رسالة للعميد الدكتور العمري والعاملين على نظام الدراسه عن بعد

[حــﻵ ٱڶـﮙـﯚن ﭔـﯙڄـﯙڍﯤ]

يسسسسسسسسسسسسسسسسلموو خيتوو ايماان ع كلاممككك

[DYOOOM]

المشاركة الأصلية كتبت بواسطة Ḿểℓờḏў Ĵợỵ

حتى انا استغربت لما قاالوا مو من حقكم تجيبون اشياء من راسكم تبهدلون الطلبة

وكانو كاتبين ان الأختبار بمقر الجامعة .... بعكس جامعة الدمام اللي ب المدارس اختباراتهم

و ي الله الله يوفق طلابنا وطالبااتنا و ييسر عليهم بأذن الله

و ب النسسبة لذي النقطة اهم يجاااوبون علطول ... وفي اوقاتهم الرسمية ومايقصرون

واعتقد اللي قال كذا ماكلمهم أصلاً انا كنت متواصله معهم لحل مششاكل الطلاب ومشاكلي أيضاً

ومشكور دكتور وماتقصر

لالالاوالله مايردون وانا دقيت الين طفشت وخليت ابوي يروح يجيب الرقم منهم

[soooze]

حتى انا استغربت لما قاالوا مو من حقكم تجيبون اشياء من راسكم تبهدلون الطلبة

وكانو كاتبين ان الأختبار بمقر الجامعة .... بعكس جامعة الدمام اللي ب المدارس اختباراتهم

و ي الله الله يوفق طلابنا وطالبااتنا و ييسر عليهم بأذن الله

*: http://www.ckfu.org/vb/t274069-3.html#ixzz1hw0akbwU

**** مكان يتواجد فيه أعداد هائله من المجتمع

الكلام مو من راسي الكلام قالته المدربه خلال الدوره وكلنا أستغربنا وسألنها كيف وليش وقالت ان الفاينل نختبره في النت .. وقالو ليها كذا بيكون فيه غش قالت في طرق ومادري أيش وأحنى كنا مو مستوعبين
وانا بنفسي قلت لها بتصير مشاكل ويمكن ينقطع عنا الأتصال وقالت راح يبين للدكتور ومايروح عليك الأختبار
وانا كنت مصدووومه .. فالكلام مووو من رااسي فهمتي

[تعبت اتمنى]

2- بخصوص الدورة التدريبية فقط كنا واضحين من البداية في طبيعة الدورة ومدتها كما اعلن انها عن طريق الانترنت ولمدة اسبوع ساعتين يوميا وبرسم معقول
ليست مسؤوليتنا اصلاح اجهزة الطلاب وايضا ليست مسؤوليتنا تعليم الطلاب مهارات استخدام الحاسب الالي وحل مشاكله.
وبالنسبة للرقم السري تم وضعه في البداية حتى نضمن ان لا يدخل على الدورة الا الطلاب المسجلين لكي نستطيع خدمتهم بافضل وضع ممكن وايضا تم وضع رابطين منفصلين ليتم اعطاء مجال للطالبات

لللاسف ماحضرت الدوره وال500 ع الفاضي دفعتهاا

وال الان الرقم وكلمة المرور ماوصلني ولاشي وتاكدت من رقمي المسجل عندهم صح ولاع الايميل بس ماقول الا حسبي الله ونعم الوكيل وانا مظلوووومه
وجهازي مافيه ولا خلل الخلل من نفس الجامعه والسستم حقكم دامكم مو قد الانتساب مافتحتوا وتعبتوا فااااااشل وبقوووه وتوناا في البدايه ومابدينا ندرس

البعض يسأل لماذا لم تعقد الدورة في الجامعة وهذا طبعا يصعب ان نجد معمل يستوعب الف طالب في نفس الوقت وايضا الطلاب من مناطق مختلفة وايضا لا يمكن ان ندربكم بطريقة غير الطريقة التي ستدرسون بها وكان الاختيار ان ندربكم من منازلكم على نفس الاجهزة التي ستستخدمونها في الدراسة ا

عذر الف طالب عدد مافيه شيء ماحس كثير عكس المنتظمات اكثر منا وموفرين مكان موصعبه ابد مكان يحوي الطلبه زي اختبار القدرات والتحصيلي اللاف الطلاب وجامعينا من كل مكان

عذر مو مقبول ابدا

لا زلنا نرفع شعار ( نسعد بخدمتكم ) والهدف هو فائدتكم الاكاديمية والعلمية ومع ذلك من لا يزال يشعر بعدم الرضى فله الحق الانسحاب من البرنامج قبل بداية الدراسة وستعاد له الرسوم كاملة باذن الله

ياليت تغيرون اللقب من ( نسعد بخدمتكم ) الى (نسعد بصدمتكم ) وياليت اقدر انسحب من الجامعه

وحسبي الله ونعم الوكيل في كل مقصر

واعذروني اذا اخطت في شيء بس من اللي شفته
وللاسف الارقام الجامعه مايردووووون ولاشيء

وحتى رقم العميد ومساعد العميد

[حنان آل حيان]

المشاركة الأصلية كتبت بواسطة soooze

طيب ماعندك اسلوب أرقى .. تدري أن هذي ثاني رد اشوفه لك وأسلووبك
تعلمي أسلوب الكلام المحترم لو سمحتي قبل ماتردي في مكان يتواجد فيه أعداد هائله من المجتمع

الكلام مو من راسي الكلام قالته المدربه خلال الدوره وكلنا أستغربنا وسألنها كيف وليش وقالت ان الفاينل نختبره في النت .. وقالو ليها كذا بيكون فيه غش قالت في طرق ومادري أيش وأحنى كنا مو مستوعبين
وانا بنفسي قلت لها بتصير مشاكل ويمكن ينقطع عنا الأتصال وقالت راح يبين للدكتور ومايروح عليك الأختبار
وانا كنت مصدووومه .. فالكلام مووو من رااسي فهمتي

\\


صادقه سوزي انا كمان سمعتها تقولها نفس ماقلتي حتى تقول في طرق عشان الغش

ومتري شو




شر البليه مايضحك

[هَنَو!]

1- بالنسبة لموضوع التحويل الى الانتظام فقد كانت الشروط واضحة من البداية وهي انهاء فصلين دراسيين والحصول على معدل 3.5 وحسب لاوائح وانظمة التحويل والاختبارات والتي من ضمن شروطها الا يكون مضى على التخرج خمس سنوات. هذه لاوائح لا تستطيع الجامعة تغييرها ابدا لانها صادرة من الوزارة.

اول شي دكتور ماوضحتوا هالشي وقت التسجيل صح أنذكر سالفة الخمس سنوات
بس ما أنذكر انكم تمغطونا ترمين على سنين اتوقع يمدينا نخلص ترمين هالسنه مو ذمبنا انكم تأخرتوا كل هالمدة الناس تتدرس واحنا ننتظركم قدرنا انكم اول مره انتساب بس حرام عليكم تخلونا نكمل الترم الثاني السنه اللي بعدها وننتظر سنه عشان ننتظم يعني عشان الفلوس تمغوطنا يعني لو ادري انها كذا رحت لفيصل احسن بواجد
اتمنى توضح متى ندرس الترمين وكيف ننتظم كم بعد سنه هذا اللي يهم البنات سالفة الانتظام كيف ومتى

بخصوص الدورة التتدربية ارسلتوا لي رقم على البريد وليته صح بعد لاتحاول دكتور طلع الغلط منا انتم اول مره تسون الانتساب عن بعد وتوهقتوا فيه بليز مو قد الشي انتم لاتسوُنه

حسبي الله ونعم الوكيل

[ريمنقو]

السلآم عليكم ..
آولآ وبلآ مقدمآت ..

بخصوص الاختبآرآت اللي ذكرتهآ المدربه هي الاختبآرآت القصيره(الكويز)
مثلهآ مثل اي آختبآر قصير .. والمحآولآت والتوقيت يرجع للدكتور نفسه او الدكتوره اللي يدرسنآ
وبخصوص امتحآن الفآينل شفت كذآ رد للدكتور سعد يوضح فيه ان اختبآرآت النهآئيه رآح تكون بمقر الجآمعه

وبخصوص الدوره التدريبيه ..
آشوف ان رد الدكتور مقنع جدآ .. التدريب وحنآ بالبيوت آفضل من الحضور الشخصي
لآن درآستنآ رآح تكون عن بعد .. ف من البدآيه نبدآهآ مثل الدرآسه آفضل

واللي مآحضر الدوره قد يكون بسبب الضغط اذا مآفيه مشكله بالجهآز او قد يكون بالجهآز نفسه
وبأمكآن كل طآلب وطآلبه المطآلبه بالاعآده آو حل المشكله ولكن هنآآآك (اسلوب) (ذوق)

آنتم مآتتكلمون مع آي شخص آنتم تتكلمون مع شخص ذو مسوؤليه ..
فأحسنوآ الاخلآق الله يرضى عليكم اللي موب عآجبه سبق وان ذكرت بأمكآنه طرح جميع مشآكله
ولكن بالاسلوب .. ارتقوآ فأنتم جآمعيين ..

يعني صآرت مشكله بسيطه هبيتوآ هبه وش كبرهآ .. لآزم المرآعآه
وبالاخلآق تملكون الجآمعه بكبرهآآ صدقوني
ولآزم يكون هنآك فن التحآور والخطآبه
وطرح الاسئله بأسلوب حسن ولبق

آنآ مآجيت آعلمكم كيف الاسلوب بس اذكركم فيه
آسأل الله لي ولكم التوفيق

وآسفه اذا كنت هه والا هه

[حنان آل حيان]

معليش بس من حق الكل يقول اي شي يضايقه سواء بالنظام ولا الدراسه نفسها

ليه الملتقى هذا عشان هالشي

موعشان الرسميات والمجاملات

من ناحيه الدوره صادقين البنات بكل حرف ليه راح نفتري محد يفتري

بنات خايفين ويبون يدرسون ويفهمون انا جهازي مافيه شي ومادخلت اول يوم الا باخر نص ساعه

بعد ماغيرت اسمي عشرين مره كل مره احطه شكل حتى ضبط


ومن ناحيه الاختبار النهائي الدكتوره هي شككت البنات

وكررت احتمال النهائي يكون عن طريق النت حسب استاذ كل ماده وكررو سئلوها

وهذا كان جوابها هي الي وترت البنات

رغم انا مادخل عقلي اختبار نهائي بالنت


محد غلط او قلل احترام حد

من حق كل بنت تشكي وتقول اي شي يخصص الدراسه او الدكاتره او النظام نفسه

الجامعه جامعتنا والملتقى عشان نعبر مو نتسلى


فديت كل البنات المهتمات والعفويه مو تقليل احترام العفويه شي مره رائع

فكونا من الرسميات


التوفيق للجميع

[so0ona]

دكتور احترم ردك وبقوه بس مع كذا خلنا واقعيين ..

بما ان اول مره تسوون انتساب بجامعتكم الكريمه يفترض تكون الدوره مجانيه من عندكم مايصير 500 ريال على دوره مكرره كل يوم نفس اللي قبله ..

وبالنسبه من اللي قال ان الاختبارات يمكن تكون ع النت ع حسب كل دكتور فهو من الاستاذه نوال اثناء الدوره التدريبيه .. وأشكرك لتوضيحك هذه النقطه ..

حبيت اعبر عن رأيي وخاصه ان الملتقى مفتوح لطرح ارآء الطلاب والطالبات ..

يسلموو ع الموضوع إيمان يعطيك الف عافيه ..

[وردة الوفــاء]

بالنسبة للإختبارات ...

انا كنت موجودة بمحاضرة الأستاذة...

وانا سألت وبنات كثير سألوها .. قالت إنو الإختبارات عن طريق النت.. وبنت سألتها لو صار عندنا مشاكل ..
وبنات سألوا عن الغش وكذا قالت كل شيء نعرفه أحنا...



طيب والشيء الثاني...

أتمنى أنو الجامعة ترجع لنا الـــ 500 ريال...

لأن حرام حضرنا يوم واحد بـ 500... وغير كده انهم أجبرونا ندفع مش بإختيارنا...
وبالنهاية نتفاجأ إن الكلام اللي بالدورة كله شيء عادي نقدر ندخل عالبلاك بورد وندخل عخانه خانه ونتعرف عليه مو شيء صعب..

والأستاذه ماعطتنا شيء غير عن هالكلام كانت تتصفح البلاك بورد وتقرا الكلام الموجود فقط لا غير...

وكل ماسألنا سؤال قالوا عندكم عمادة القبول والتسجيل إسألوهم...

أتمنى رايي يوصل لكم يا عمادة القبول والتسجيل بشأن الــ 500 ... لأن إنتوا ماتعرفون ظروف العالم كيييييف وأجربتونا ندفعها وتوقعنا شي راح نستفيد منه كلع شي عادي...