 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2010- 7- 4
|
||||
|
||||
صدفه
جيت صدفة جنب داره شفت له موعد معـاه
............... لحظة ٍ حسيت فيها انـه أكثـر مـن حقيـر مادريت إني وسيلـة لجـل يوصـل مبتغـاه ............ ومادريت إنه ليا من غاب غاب بـلا ضميـر والله إني من عرفته ما هقيت أعشق سـواه ........... لين رجلي جات صدفة وبان غدره م الأخيـر أحسب إني مثل منهو بالوفـا ربـي عطـاه .......... خل جاب الحظ في بسمتـه والخيـر الوفيـر ما ينام الا طراني ولا صحـى بالـي طـراه ............ وماشي حظه و حظي وين ما يسـري يسيـر كن قلبي وسط يدّه وأكبـر همومـي رضـاه .............. وكن روحه وسط روحي ما لنا نـدّ وخشيـر خل لا طول غيابـك نـوم عينـه مـا هنـاه ............ ولا لمح شوفة عيونك يفرش ضلوعه حصير ولا رحل ما من يسد بغيبتـه أحـد ٍ سـواه ............. خل لا من غاب زوله اكتشفـت إنـك فقيـر مو فقير الجيـب لا لا ! لا ولا محتـاج جـاه .................. الفقير اللـي يمـد يديـه لطيـوف العشيـر الفقير اللـي تشوفـه يشحـذ العالـم فضـاه .............. ويسرق من الليل نجمة في ضياهـا يستنيـر وأنا لي يا ناس حظ ٍ مـا يجيـك الا بـرداه .............. كن مكتوب ٍ عليّ أعيش مـع حـظ ٍ ضريـر يعني بالآخـر تنفـس بالسمـا فالـي هـواه .............. يعني باقي بين كل الناس واحـد فيـه خيـر يعني انت اللي بقربه راح أنا اْنسى آقـول آه ................ واكتفي بآهات شوقي لا غـدا بعـدك خطيـر لين ما بيّن ردى المقسوم كاشف عن غطـاه ............ يوم شفته داس قلب ٍ كان فـي كفـه أسيـر إي أعرفه هذا حظـي معوجـه دايـم خطـاه ................... كل ما حسيت نفسي بخير يعني ماكـو خيـر أعترف بانه خطاي الحب ما هو مـن خطـاه ..................دامي أدري عن حظوظي بالهوى دايم تطيـر ليش أنا اْعطي الحظ فرصة دامه استنفذ رجاه ................ كان م المفروض أواجه واعترف وأبقى بصير قبل ما الفرقا تشـوه صورتـه يومـه معـاه ................... صدفة ٍ حسيت فيها إنـه أكثـر مـن حقيـر 
|
|
2010- 7- 4
|
#2 |
|
أكـاديـمـي مـشـارك
|
رد: صدفه
كل الاحترام لفكرك وقلمك
وكل الاحترام لمشاعرك الجميله الرقيقه تحياتي لك " |
|
|
|
2010- 7- 5
|
#3 | |
|
أكـاديـمـي مـشـارك
|
رد: صدفه
اقتباس:
هااوي الجنون كلك فنون والقصيدة أحلى مايكون
لاتحرمنا جديدك وجعل حظك كله خير ننتظر إبداعاتك |
|
|
|
|
2010- 7- 5
|
#4 |
|
متميزةفي الساحة العامة للتعليم عن بعد
|
رد: صدفه
سلمت لنا هالايادي على الابداع
ربي يعافيك على الطرح الراقي جدا ابدعت بالطرح وانتقائك المميز ننتظر المزيد من ابداعاتك ولا تحرمنا تميزك 
|
|
|
|
2010- 7- 5
|
#5 |
|
أكـاديـمـي
|
رد: صدفه
جيت صدفة جنب داره شفت له موعد معـاه
............... لحظة ٍ حسيت فيها انـه أكثـر مـن حقيـر مادريت إني وسيلـة لجـل يوصـل مبتغـاه ............ ومادريت إنه ليا من غاب غاب بـلا ضميـر وآآه مآ أقسى تلك آلصدفه .. آلتي كشفت آلقنآع عن شخص بـ لآ ضمير ..! صح إحسآسك ونبضك ولآهنت بـ إنتظآر آلقآدم ..~ |
|
|
|
| مواقع النشر (المفضلة) |
| الكلمات الدلالية (Tags) |
| صدفه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
