[ استفسار ] تقدير للكل ولكن بخصوص الكويزات ..

[قـورجـس ♛]

السلام عليكم ورحمه الله وبركاته

بصراحه عندي موضوع صغير وقلت لازم اكتب بما اني اشوف الكل

كل م نزل ملف يجي واحد وينزل كويز ليش يعنى القسم مليان كويز كويز كويز
اصلا ايام الاختبارات المنتدى يصير ضغط ولا يفتح الكويز وبعض الأيام يطلع نصهم اخطا
يعني الله يعافيك مايحتاج الكويز يكفي ملف ونطبع والا اللي يبي يذكر من لأب
والا تطلع لنا اجابه فيذا غير والا في كويز غير


يكفي الكويزات الموجودة لأحد يحوس علينا ولا حد يزعل مني
مجرد اقترح لا اكثر ولا افرض على احد .. بس أزعجت من القسم كل شوي كويز
والمواضيع المهمه تروح في صفحات الثانيه
مافى داعي ماباقي الا شهرين ع الاختبارات

تقبلو كلامي بصدر رحب
اختكم .. قورجس

[هتان 2]

انا من رأيي ان الكويزات بالجمع يعني تكون مره وحده مثلا كويزر ادارة اعمال صغيره

يخلصهم 14 محاضره واذا حاب يضيف اسئلة الاختبار او مراجعه او كذا في موضوع واحد


هذا رايي واعتقد انه الافضل تجمع مره واحده ومن ثم تكتب بالملتقى او كل 8 كويزرات وهكذا

[(مشعلي)]

اوافقك الراي وبشده انها تسبب ضغط وحوسة و70% اخطأ

الموضوع ليس تقليل للجهود بقدرما هو بحث عن الترتيب والتنسيق وبحثاً عن صحة المعلومه بشكل جيد بعيداً عن الاخطأ

يعطيك العافيه

[moubark]

المفرووض يصير تنسيق لكل مقرر كويز واحد فقط من عضو واحد فقط منعا للتشتيت

عموما انا اشووف الكويزات وخصوصا المجهودات الشخصييه من الاعضاء مافيها فايده لسبب التالي


مين الي بيوضع الاختبار الطالب الي حط الكويزات بمجهوده الشخصي او الدكتور


والله مو تنقييص للمجهودات اخوننا لا والله عارف انهم يبون الاجر ويبون يساعدون الطلاب


بس اعتقادي كويز الاسئله القديمه للنفس الدكتور مكفي وموفي

اخر شي اعطيكم هالنصيحه لعل الله يكتب لنا الخير فيها


المذاكره فقط فقط المحتوى والاسئله القديمه واذا مافهمت من المحتوى شوف المحاضرة ابتعدو عن اي شي جانبي او اي اسئله مختلفه عن اسئلة الدكتور نفسه منعا للتشتت



بالتوفيق لنا يارب في هالترم وفالنا الامتياز

[Fatima999]

هذا المستوى الثاني لي بالورش

المستوى الفائت اقترحت ان تتحدث صيغة الورش
ونبعد عن الروتين شوي
يعني بدل ماننزل ١٤ محاضرة .. ماله داعي التيوب موجود
بدل ماننزل كويزات لكل محاضرة مايقل عن ٢٥ الى ٣٠ سوال
ماله داعي
الملفات اللي نص درزن مدرجين بالورشة ... ماله داعي


الزائد كما الناقص
واساسا الكل ينزل مواضيع منفصلة عطونا ملخصات وعطونا نماذج ومايرضون يدخلون الورش

المفترض الورشة تقتصر ع الامور المهمة فقط
الملخص + النماذج السابقة + لو في ملف يشابه ملفات ام جهاد


اقتراحي لم يلقى اي تجاوب

بالنسبة للكويزات تحديدا

في البعض يختبر نفسه عن طريق الكويز
فكل محاضرة يتم اختيار الفقرات المهمة منها وادراجها في الكويز

وفعلا اعتبره مبالغ فيه

عموما
التوفيق والتفوق للجميع يارب

[أبوشيماء]

هلا وغلا ........................... انا فهمت من المقصود ........... الكلام لك وسمعي ياجارتنا
أوكي وماعندي مانع تنقل المشرفة موضوع كويز المحاضرة الاولى لادارة الاعمال الصغيرة الى منتدى الكويزات العام
اي شي راح تبونه راح اعمله وعشان بروح هناك لوحدي وجلس بخيمتى أم جهاد تقول زورونا تجدون مايسركم ........ وأنا اقول لا اشوف احد يوطوط عند باب خيمتى فحش رجوله حش

اسال الله لي ولكم دوام التوفيق والنجاح

[Fatima999]

المشاركة الأصلية كتبت بواسطة أبو شيماء

هلا وغلا ........................... انا فهمت من المقصود ........... الكلام لك وسمعي ياجارتنا
أوكي وماعندي مانع تنقل المشرفة موضوع كويز المحاضرة الاولى لادارة الاعمال الصغيرة الى منتدى الكويزات العام
اي شي راح تبونه راح اعمله وعشان بروح هناك لوحدي وجلس بخيمتى أم جهاد تقول زورونا تجدون مايسركم ........ وأنا اقول لا اشوف احد يوطوط عند باب خيمتى فحش رجوله حش

اسال الله لي ولكم دوام التوفيق والنجاح

بصراحة ابو شيماء
كان لك بصمة في ورشتنا جدا جميلة
رابطين فقط للكويزات شملت الملخص والواجبات وكل مايخص المقرر

يعني اللي بيجتاز كويزاتك ضامن +a

بنظري ماكان له داعي كويزاتنا
بس احيانا نعشق روتين الدوائر الحكومية بامتياز

[غيووووم]

كل واحد له وجهة نظر .. بالنسبة لي انا استفيد كثيركثير من الكوزات واحب الكوز

يكون بكذا أسلوب لكذا عضو وأحب الكوز اللي شامل للمحاضرة كاملة الله يجزاهم خير ع جهودهم


وتجميع الملفات يكون للمساعدة والتبسيط لبعض النقاط والجزئيات اللي مافهمناها


أو صعب علينا حفظها من المحتوى .. اسمها ملفات مساعدة ... تجي بعد المحتوى


ونماذج الاختبار بالاهمية ... يعطيكم العافية

[ASOY]

المشاركة الأصلية كتبت بواسطة أبو شيماء

هلا وغلا ........................... انا فهمت من المقصود ........... الكلام لك وسمعي ياجارتنا
أوكي وماعندي مانع تنقل المشرفة موضوع كويز المحاضرة الاولى لادارة الاعمال الصغيرة الى منتدى الكويزات العام
اي شي راح تبونه راح اعمله وعشان بروح هناك لوحدي وجلس بخيمتى أم جهاد تقول زورونا تجدون مايسركم ........ وأنا اقول لا اشوف احد يوطوط عند باب خيمتى فحش رجوله حش

اسال الله لي ولكم دوام التوفيق والنجاح

يعطيك العافيه ابو شيماء استفدت كثير من كويزات اداره التغيير ونبهتني عن النقط اللي طافتني
من شرح الدكتور وجاء منها اسئله,
أكمل كويز اداره اعمال صغيره اذا سمحت . "منتدى الكويزات العام" أول مره ادري عنه
اذا يسمح بنشأ الكويزات هناك ولما تخلص تفتح موضوع بقسم مستوى 7 تضع فيه كل روابط الكويزات"
أو بموضوع الورش .

[F-fatimah]

يمكن البعض يشوف انو الكويزات مالها داعي هاذي وجهة نظر تحترم

والبعض الاخر استفااد كثير من الكويزات ويرى انها ضرورية كون انه استفاد برضو وجهة نظر اخرى تحترم


بالنسبة لاقتراحك اخوي مبارك فعلا حلو يكون شخص واحد وكويز واحد او برايي كويزين اقلها لانو اختبار منهج كامل بالواقع نختبره في 50 سؤال ، فإذا كان الكويز 50 سؤال بيكون فيه نوع من الملل للبعض. وليس الكل ، ف ممكن كويزين كل كويز 25 سؤال



اختي فاطمة اقتراحك انا معك فيه من ناحية محاضرات اليوتيوب وتنزيلها بالورش ممكن نكتفي برابط للقناة او رابط اول محاضرة بالمادة





والمثل يا اخواني ويا اخواتي يقول لولا اختلاف الاذواق لبارت السلع ، كويز الشخص الفلاني مختلف عن الشخص الفلاني الثاني ، ملف هذا الشخص مبسط نقاط بطريقة يفهمها جزء من الطلاب والطالبات والجزء الباقي ما يفهمها لكن يفهم على طريقة تبسيط شخص اخر



تعدد الملفات وتعدد الكويزات كلها جهود تقدم في سبيل خدمة الاخرين والله يجزاهم خير ، من وجهة نظر الشخص اللي نزلها انها مفيدة لانو استفاد منها ، لكن هذا ما يعني مالها اي قيمة ، والغلط وارد بكل مكان وبكل الحالات واكيد اللي نزلو الملفات محتاجين تدقيقكم وتنبيهكم لهم فلا تبخلو عليهم




برايي كل شي يستمر مثل ماهو واذا مثل ماقلتي اختي قورجس الملتقى ما يفتح الكويزات ايام الاختبارات وانتي مستفيده من الكويزات هاذي كون انك تختبرين نفسك فيها قبل الاختبار بيوم او يوم الاختبار ، الافضل تختمين المواد قبل عشان يمديك تدخلين الكويزات قبل زحمة وضغط الاختبارات ، وبالنسبة للمواضيع المهمة احفظيها بالمفضلة واي موضوع ضروري ومهم جدا اختنا هنادي الله يعطيها العافية مو مقصرة جمعت كل شي مهم بالمواضيع المثبتة







بالتوفيق جميعا





......