 |
|
||||||
| إدارة أعمال 6 ملتقى طلاب وطالبات المستوى السادس أدارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2016- 12- 21
|
||||
|
||||
|
"تسجيل دخول" للجميع
السلام عليكم ورحمة الله وبركاتـه
اسأل الله العلي القدير أن تكونوا في أفضل حال وفي ويعيننا وأياكم ويكتب لنا التوفيق بأذن الله .. " تسجيل دخول " انا مالي علم بالملتقى من الترم الماضي ، وطبعـاً هذي عوايدي من دخلت الجامعه مادخل الملتقى الا قبل الاختبارات بفتره قصيرة بس بهالفترة القصيرة وننخش العلم من المخ  بس عندي استفسارات الله لا يهينكم ، بالنسبة للخارطة الاكاديمية كأنها متغيره مو !! يعني الحين يطلع لي ( تم الاستلام ولم يتم الاستلام ) يعني شلون راح زمن افتح المحاضره وقفلها !! لأن انا نظامي بالمحاضرات أفتحها ومن يقول ( السلام عليكم ) اقفل بوجهه واروح للخارطه واحصل علامة صح أما الحين أحصل ( تم الاستلام وسيتم تدقيق ماقمت به من استاذ المقرر ) ؟؟ يعني هل ممكن أنه يعرف أني ماتابعتها كامله ؟ وبالنسبه للمناقشات هل ممكن يعرف أنه نسخ ولصق أو لا ؟ ياليت تفيدوني في هالموضوع وبالنسبه للمذاكره والمواد والاختبارات لا تخافون ترى كل شي سهل والله .. أنا من دخلت الجامعه ما أجي الا وقت الاختبارات وأبدأ مذاكره آخر شي ولله الحمد أجيب اعلى الدرجات لدرجـه أن الـ +C صار بالنسبه لي مثل حمل الماده يعني نبي تفاؤل وناس تشجـع وحماسيين يعني هالترم بناخذه بتحدي أننا نجيب أعلى الدرجات  اي وبس هذا الي عنـدي وأن شاء الله نتعاون بهالمستوى ونكون يد وحـده بأذن الله ، ومن الحين بقولكم لو أحصل أحد يتحلطم بسوي له كذا  وشعارنـا بالمستوى هذا ( بـ A سوكنانا ) وشكراً لكم  
|
|
2016- 12- 21
|
#2 |
|
متميزة بالمستوى الثامن - ادارة اعمال
|
رد: "تسجيل دخول" للجميع
وعليكم السلام ورحمة الله وبركاته
الافضل لضمان درجة المحاضرات والمناقشات الافضل للمحاضرة تحميل نسخة الجوال سريعة وماتاخذ وقت بالنسبة للمناقشات فالافضل كتابتها ايضا الخارطة اذا كتبت تم الاستلام وسيتم التدقيق بكذا تكون حليت بس من كلام الشعيبي انو بيدققون الحل عاد ماندري صح او لا .. واسال الله ان يجعل التوفيق حلفينا جميع |
|
|
|
2016- 12- 21
|
#3 |
|
أكـاديـمـي ذهـبـي
|
رد: "تسجيل دخول" للجميع
وعليكم السلام ورحمة الله وبركاته
هلا اخوى فهد ماشاء الله تبارك الله ربي يحميك اذا انت بفترة بسيط و a+ ترا قلت ماشاء الله ربي يزيد المهم انو الخارطة فعلا تغيرت ومربكتنا هالترم ما ندري عن وضعهم انا بعد سويت مشاهدة المحاضرات وباذن الله تنحسب لنا لكن المناقشات اذا كنت ناسخها نصيحه ومن الاخر ارجع حلها بالافتراضي وعندي لك طريق يمكن ربع ساعه وانت مخلص من مناقشات المواد كلها افتحي موقع الجامعه من الجوال وادخلي ع الافتراضي وافتح المناقشات وشغلي المايك واقري قرايه وتنكتب لك المناقشه بدل التعب والكتابه بيدك وتطلع عيونك بنص ساعه مخلصه كل المواد بالنسبة لي كنت ناسخه بالبلاك وكانوا مستلمين المناقشات بس ما اضمنهم رجعت حليت المناقشات بالافتراضي والتحديث فيه اول با اول . بسالك ي فهد شنو طريقتك بالمذاكرة الترم ذا عندي ممل وودي يخلص من كثر اني ساحبه عليهاسحبه ولا احلا بالتوفيق ال |
|
|
|
2016- 12- 21
|
#4 | |
|
أكـاديـمـي ذهـبـي
|
رد: "تسجيل دخول" للجميع
اقتباس:
بصراحـه انا ماحليت أي شي نهائيـاً ب استثناء الواجبات حليتهم بس اما الباقي لسا ماخلصت شي ، وطريقتك والله اعجبتني وشكلي بسويها بالمناقشات جداً حلوه
وبالنسبه لطريقتي بالمذاكره بالأول افتح الاب توب وأسوي لكل ماده مجلد على سطح المكتب لأن كل مذاكرتي على الاب توب واجلس ابحث بالملتقى عن الماده مثلاً مادة ( العلوم ) اجيب كل ملخصاتها وكل الاسئله العامه واسئلة المراجعه (( بالعربي )) اي شي يخص الماده احطه بالمجلد حتى لو كان شي قديم صارله سنتين ((( ودائمـاً اعتمادي على ملخصات الدفعه الماسيه ))) أفضل دفعه وملخصاتهم شامله وحلوه وجميلة والدفعه الماسيه هم الي متواجدين بالمستوى السابع حالياً يعني حنا بنعمـه اننا أول دفعه بعد الدفعه الماسيه يعني هم يسوون ويجهزون لأنفسهم وينجحون ويتركون شغلهم بالورشات حقتهم وانا دايم استغل هالنقطه وادخل ورشاتهم واخذ كل شي وللأسف كثير مننا مايستغل هالنقطه ومايدري عنها . المهم انا بديت اشطح شوي برجع لطريقة مذاكرتي ههههههههه اذا اخترت الملخص وبديت اذاكره اشيل من راسي الحفظ واعتمد اعتماد كلي على الفهم ، بحيث أني لما اذاكر تكون مذاكرتي قراءة للمنهج بتركيز وفهم وكأني جالس اقرأ روايه وأتخيل مجرياتها وبهالشكل احصل نفسي خلصت الملخص وانا فاهمـه ولله الحمد وأولاً واخراً ( لازم التهيئـه النفسيه للمذاكره ) ولازم تتحدين نفسك وبعد ما أخلص من الملخص (يكون عندي اسئلة عامه واسئلة للاعوام الماضيه واسئلة مراجعه ) يعني ممكن أكثر من 400 سؤال ابدأ اختبر نفسي فيهم والأهم والأهم والأهم ( مراجعه الملخص قبل الأختبار بـ مرتين اقل شي بتركيز وهداوه ) وفالك الـ a |
|
|
|
|
2016- 12- 21
|
#5 |
|
أكـاديـمـي ذهـبـي
|
رد: "تسجيل دخول" للجميع
يالله بالعافيه عليك حل المناقشات وان شاء الله تمشي امورك
وعلي فكرة انا معكم بالمستوىالسادس نظم متكامله وإلا انا من الدفعه الماسيه ههههههه ربنا يفتح علينا وعليك تقريبا نفس طريقتي بالمذاكرة بس انا اعتمد في بعض الا حيّان ع الحفظ وشكلي بسحب عليه هالترم وبطبق طريقه الفهم والرجوع الي الأسئلة والكويزات طبعا مرا مهم الله يسعدك وينولك اللي في بالك وفالنا التوفيق وال a+ |
|
|
|
2016- 12- 21
|
#6 |
|
أكـاديـمـي ذهـبـي
|
رد: "تسجيل دخول" للجميع
بالتوفيق لك ، وبأذن الله أننا نفرح ب سهولة الاختبارات
|
|
|
|
2016- 12- 21
|
#7 |
|
أكـاديـمـي فـعّـال
|
رد: "تسجيل دخول" للجميع
انا ام وحامل يعني مخي تركيزه ماش وما افتح المواد الا قريب الاختبارات يعني لليوم مافتحت الا مادتين وفوق كذا درجاتي كله نازله ومعدلي 2.3 يعني يفشل
دعواتكم لي يتغير حالي ويزيد تركيزي وذاكرتي :( ويعطيني من تفائلكم شوي |
|
|
|
2016- 12- 22
|
#8 | |
|
أكـاديـمـي ذهـبـي
|
رد: "تسجيل دخول" للجميع
اقتباس:
الله يعينك ويوفقك
أنا عنـدي زوجتي تدرس بالجامعه أنتظام وكان معدلها متوسط ، لكن بعد ماحملت وجابت بنت صار عندها عزيمه وتحدي أنها تجيب أعلى الدرجات والحمدلله الحين رفعت معدلها ودرجاتها عاليه مع أن بنتي مزعجتها ومو تاركتها تذاكر براحتها  عشان كذا يـ أختي تفائلي خيـر وشدي حيلك وقدامك 10 ايام يمديك تختمين اقل شي 3 مواد لكن حطي ببالك أنها فتره وتعدي يعني أتعبي حالك بالمذاكره هالايام وبالنهايه راح تسعدين نفسك بالنتايج وبعدين ماشاء الله عليك لليوم هذا فتحتي مادتين شي كويس والله ، انا للحين ماخلصت مشاركاتي والمواد والله مادري وش تتكلم عنـه لكن اذا بديت اذاكر اضغط على نفسي وبالتوفيق لك ولكل أخواني وأخواتي |
|
|
التعديل الأخير تم بواسطة فهد السويلمي ; 2016- 12- 22 الساعة 03:34 AM |
||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
