يوم المهنة الطبي الي يبي يسجل

[أدمنت حبك]

كيف حالكم يادكاترة المستقبل إن شاء الله زينين ؟؟؟؟؟؟؟؟؟؟

المهم أبي أقول لكم أن التسجيل في يوم المهنة الطبي الثاني ابتدا من يومين , و طبعاً آنا سجلت أول واحد من أول يوم ( خخخخخخخخ مستعجل الولد ) بس راح عن بالي أقول لكم فلا تزعلون يالربع و يالله سجلوا بسرعة ترى ما باقي لكم إلا عشرين يوم لأن التسجيل ينتهي يوم 22 يناير , علشان بعدين ما أحد يقول أدمنت حبك ما قاااااااال ..

و طبعاً يوم المهنة الثاني مو بس يوم واحد يومييييين اللي هم 12 و 13 مارس 2008 يعني بيكونون يوم الأربعاء و الخميس من إجازة نص السنة و راح يكونون باستضافة جامعتنا الموقرة جامعة الملك فيصل في قاعة السيف للمؤتمرات بالخبر .

و بيتضمن البرنامج في اليوم الأول محاضرات عن كيفية النجاح في المهنة الطبية و كيف تختار التخصص المناسب لك و المعلومات اللي تحتاجها للدراسة في الخارج .

و في اليوم الثاني فيه ورش عمل لمختلف التخصصات و شنهو إيجابياتها و سلبياتها .

و اللي يبي يسجل هذا الرابط :

http://www.mcd-sa.info/registration.htm

بس قبل ما أنسى ترى التسجيل بس حق طلاب المرحلة السريرية يعني سنة رابعة و فوق , يعني الصغيرات اللي توهم في سنة أولى و ثانية و ثالثة لا يتعبون روحهم مالهم شي خخخخخخخخخخخ ( ما عليه بتكبرون بس صبروا ههههههههههههههههههه )

تحياتي : أدمنت حبك ..

[أدمنت حبك]

أوووووووووووووه نسيت :s12:

طبعاً السنة الجاية ممكن تنظمه أي جامعة ثانية غير جامعتنا , يعني ممكن يصير في الرياض أو جدة أو أبها أو أي محل ثاني , فالسنة فرصتكم يا طلاب فيصل ما تدرون ممكن السنة الجاية ما تقدرون تحضرون .

و لا تنسان أن التسجيل بفلوووووس 150 إذا ما تبي سكن و 450 إذا تبي تسكن مع شخص ثاني و 900 إذا بتسكن لحالك ..

تحياتي : أدمنت حبك ..

[بـــو أحــمــد]

أدمنت حبك
مشكور أخوي على نقل الخبرية

كنت اتمنى يكون تنظيم يوم المهنة عندنا في الحسا ..

[أدمنت حبك]

العفو يا أخوي بو أحمد ,,

آنا بعد مثلك تمنيت أنه يكون في الحسا , بس ما عليه مره ثانية إنشاء الله ,,

و لا تنسى تسجل نبي نشوفك هناك ..

تحياتي : أدمنت حبكـ ..