بناآاآاآاآاآاآات { لا تفتحون لكم حساب في البنك ~

[.،؛مجرد أنثى؛،.]

.،؛،.

صباح / مساء الخير..

أهلين بنات ..

شخباركم مع الكلية وشخباركم مع الحووسة اللي احنا فيها !؟!؟

المهم ..

اليوم صارت لي ساااااااااااااالفة مع هالكلية ..

السالفة ومافيها اني أنا ما عندي دوام يوم الأربعاء , يعني جدولي من السبت إلى الثلاثاء ,

ولما رحت أسأل عن البطاقة الجامعية قالولي لازم تجيبينها يوم الاربعاء ,

لأن الموظفة اللي تاخذ الأوراق وتسوي البطاقات ما تداوم إلا الاربعاء .

في الاسابيع الماضية ما قدرت أروح والحمد لله اليوم أبوي استأذن من عمله عشان أروح أودي الأوراق

ومرة وحده رحت البنك أفتح حساب .. لأنهم عطونا ورقة نكتب فيها بياناتنا ورقم الحساب اللي تنزل عليه المكافأة..

طبعا المجال مفتوح يعني افتحي حسابك في البنك اللي تبينه .. وفتحت لي حساب في بنك البلاد ..

وفي نفس الوقت أبوي راح يودي أرواق بطاقة الخروج لمسؤول الأمن في الجامعة

>> يعني طلعتنا اليوم 3 في 1 (البطاقة الجامعية وبطاقة الخروج وفتح الحساب في البنك )

وكنت مستانسة اني بخلص من هالحوسة وهالأوراق ..

المهم .. أول شي رحت البنك وبعدها راح ابوي للجامعة والأوضاع ماشية تمام ..

يوم وصلت الكلية وسألت عن الموظفة اللي تسوي البطاقة الجامعية قالولي :

"ماجات اليوم , تعالي الأربعاء الجاي"

قلتلهم: ليييييه طيب!؟!؟ قالوا: ماندري عنها تعالي الأربعاء الجاي ويصير خييير !!

قلتلهم: طيب مافيه اي وحده ثانية أقدر أعطيها الأوراق وهي تسلمهم لها؟! , قالوا: لأ

قلت: طيب يعني ما يصير تداوم وسط الأسبوع!؟!؟ , قالوا: لأ

>> كل شي لأ لأ لأ لأ لأ لأ قهرررررررر والله ..

المهم عدينا هالسالفة على خير ..

بعدها رحت أدور الموظفة اللي أعطيها الورقة اللي فيها رقم حسابي ..

>> فرحانة انها فتحت لها حساب وصايرة كششششخة

ويوم لقيت مكتبها ودخلت عليها أعطيها الورقة قالت :

خلاص ما نبيها ..

قلت: شلون يعني !؟!

قالت : خلاص الجامعة بتفتح لك حساب في بنك الرياض واحنا بنعطيك رقم الحساب ..
والحساب اللي انتي فتحتيه ألحين خلاص ألغيه أو خليه عندك إذا تحتاجينه..

>> يعني جيتي لهم اليوم راحت هباااااااااااااءً منثوووووووورا

لا البطاقة الجامعية ولا هالحساب !!!!!!

والله قهررررررررررر ..

لييييه مافيه تنظيم ؟؟!؟!؟!

ليييييييييه مافيه ترتيب!؟؟!

لييييييييييه ما يقدرون أوضاع الناس!؟!؟

يعني ألحين أنا ما أداوم الأربعاء أصلا , ومخلية أبوي يستأذن من شغله عشان هالكلية ،

وجاية عشان هالبطاقة الجامعية وفي النهاية تطلع الموظفة ماجات

لنفترض ان هالموظفة عندها ظرف لاقدر الله وماقدرت تجي ليه مايحطون أي وحده بدل عنها؟!؟!؟

وحتى سالفة هالحساب ليه مايقولون لنا من البداية خلاص لا تفتحون حساب ! الجامعة بتفتح لكم ؟!؟!؟!

فوووووووووووووووووووووووضى لآآآآآخر مستوى .. الله يصبرنا بس ..




أهممممممممممممممممم شي في هالسالفة كلها :

لاتروحون تفتحون حساب في البنك ..

هم بيفتحون لكل طالبة حساب في بنك الرياض ..


وأتمنى أتمنى أتمنى من كل قلبي انهم يتسنعون ويحطون أنظمة عدلة زي الناس

>> طووووولت عليكم بالهذرة بس اعتبروها مجرد فضفضة

وأهم شي لا تنسون سالفة البنك لا تفتحون حساب




أشوفكم على خير في سالفة ثانية

.،؛،.

[جنان وكلي حنان]

مسائك خير ان شالله
مع هالكليه بصرااحه زفت بدووون تنظيم يطلعوون الواحد من اعصاب
كنت مره متثاااقله الطلعه لروحه البنك علشان افتح احساب الاني سمعت بنات يقوولن فتحي واخذي ورقه بعدين رووحي لهم
الحمد الله فكووووووووووووووووووووونا من المشوووار . لا بالعكس لا هذرتي علينى ولا شي بالعكس اسلوووبك في نووع من الاندماج والحماس بعد
مشكووووووووووووووره أختي مجرد انثى
الله يجـــــــــزاك ربي الجنه

[ارجوان]

هذي الكليه نظامها زفت خيييييير ماتجي الموظه الى كل لاربعاء والي عندها اوف تتورط او الي ومها مسائي من جد حاله معهم

[[ انبلاج ! ]]

.،؛،.

يآآآآآآآآآعمري انت ..!
مرررة قهروني تعبوووك ع الفاضي ><
انا بالاداب الدمام بس نظامهم افضل من عندكم الصراحة !
يعني حتى ورقة البنك الاستقبال تاخذها وتجمعها من البنات وهي توصلها للمسؤوله ..
وبعد البطاقة الجامعية خلاص محددين لكل قسم اسبوع كااامل من السبت الى الاربعاء وعندنا موظفتين مو وحده بعد وشكلهم يتناوبون لاني كل شوي اشوف وحده غير ..
وحاطين الجدول حقهم بكل مكان ولا تاخذ اوراقك اذا انت من قسم ثاني ..
امممم بعد تعاملهم حلو الصراحة يعني اعجبتني الموظفة اسلوبها راقي والله ..
بس ليه انتوا كذا ><
مررة مو حلو !!
احنا عندنا الامن يعرفون كل شي يعني عندك شي أسأليهم ويجاوبون حافظين كل شي بالكلية وهم بعد مو قليل يعني كثااار وفي كل مكان موجودين وكل قسم فيه 2 امن بعد يعرفون كل شي بالقسم ..
ياحياتي انت وربي ما يستاهلون تتعبين عشااانهم ><
الله يكتب لك الخير بس ويسسسسعدك ..
وحياك كل يوم فضفضي باللي تبييييين ..
حبي لك ..

.،؛،.

[&&ريما&&]

هلا وغلا اختى


حتى انااااااااااا ماعندى الابعاء يوم رحت قالو ماجات

وبابا طلع من دوامه

وعندى موعد بالحرس وربي الاربعاء حووووووووووسه الله يهديهم

بس

حتى الدكاتره مابعد يجبون لنا كل المووووووواد

[بنت الرابعه]

يعطيك العافيه اختي
انا كمان الربوع كان عندي اف ورحت ولا جات الي تسلمنا البطاقات
بس الحمد لله ان ابوي مامشى عني قالي بوقفلك
طيب وهذا رقم الحساب متى بيعطونه اياه ومن فين اخذه ؟

[ام معتوق]

[CNTER]معكم حق انا بعد وديت اوراقى لهخم يوزم الاربعاء قالولى
الموضفه ماجات شلون يعنى متى نخلص اورقنا والحوسهخ حقتنا
:mh19::mh19::mh19:CENTER]

[ғℓσяϊήş ๑ ﭏ●]

آنا ابي اعرف اهم فاتيح لنا منتدى ومسوين هالهيصه ذي كلها ليه

ترى في منتديات ثانيه ماتوقف عليهم ..

القهر ان مافي حد يرد عليك لآ بالمنتدى ولا هناك

ذآ فاتحينه ليش ؟؟؟؟؟؟؟؟؟؟؟

نبي احد يرد ويعلمنا ويفهمنا ..

بصراحه ماشفت فوضى مثل الفوضى اللي احنا فيها ..؟


احيان انا اسأل نفسي ..

ذي جامعه بالسعوديه ولآ بالصومال

محد يهتم ومافي ترتيب نهائيآ ..

ان جات ع المواد محد معطينآإ حق ولآ بآطل

وان جات ع البطاقات مافي آدميه تلتزم بهاليوم الوحيد وتجي تاخذهم ..

وان جات ع فتح الحساب مثل ماصار للآخت محد يتكرم ويقول او يحطون اعلآنات ..

ولآ ايي شي مش بس ع سالفة الحساب

يسون اللي يسونه ويبقون سآكتين .. مدري كيف بندري احنآ

يعني مثلآ عندنا منصب العميده واحنا ماندري؟

ولآ قراراتهم تتوزع علينآ مثل جداول ايام ابتدآئي .. !

بصراحه فوضى في فوضى ..

مانحس ان احنا كبرنا ورحنا جامعه

آلآ نحس ان صغرنا وصرنا بحضآنه كلها فوضى وماندري كوعنآ من بوعنآ

آتمنى من كل قلبي انهم يرتبون نفسهم ...

ولآ بس مسوين الترتيب في الدمام وبالحسآإ لآ ..

ليش يعني هناك اوآدم وهنآ غنم؟؟

الله يكون بالعون بس .. !

[ٱﻝﻣﻞﮑﮯـﻪًٍ ..~]

الله يعينكً والله





انا رٍحت اخذ منهم الوٍرٍقه قالوا لي مايحتاج وكذا .
ولما قلت لصديقاتي عصبوا علي وش دخلني انا < بالله

لا بس انقهروا بصراحه كثير يعني ناوين يفتحون لهم خلاص بالاخير يقولون لا ..

بس ع العموم كذا اريح يعطونا اياها جاهزهـ :c8:

[بنت أبوها]

الله يعينكم ع مسؤله بطاقات الخروووج

والله ياهي طعسسسس ,,

ذاك اليوم تناقش هي وبنيه واخر شي عصبت وقامت تهدد و تقووول: تجيني تبين بطاقه خروووج والله مااعطيك وترد البنت : جعلني مااحتاج لك هههههه

,,,

خريجات جامعات ياكثرهم بالبيووت

وحاطين لنا ..... استغفر الله العظيم :)