 |
|
||||||
| إدارة أعمال 8 ملتقى طلاب وطالبات المستوى الثامن أدارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2016- 5- 10
|
||||
|
||||
|
هي سواليف وذكريات
السلام عليكم ورحمة الله وبركاته
واسعد الله ايامكم بكل خير ... اذا تسمحوا لي بهالموضوع بس احب اسولف معكم واعيد ذكريات تسجيلي بالجامعة وكيف كانت اذكر اول ماتخرجت من الثانوية العامة رحت ابسجل بجامعة الملك فيصل انا وولد خالتي ولما وصلنا قبلوه وانا رفضوني عشان درجتين فقط , وزعلت وانغثيت لان كان معدلي باقي له درجتين وانتقل من الجيد الى جيد جدا قبلت بالكلية التقنية وتخرجت وتوظفت الحمدلله , وبعدها بكم سنة اخوي يقول لي ابي اسجل انتساب , قلت والله انا مابراسي دراسة خلاص انا موظف ومالي خاطر على الدراسة ابد , وكنت اعتقد مثل الانتساب المعروف القديم اللي هو تختبر من 100 ومافيه حضور , الحاصل هو سجل واحد الاصدقاء سجل واحد زملاء العمل سجل ؟؟ وانا جالس اشوفهم اكبر همي اشوف افلام والا دوام ونوم .؟؟ وبعدين الى متى ياسليمان .؟؟ وفي مرة كنت جالس وقلت لاخوي يوسف سجلني معكم ابي ادرس , وانا وقتها جالس اقنع الـ 3 اصدقاء المقربين انهم يسجلون وكانوا يقولون ماحنا فاضين , اول ماسجلت ركضوا يسجلون معي  في رمضان .. وحنا راجعين من صلاة المغرب كان فيه موضوع مشغل اخوي وانا قاعد اقوله لعلها خيره ومن هالكلام الزايد , قال دامك مقتنع بالخيرة تراهم ماقبلوك بالجامعة  قلت لعلها خير  سافرت ورحت لحايل ,, وكنت جالس بالغرفة بالليل اذكرها وانا من عادتي اذا وصلتني رسالة مااعرفها مسح بدون اقرا محتوياتها وهذي مسببة لي ازمة مع كثير من الناس جيت ابضغط زر المسح واضغط فتح بالغلط واشوف الا اسمي مكتوب سليمان قلت لا هذي موجهه لي شخصيا  واقراها بتمعن واقوم اخوي من اخر الليل قلت ابششششششرك قبلونن وبيدت المسيرة معاهم وانا متاخر , ويجلس يشرح لي الطريقة كاملة وارسل لي الرابط حق الملتقى قال هنا تلقى كل اللي تبي ومن يومها وانا معاكم . والحمدلله على التمام والاكتمال اخر سؤال ظللت اجابته قعدت حزين استغفر الله ماهو حزين بس اقصد دمعة عيني من الفرحة  اعتذر للاطالة ولكن قبل ان اختم الى كل الاخوان الى كل من جاهدوا في الملتقى الى مؤسس الملتقى الى المتهورين جميعهم بلا استثناء اسال الله يجمعنا بكم تحت ظل عرشه يوم لاظل الا ظله اسال الله ان يوفقكم وان ينفعكم ويرفعكم بالعلم اسال الله ان يحقق مرادكم وان يرفعكم في الدارين اسال الله التوفيق لكم والنجاح وان يخلف جهدكم وتعبكم وان يسعدكم سعادة لاتنتهي حفظكم الله من كل مكروه واسعدكم استودكم الله وفي امان الله . 
|
|
2016- 5- 10
|
#2 |
|
أكـاديـمـي
|
رد: هي سواليف وذكريات
Cry111 ذكريات حلوه سبحان الله تمشي السنين بسرعه
الف مبروك التخرج مقدما |
|
|
|
2016- 5- 13
|
#3 |
|
أكـاديـمـي نــشـط
|
رد: هي سواليف وذكريات
الله يبارك فيك والله ينفعنا بالعلم
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
