه , اسئلته , تلخيصاته ..)

وشخصيا اشوف ان كليتنا (كلية الاداب للبنات ) معقده اكثر من اي جامعه ثانيه .. لدرجة اغلب الطاللبات يتاخرون بالتخرج ..!


نصيحتي لك .. الا الدراسه لاتفكر تتركها ( الا لو كان في بديل احسن .. مثلا تخصص احسن او نقل ) غير كذا اضغط على نفسك واستمر .. محد نافعك الا شهادتك ..

أشكرك اختي على ردك الجميل , انا عارف اني أسال في قسم البنات , اذا فيه قسم للغة الانجليزية للرجال اعطيني الرابط
الله يعينكم ويسهل عليكم يارب , اشكرك مرة اخرى على المعلومات الجميلة