[ استفسار ] الملخصات والاسئلة العامه

[فهد السويلمي]

السلام عليكم ورحمة الله وبركاته

أخواني وأخواتي الله يعطيكم العافيه ماقصرتوا والله يكتب لكم ولنا التوفيق والنجاح

أما بعد

بصراحـه حنا ماعندنا وقت ندرس فيه لأننا موظفين ومتزوجين ، يعني نطلع من الدوام من هنا ونروح نشوف أشغال البيت وظروف الحياه والله يعين

انا بصراحـه شفت الملخصات الي نزلوها الأخوان هنا ( بصراحـه طويله ويبي لها وقت ومخمخه ) وحنا زين والله نحصل وقت نجلس فيه على الاب توب عشان اشوف وش الماده الي بختبرها بعد يومين

وأنا بصراحـه من دخلت الجامعه ماذكر أني ختمت ملخصات ولا عمري ختمت ملخص من سجلت بجامعة الملك فيصل ، فقط أعتمادي على اسئلة المراجعات واسئلة الواجب واسئلة الاعوام الماضيـه

والحمدلله المستويات الثلاث الماضيه ( كنت اهتم واجمع اسئلة المراجعات واسئلة عامه يسوونها الاخوان واسئلة الاعوام الماضيه ) والاخوان مو مقصرين الله يعطيهم العافيه


المهم ادري اني طولت وكلامي مدري وش بيفيدكم فيه بس والله من الخوف كتبت عالموضوع لأن هذي اول ماده تمر علي ماني لاقي اسئلة شامله للمنهج ( يعني ملخص اسئلة عامه شامل للمنهج كله ) ويكون فيه اسئلة عامه واسئلة الاعوام الماضيه واسئلة الواجبات

يعني لا تقولون لي ذاكر ملخصات المنهج الي نزلوها الاخوان ، لان والله مايمدي بكره مداوم وبعده مداوم ماعندي وقت للاسف وياليت الي عنده ملخص اسئلة شامله للمنهج يعطينا الله يعطيه العافيه وانا هذي طريقتي من دخلت الجامعه ما اذاكر الا اسئلة المراجعات والاسئلة الشامله للمنهج والحمدلله اموري طيبه بالنتايج

وسلامتكم أدري طولت عليكم بس وش اسوي هذي اول ماده اتوهق فيها ولا احصل ملخص اسئلة شامل للمنهج

[فهد السويلمي]

أخواني معقوله مافي احد عنده ملخص اسئلة شامل للمنهج !!

اشوف الاخوان نزلوا كويزات كثيره ، يعني لو فيه واحد يسوي فينا خير ويجمل كل الاسئلة بملف واحد مع الاجوبه والله يسوي فينا خير ، لان انا والله ماعرف ولا كان سويته بنفسي

وانا متأكد ان فيه ناس كثير راح تستفيد منه لأنه اسئلة شامله للمنهج وأكيد الاختبار راح يكون 50% عالاقل من الاسئلة الشامله للمنهج

[إرادﻫ]

وعليكم السلام
انت ما بينت اي ماده تقصد ؟
بس ماادري اللي فهمته انو تتكلم عن الموارد البشريه
وبالمرفق كويزات اسئلة المراجعه
وللاسف مااملك الوقت بجمعها
حاولت اوضح لك الاجابات اكثر
بس طبعا "إجتهادات "
صعب تعتمد عليها دون ماترجع للملخص
وبالتوفيق

[فهد السويلمي]

أقصد مادة الموارد البشرية

محتاجين ملخص عبارة عن اسئلة شامله للمنهج كله ، منها حتى الي خلص من المقرر يراجع حاله بالاسئله الشامله

يعني لو يفزع لنا اي واحد الله يجزاه خير ويجمـع كل الاسئله وأجوبتها والله يساعدنا فيها لان ماعندنا وقت ندرس

انا للحين ماذاكرت والله بسبب دوامي ، حتى انا حالياً مداوم وما اطلع الا الصباح ودايخ على طول انام

انا من دخلت الجامعه معتمد على ملخصات الاسئلة ، الا الماده هذي مالقيت لها شي

[إرادﻫ]

^
اسئلة على كل المحاضرات تقريباً شامله المنهج
والاستاذ جديد اول ترم يدرس

[فهد السويلمي]

ياشيـخ عسـااك تتوفق بكل خطوه تخطيها بحياتك قـول آمين

انا قريت المقرر حقك تقريبـاً اول محاضرتين ولما رجعت للكويزات تقريباً حليت أغلب الاجابات

بس ماقدر أمر على الملخص كامل لان الوقت مايساعدني وغير كذا انا مداوم حالياً وبكره بالليل مداوم وبمنطقة نائيـة وتعب الشغل يعني وقت النهار نوم ووقت الليل دوام

ياليت أي شي تقدر تساعدني بالملخصات او بالاسئلة تعطيني الله يجزاك خيـر ويوفقك

وبسألك عن الدكتور مادرس مواد ثانيه يعني منها نعرف طريقته بالاسئلة ولا هذي اول ماده له بالجامعه

[AZIZ999]

شرحك سرى في هالماده خاصه بعد ماتغير الدكتور تعقدت في عيني اكثر

المحاضره الاولى والخامسه والثامنه والتاسعه

دام وقتك ضيق ركز عليها

وهذا افضل ملخص حصلته بالموقع خفيف وشامل 37 صفحه

[فهد السويلمي]

أخوي عزيز الملخص هذا نفس الملخصات الي نزلولها الأخوان بالضبط بس مضغوط والمعلومات مضغوطه على بعض وصار 37 صفحه ، وتراه نفس الملخصات الثانيه

[salman tard]

ياخي بالكثير ثلاث ساعات حاول تقرا المخلص بتركيز وتحل الكويزات غيرها ما تحتاج شي واتمني لك التوفيق