علامك يابحر ؟!

[بنت أبوها]

أنا يابحر ماجيتك فضى ولمشاهـدك شفقـان
أنا جيتك أبنسى الياس وبعض الهـم يباريني

على بالك أنا جالس أسامر موجك الغضبـان
أسولف له عن أوجاعي وعني وغربة سنينـي

علامك يابحر غاضب علامك تصرخ بكتمـان
أنا جيتـك أبشكيلـك وأبـي منـك تواسينـي

أنا مثلك بحر لكن وسط نفسـي أنـا غرقـان
تعبت أبحر مع نفسـي وأسالهـا أنـا وينـي

أنا محتار في وصفي ومع نفسي أنـا حيـران
أنا لاقادر أفهمهـا وهـي تجهـل مضامينـي

أنا مليت من حزني وتعبت أبحث عن السلوان
ولاظنيت بـه شـي عـن أحزانـي يسلينـي

أحس إن الحزن عالم بحوره وصحوه وديـان
تخيل يابحر حجمه إذا حجمـه سكـن فينـي

تصور لو شقا الدنيا تجمع في كيـان انسـان
تصدق مابقى بالكون أسى مابات فـي عينـي

ترى كل الحزن لو غاب وراح لآخرالأوطـان
يغيب ويرتحل لحظات ويرجع يستقـر فينـي

أنا آخر فصول الحزن وأنا لدروبـه العنـوان
وأنـا آخـر عزوفاتـه وأصواتـه تغنيـنـي

أنا والليل والغربـة تعانقنـا مثـل الأخـوان
ليلـي كـل آهاتـي والغـربـة عناويـنـي

تعبت أسقي ثرى أحلامي وأزرع بالوهم بستان
تعبت ولا نبت زرعي وتعبت وجفت بساتينـي

ألايابحر جاوبني وش آخـر هـذي الأحـزان
وش آخر رحلة أوجاعي وعناي وغربة سنيني

/
\
/
\
/
\
/

~ ابي أسكت يابحر وأمشي وأخلي ضيقتي فيني ~

~ ابي أسكت وأبتعد عنك وأدور من يواسيني ~

[لحن..]

على بالك أنا جالس أسامر موجك الغضبـان
أسولف له عن أوجاعي وعني وغربة سنينـي

علامك يابحر غاضب علامك تصرخ بكتمـان
أنا جيتـك أبشكيلـك وأبـي منـك تواسينـي



ابدعتي في الشعر ماااشاء الله عليك بنت ابوها


مشكوووره عجبني مووووووووت تسلمين يااالغلا وربي لايحرمني منك تقبلي مروري.

[بنت أبوها]

بعد عمري لحن

أهم شيء أعجبكـ

لاحرمت هالطله الجميله

اتحفـ ـتيني بـ مرورك

[بنت أبوها]

بعد عمري لحن

أهم شيء أعجبكـ

لاحرمت هالطله الجميله

اتحفـ ـتيني بـ مرورك