يوميات الزوج السنع!!

[أمير القلب]

يوميات الزوج السنع اللي تحلم فيه كل زوجة

اولا :اضبط المنبه واستيقظ لصلاة الفجر في المسجد و ايقظ زوجتك للصلاه بهدوء
لأنها قد تكون في اجازة شرعيه فلا تقوم للصلاه وهذا لايعني انك انت الآخر في اجازه

ثانيا: وانت راجع من الصلاة مر المخبز او الفوال وجيب لزوجتك ولأهلك اذا كانوا قريبين منك فطورا طازجا ساخنا ..

ثالثا: افطر مع زوجتك ثم خذلك دش وحافظ على نظافة الحمام ورجع كل شي في مكانه المخصص

رابعاً: وعلق فوطتك بعد استخدامها

خامساً: وضع ملابسك المتسخه في سلة الغسيل بنفسك

سادساً: البس ملابس الدوام وتعطر بعطرك المفضل وصفف شعرك ولا تنس اعادة كل شي لمكانه المخصص

سابعاً: ودع زوجتك بقبله وانطلق الى عملك في وقت مبكر حتى لا تضطر الى السرعه والمشاكل
ثامناً: اتصل على زوجتك بين حين وآخر للأطمئنان عليها

واتفق معها على الغداء وحدد لها وقت خروجك حتى تكون مستعده
وليس عيبا مراعاة ظروفها فيما اذا كان لديها اي ظرف
سابعا :عند عودتك الى البيت خذ دش واهتم بنظافتك وتعطر وصفف شعرك فزوجتك اولى بذلك..

ثامنا :شاركها بتحضير السفره وحدثها عن يومك فالمرأه تحب الكلام كثيييرا ثم تناولا غدائكما

ثامنا :اغسل يديك فور الانتهاء من الأكل (لاتؤجل عمل اليوم الى الغد )

تاسعا : اذهب للإسترخاء والقيلوله بعد تناول الغذاء ولا تطول

.
تاسعا :بعد استيقاظك من الغفوه بادر بسؤال زوجتك عما اذا كانت تريد الخروج لشراء حاجيات المنزل

او زيارة احد اقاربها
او التنزه ولو بجولة من خلال السياره لتغيير النفسية والجو

عاشرا:بعد ذلك يحق لك تخصيص وقت لنفسك اما لمشاهدة التلفاز

او النت

او الخروج مع اصحابك دون ان تغضب احدا او تقصر في حقه
ولا تنسى العوده الى منزلك باكرا فهناك من ينتظرك

شوفوا التعليقات

وش هالسناعه هذا الرجال اكيد من كوكب ثاني
بس لامانع اننا نحلم
....................................
خيالي انا نفسي في يوم زوجي يرجع من الشغل يلبس بجاامة زي الناس
يعني لازم السروال الابيض الي رافعه لين صدره والفنيلة البيضاء طقس من طقوس حياتنا خه هعهعهع على باله كاشخ ماالت
ههههههههههههههههههههه
....................................

ماشاء الله وش ذا الرجل ههه وينه ياختي ذا اشتريه بالملايين
كل شوي يتروش ويرتب كل شي بمكانه ويساعد زوجته ويسولف عليها و يسئلها اذا تبي تطلع
اوووه لا تخلوني اعيش الحلم و اسرح بفكري ، ثمين انصدم بـ الواقع اللي قدامي
ههههههههههههههههههه
....................................

والله لو كذا رجال لأشتريه بعمري بس وينه يا حسرة على حظنا رجال مثل قلتها
وبحسوا البيت اكثر من عيالهم وطلباتهم كنهم قاعدين يتوحموا ،،،
لا بعد يساعدني في حط السفرة ويكلمي عن اللي يحصل معاه ولله انها من سابع المستحيلات
ويسالني بطيب خاطر لو ابي اروح للسوق لو تحصل هذه تكون علامات الساعة
....................................

وينه ذا وين نلقاه ياحليله ماعندنا غير السراويل البيض ناشبين فيها ولادخل البيت ينسطر ينام ليل نهار الله يخلي الجارات
....................................

هذا يبغالنا نرسل تفاصيله للصين و يصنعون لنا زيه
....................................
لايختي مو الصين الصناعه الصينيه بابوغلي بعد فتره بيخرب ويرجع زي رجالنا هواش وتطنيش ووو
ارسليها لليابان هم الي بيضبطونلك الوضع تماااااااااام
احجزيلي معك واحد لو سمحتي
....................................

عاد كيف تعرفينه سعودي إذا مايلبس السروال الابيض والفنيله هاذي علامة الجودة حقت السعودي
....................................

اسئله تطرح نفسها

1-هل هن صادقات في تعليقاتهم او انهن يبالغن في الموضوع <ناكرات العشرة
2-هل الرجل فاشل ومهمل ومايحترم مشاعر ووجود الزوجه في حياته

او عكس ذالك
اللهم أصلح الازواج والزوجات

[الـبـقـمـي]

كل ما ذكرته شي جميل وتعد من مكملات الحياة الزوجية السعيدة

بغض النظر عن الردود اللي أعتبرها لا تقدم ولا تؤخر

لأن أصحاب الردود اللي في الموضوع حالات استثنائية
بحاجة لأقرب زيارة لعيادة نفسية

ولا تقييم الزوج السعودي أو أغلب الأزواج

أما الرجولة أو مثل ما يقولون الزوج السنع

في أساس الأمر التعامل والاحساس بالمسئولية

قال صلى الله عليه وسلم: ". استوصوا بالنساء خيرا فإنهن خلقن من ضلع وإن أعوج

شيء في الضلع أعلاه فإن ذهبت تقيمه كسرته وإن تركته لم يزل أعوجا فاستوصوا

بالنساء خيرا"

والحديث ليس على سبيل الذم كما يفهم العامة بل لتفهيم وتعليم الرجال.

الله يعطيك ألف عافية

[شموخ البدو]

والله كلام حلو يامحمد وصح الله لسانك يا البقمي بس انا صراحة مدري لا جربت علمتكم هههههههههههه

[ملكة بهيبتي]

ههههههههههههههه

رهيب الموضوع

لو اني مجربه قلت لكم

[ام ساره ووجدان]

الله يطول بعمر الشيخ ابو ساره ماضنتي بهذه الدنيا ارحم بي منه فديته والله يرزق كل مسلمه بالزوج الصالح ..

من ناحية التقييم فعلاقة الزواج اكبر من انك تجعل لها ضوابط وحدود وروتين ...الاحرى انها متغيره بتغيير النفسيه بسبب ظروف الحياه

ولكن القلب الطيب الطاهر حتى لو مرت سحابة صيف هو ماياكد لك ان شريك حياتك لم يتغير ولكن ظرف يمربه يبي الصبر وبيعدي على خير ..فالانسان خلق في كبد <<يعني عناء ومكابدة للحياه .

مشكور وماقصرت والله يعطيك الف عافيه .

[sιlєит ṡσυl]

ثامنا :اغسل يديك فور الانتهاء من الأكل (لاتؤجل عمل اليوم الى الغد )
هههههههههههههههه يعني من جد في احد مايغسل ايدينه بعد الأكل يعني لهدرجه كسلان ام التعليقاااات مت ضحك عليها بس أصابعك مو سوا في الزين وفي الشين

و
شـكــ وبارك الله فيك ـــرا لك ... لك مني أجمل تحية .

[FNOoONa]

هههههههههههههههههههههههههههههههههههههههههههههههههه ههههههههههه وربي يضضضضحححك

من جد هذا الرجآل خيآآلي يعني هو الي بيقوم الفجر اي هين المره هي اللي تقوومه وهذا اذا قاام هع

السرووواااال الأبيض كككلللهم يلبسووونه مدري يتخيلوونه ششي وكشخه هههههههههههههههههههههههههههههههههههههههههههه


لا حد يزعل هذي الحقيقه الا من رحم ربي وقليييييييييييييييييييييييييل حطهآ بين قوووسييين (.............

شـكــ وبارك الله فيك ـــرا لك ... لك مني أجمل تحية . )

[قلب عاشقه]

موضوع حلو وفعلا اصاابع ايدك مو سوا فيهم الزين وفيهم الشين
والحريم بعد لاينسوون انفسهم فيهم الزين وفيهم الشين بعضهم حتى شوشتها ماتمشطها لاصحت من النوم ههههههه
واحنا ننتطنز على السروال الابيض ههههههههههههه
والاتصاال عاااد خلوه لوحده اللحين اذا اتصل تبدااا الطلبااات اللي مااتخلص وزين اذا عطته فرصه يسأل كيف الحااال
هههههههههههه >> كأني مو من الحريم هههههههههههه
وبيني وبينكم هذا الرجل السنع مااااااااهو موجوووووود على مأتوقع والله أعلم وأذا كان موجود الله يرزقنا واحد مثله

الله يوفق الجميع
تقبلوا مرووري

[زهراء عبدالله]

يسلموووو

[أمير القلب]

هلآ وغلآ بالإطلالة المشرقة
نورتوا الموضوع بتواجدكم الجميل
وتعليقاتكم الحلوة
دمتم بألف خير