[ استفسار ] هاااااام

[ابو ألينا]

لطلاب المستوى الخامس







ما لاحظتو ان الاسئلة مختلفة غن السنوات الماضية


وش السالفه شكل هالمستوى مافي تساهل السلوك التنظيمي والان ادارة الاعمال الدولية كلها فيها تعقيد و بين السطور ....!


الله يستر من القادم




اجل لابد من مذاكرة المذكرة كاملة....!!!






بالتوفيق للجميع

[muniralbugmi]

+1

[chicago]

جالسين نسوي تحريات نشوف شصاير فالمستويات الثانيه

وحتى التخصصات الثانيه

نبي نعرف الموضوع شامل والا صدفه بس علينا

[سمايا ..]

المشاركة الأصلية كتبت بواسطة chicago

جالسين نسوي تحريات نشوف شصاير فالمستويات الثانيه

وحتى التخصصات الثانيه

نبي نعرف الموضوع شامل والا صدفه بس علينا

ليه بس علينا
سوينا شي لهم مثلا
اذا خلصتو دراسه علمونا النتائج

[سكره07]

السبب إحنا طلاب وطالبات لمن تجي المحاضره المباشره ويجيك أحد يسأل الدكتور أنت بتكرر اسألتك يعني كأنهم مستقصدين يخلون الدكتور يغير اسئلته



هذا بالله سؤال ينسأل ؟؟؟

[اسماء العسيري]

المشاركة الأصلية كتبت بواسطة سكره07

السبب إحنا طلاب وطالبات لمن تجي المحاضره المباشره ويجيك أحد يسأل الدكتور أنت بتكرر اسألتك يعني كأنهم مستقصدين يخلون الدكتور يغير اسئلته



هذا بالله سؤال ينسأل ؟؟؟

والله كلامك صحيح فيه بنات اغبى مااخلق ربي

[رجل أكاديمي]

أعتقد سياسة الجامعة تغيرت، قاصدين يعطوا هيبة وسمعة أن جامعة الملك فيصل صعبة وماحد ينجح فيها بسهولة، ويبدو أن فيه انطباع مسبق أنها جامعة أي كلام ومضمون فيها النجاح.

بدت من ترقيم الاسئلة ومعرفة مكان تسربها، وانتهت بتغيير الاسئلة وتعقيدها قدر الامكان وآخرها منع الآلة الحاسبة.


وش نهايتها الله أعلم.

[فهد 999]

تصدقون كل ما دخلت المنتدى وشفت انطباعاتكم عن المادة قبل الاختبار تنسد نفسي عن المذاكرة

لا تستسهلون المادة ولا تعطونها اكبر من حجمها




لا دكتور المادة ولا الفريدان بنفسه اللي كاتبه ربك بتشوفه قدامك


انتم سوو اللي عليكم وتوكلوا على ربكم وان شاء الله فالكم التوفيق

[NA_Otb]

المشاركة الأصلية كتبت بواسطة فهد 999

تصدقون كل ما دخلت المنتدى وشفت انطباعاتكم عن المادة قبل الاختبار تنسد نفسي عن المذاكرة

لا تستسهلون المادة ولا تعطونها اكبر من حجمها




لا دكتور المادة ولا الفريدان بنفسه اللي كاتبه ربك بتشوفه قدامك


انتم سوو اللي عليكم وتوكلوا على ربكم وان شاء الله فالكم التوفيق

كلامك جدا جدا جميل ، يارب يكتب لنا اللي فيه الخيره.

[خالدددد]

يا جماعة الخير المشكله اكثر الطلاب تذاكر اسئله سابقه وبس مجرد حرف واحد يتغير فقره يحس انها تغيرت عليه ضاعت علومه لازم نذاكر الملخص بالكامل ولا نعتمد علي اسئله سابقه مجرد بس نقرأها ونشوف طريقة الاسئله ما يصير حنا كطلاب جامعه نذاكر بس اسئله انا عارف فيهم موظفين وفيهم مسولين عن بيت ولكن هذا ما يمنع انك تذاكر صح من الملخص كيف اجل الي يحضرون رساله ماجستير ولا دكتوراه هل بيقول انا مشغول بالبيت وما عندي وقت ما يصير الجامعه راح تسلمك شهادة بكالوريوس لازم تكون علي اقل تقدير ملم بجميع المواد وشكرا لكم اخواني واخواتي وسامحوني علي الكلامي بس صدقوني هذا الحق والصحيح ؛ شكرا