تخصص ادارة اعمال - اللي استلم الوثيقة يعلمنا وش صار معه

[ميلاد دمعي]

السلام عليكم ورحمه الله وبركاته


رمضان كريم وكل عام وانتم بالف خير

زي منتم عارفين ان تسليم وثيقة التخرج لتخصص ادارة الاعمال يوم الخميس وحاب اسالكم


ايش صار معاكم لا هنتو




شكرا لكم

[عبـدـآلـلـه]

ننتظر وعلى الله الفرج

[ابو شهود]

مساء الخير ميلاد دمعي الف مبروك التخرج اخوك استلمها امس الخميس طبعاً موعدي من 10.30 الى 11.30
في قاعة الشيخ حسين عند البوابه الاولى انا تأخرت وجيت الساعه 11 لقيت المسرح مليان فوق 400 وسلمت الاوراق الموعد والاخلاء يبقى معك ياخذونه السكرتيه اللي على المسرح يودون والعالم جالسه على الكراسي
طبعاً مافيه اليه معينه يعني من جاء اول واحد يستلم لاني استلمت شهادتي بعد 15 ديقيقه وقبل الجميع نادو اسمي واستلمتها يعني شختك بختك وهذا اللي صار مع ان قدامي اكثر من 400 . غير ذلك عند الاستلام تطلع مع المخرج اليسار والمبنى اللي مقابلك تصور الشهاده علشان يصادقون على الصور حدهم (4) يصدقونها تبي زود من الاداره ونفس السكرتيه اللي في الصور هم يستلمون منك صور الشهاده ويصدقونها . ملاحظه جداً مهمه لم ينادونك يقول عطني اخلاء الطرف ووقع عليه انك استلمت الشهاده والملف والناس توقع بعد ما يشيك على بطاقة الاحوال ثم تستلم ( شفت ناس واجد ارجعت ومعها شهاداتها من اللي استلمو شكل فيها اخطاء
اما انا قلت ماني موقع على اخلاء الطرف لين اشوف شهادتي اول شي رفض قال زحمه والعالم تنتظر قلت ما اوقع لين اشوف شهادتي الثانويه والجامعه بدون اخطاء صار لغو واخر شي تدخل واحد من اللي على المسرح وعطاني شهادة الجامعيه والحمد لله مافيها اخطاء .




اخر شي سئلته (( قلت انا ما سحبت التوصيات واخاف بعد اخلاء الطرف تقفلون علينا خدمة الطلاب قال معكم بعد استلام الشهاده 6 اشهر )) هذا كل شي بتفصيل

تقبل تحياتي
ابو شهود

[عبـدـآلـلـه]

شعور جميل

[ميلاد دمعي]

يالطيب هل اقدر اصور اكثر من اربع صور للوثيقه والسجل الاكاديمي بالعربي والانجليزي واصدقهم كلهم

او اربع صور فقط .؟؟

وحاب اسالك انا عندي اخلاء طرف صورته ووقعت عليه هل تنصحني اطبعه مره ثانيه وما اوقعه لين ما اتاكد

ان الوثيقه مافيها اخطاء ؟؟

وجزاك الله الف خير والله يوفقك ياابو شهود وكفيت ووفيت يالطيب

[عبدالله الحربي0]

انا وكلني واحد من الشباب استلمت وثيقته و استلمتها بدون الشهاده.الثانويه وفيها خطاء في الاسم .والله يعينها نعدلها.و نرسلها له

[الطالب المملوح]

دام الجامعه زحمة الحمدلله اني مارحت

استلمها ع الارامكس افضل بكثيييييير

[ابو شهود]

اخوي ميلاد الملف عند التسليم محتوياته شهادة الجامعه مع صوره وحده مصدقه والسجل الاكاديمي بالعربي مع صوره مصدقه وحده وكذلك باللانجليزي مع صوره وحده مصدقه وملف البريد السعودي ايام التسجيل اصل التسديد وشهادة الثانويه
عاد انت بكيفك تبي تصور السجل اكثر من مره ويصدقونه انا ماسويتها ولا شفت احد سواها الكل يصور الشهاده الجامعيه ويصدقون فقط 4 صور حتى السكرتيه اللي على المسرح لم تجيب اكثر من 4 صور يردونها لك
اتوقع اللي يبي يصور السجل الاكاديمي عربي انجليزي عن طريق الاداره يصدق اللي يبي اما لجنة التسليم هذا حدودهم
والاخلا اسحبه ثاني مره ولا توقع لين تشوف الشهادة اصلا لازم تاخذ الشهادة حتى لو فيها غلط لان انت اللي بتسنعها هم مالهم دخل اللجنه فقط تسليم
واعفاكم جميع

[ميلاد دمعي]

لا هنت ابو شهود بيض الله وجهك دنيا واخره

[ابو شهود]

ولا انت حاضرين للطيبين