مين معاه الحق

[Sitah27]

السلام عليكم
حابه اقول الي صار لي قبل شوي
بمركز بشمال الرياض
فوق ما ان المركز بعيد شوي عني وفوق ماهو حفريات وتحويلات رضيت طول السنين هذي اني اكافح واختبر باقرب مركز موجود لي
ويبعد عني بالتمام 30 دقيقه من غير الزحمه طبعاً
اتفاجئ اليوم ولاني متعوده طول الاترام الي راحت اذا كانت فتره اولى اطلع من البيت الساعه 1
اوصل تقريبا ع 2 ومافي اي اشكاليه ابد احصل المدرسه مفتوحه والحارس موجود
الا اليوم احصها مقفله ولما تكلمت مع الحارس انو يفتح الباب لان ماعندي الا شيبه كبير بالسن الله يخليه لي
يكون مرتبط باشغال العصر يعني مو فاضي لي ابد
رفع صوته علي وتكلم علي وقال انا شدخلني اذا هو مشغول او لا بعد تبوني من الحين احرس تقريباً كانت الساعه 2 وربع
وقال لي المدرسه ماراح تكون مفتوحه الا 3
الزبده نسيت كل شي ذاكرته من صراخه علي ورفعت صوته هههههه



مين المسؤول وهل انا ع حق ام باطل
فيه ناس تكون ظروفهم شوي معقده
ولانه اول موقف يحصل لي

['KHALID']

اذا كان موعد الاختبار الساعه 4 و ما فوق فا الخطا عليك لان المفروض ماتروحين قبل الاختبار بثلاث ساعات !!
اما اذا كان موعد الاختبار الساعه 3 الخطا على ادارة المدرسه المفروض تفتح الابواب قبل الاختبار بساعه ونص
وبعدين الحارس شايب كبير ومادخل هالشغله الا ظروفه صعبه ويبغى يعيش عياله والله يعينهم على هذي الحياه

[Sitah27]

المشاركة الأصلية كتبت بواسطة 'khalid'

اذا كان موعد الاختبار الساعه 4 و ما فوق فا الخطا عليك لان المفروض ماتروحين قبل الاختبار بثلاث ساعات !!
اما اذا كان موعد الاختبار الساعه 3 الخطا على ادارة المدرسه المفروض تفتح الابواب قبل الاختبار بساعه ونص
وبعدين الحارس شايب كبير ومادخل هالشغله الا ظروفه صعبه ويبغى يعيش عياله والله يعينهم على هذي الحياه

الاختبار الساعه 3:45
ثاني شي يعيش عياله محد مانعه من هالشي وزي ماقلت الي يوصلني ابوي هم بعد هو شايب كبير
ومتعوده طول الاترام الي راحت هالوقت يكون الباب مفتوح
الا اليوم وفوقها يتكلم علي وعلى ابوي

['KHALID']

نصيحه ، قولي :: أعوذ بالله من الشيطان :: وتروقين :d
وتذكري دائم قمة الإحسان أن تحسن لمن أساء إليك
وقمة التسامح أن تعفو عمن ظلمك
وقمة القمم أن يكون ذلك كله لوجه الله

[Sitah27]

المشاركة الأصلية كتبت بواسطة 'khalid'

نصيحه ، قولي :: أعوذ بالله من الشيطان :: وتروقين :d
وتذكري دائم قمة الإحسان أن تحسن لمن أساء إليك
وقمة التسامح أن تعفو عمن ظلمك
وقمة القمم أن يكون ذلك كله لوجه الله

الحمدلله حتى الوالد ماتكلم عليه ولا شي ركب سيارته وحرك
بالنسبه لي كل الي قلته الله يجزاك خير
وطبعا ماراح اتكلم مع اداره ولا شي
بس حبيت اعرف منو الي على حق
انا او هو الي يبي يفتح المركز الساعه 3

[ام شعولي]

معه الحق نصيحه اطلعي من البيت 2 اريح لك واريح للفراش

[مـي]

عزيزتي معك الحق بالخروج مبكر
لأن فعلاً الزحمة بالرياض شي موطبيعي
وعليها الواحد ما يعرف بيوصل بالوقت أو يتأخر
لكن توصلين الساعة 2 مبكر وكثييير
حاولي ترتيبن وقت طلعتك انها تكون بعد هالوقت وتناسب مع الوالد


وبالنسبة للحارس فـ تلقينه من الصباح فاتح المدرسة وهذا وقته يريح شوي عشان وقتنا
وكان المفروض انه مايرفع صوته
بس هو رجال كبير ونلتمس له العذر والله يهديه ويصلحه



الله يخلي لك الوالد , ويفرحك بنجاحك وتخرجك

[rasila]

قدمي شكوى فيه للاداره عشان يحترم نفسه حتى لو تعبان الادب مطلوب

[هدفي رضا ربي]

اي واحد شمال الرياض الازدهار 2 الي نختبر كأنه نختبر بسوق

أحد يحط أركان بيع بالساحة الداخلية وفي الاخير يقولون نادي حي

يا تسكر الباب وتموت حر أو مفتوح وازعاج مانسمع غير صوت الصحون
وطبعا إذا كانت المادة صعبة وجلستي بعد نصف الوقت وطلعوا الطالبات
المعلومه تطير وما تلقينه

من جهازي SM-G930F بواسطة تطبيق ملتقى فيصل

[فطوم خالد]

المشاركة الأصلية كتبت بواسطة هدفي رضا ربي

اي واحد شمال الرياض الازدهار 2 الي نختبر كأنه نختبر بسوق

أحد يحط أركان بيع بالساحة الداخلية وفي الاخير يقولون نادي حي

يا تسكر الباب وتموت حر أو مفتوح وازعاج مانسمع غير صوت الصحون
وطبعا إذا كانت المادة صعبة وجلستي بعد نصف الوقت وطلعوا الطالبات
المعلومه تطير وما تلقينه

من جهازي SM-G930F بواسطة تطبيق ملتقى فيصل

ارفعي بالموقع ترا يتقبلون و انا من ضمن الي رفعنا بالمقر تغير مرتين لين حصل مقر هادي و نظيف [emoji41]


Sent from my iPhone using ملتقى فيصل