[ جميع التخصصات ] : إيهما أفضل من التخصصين

[dode moonl]

سلام عليكم
بنات ان شاء بكرة راح نرتب الرغبات انا محتارة مابين قسم علم الاجتماع و قسم المكتبات فإذا ممكن الي المتخصصة من بين التخصصين تقول لي عن انطباعها عن قسمها والمواد والدكاترة ومن ناحية الوظيفة وهل له مستقبل وشكرا

[5hawlah]

انا كنت علم اجتماع وقعدت سمستر واحد وحولت للمكتبات اثنينهم حلوين بس انا م ارتحت لعلم الاجتماع واذا عالوظيفه الارزاق بيد الله انتي اجتهدي وجيبي معدل عالي وموفقه يارب :)

[Af.1995]

صباح / مساء الخير

كل تخصص وله مستقبله و كل تخصص وله شي

قبل لا ترتبين رغباتك اقري اكثر عن التخصصين تمعني اكثر يعني خذي خلفيه كامله عنهم
ومافي شي سهل ابدًا

شوفي ايش رغباتك وميولك و طموحاتك و اقري عن التخصصات اكثر و ادخلي الشي اللي يناسبك

ولو دخلتي شي مو حابته في النهايه خيره
ولا تتخذي قرارات بناءًا على كلام الناس اهم شي قرارك انتِ

الله يوفقك يارب و تدخلين الشي اللي ودك فيه

[maram.]

انا تخصصي علم اجتماع المستوى الخامس حاليا
راح اعطيك نبذه عن التخصص اول شيء التخصص جميييل جدا
ومستقبله حلو في البدايه كان خاطري في الاعلام وحطيته اول رغبه
بس للاسف قبلوني على ثاني رغبه اللي هي علم اجتماع وخدمه اجتماعيه
في البدايه كنت رافضه اني اتقبل هذا القسم بس مع الوقت حبيته كثير
راح ابدء بالسلبيات ثم الايجابيات :
السلبيات:
١-مواده طوووويله وبعضها ممتعه وبعضها مملله لدرجه تكرهين الماده
٢-فيها منها الصعب مره وفيه منها السهل مره الي يرفع معدلك بالراحه
٣-كررررررررررف كررررررف مو طبيعي خاصه اذا نزلتي التدريب الميداني تحسين كل طاقتك مخلصه
٤-كل شيء جماعي لازم تسوين قروب ع كل واجب وانا اعتبره من السلبيات لاني انا بطبعي م احب اتعامل مع قروبات كثير لان تعرفين
مو كل البنات يتعاونون معك الي تتعذر واللي مالها خلق واللي تقط الشغل هذا ضايقني لان بعض الدكاتره تجبرك انك تسوين قروب
٥-بعض الدكاتره شديدين بس اذا مشيت سيدا ومالك دخل في احد بتعجبينهم وماراح تحسين انهم عصبيات او شريرات مثل مايقولون ههههههههههه
الايجابيات :
١-التدريب الميداني جميييل يعطيك معلومات ويطور من نفسك ويخليك انسانه غير يغير فكرك عن اشياء كثيره
٢-في مواد جد تستفيدين منها في حياتك الطبيعيه من الواقع زي عندك ماده اسمها الاسره والطفوله رحت الاختبار وانا قايرته لان اغلبه من حياتنا الطبيعيه
٣-نصحيه اخذي مواد كل مستوى نفسه لا تأجلين لان المواد كثير وبتراكم عليك المواد وبتقعدين سنوات اضافيه
٤-في بعض الدكاتره صراحه عسسسسسل ودك تاخذينهم اكثر مر مره تعامل اسلوب اخلاق بدون ذكر اسماء لان يمكن من وجهه نظري اشوفهم كذا والبنات نظرتهم مختلفه بس عشان تجنب النقاشات الحاده
٥-اذا كنتي مو مفكره تشيدين حيلك فلا تدخلينه ابدا لان يبيليك تضغطين ع نفسك شوي
٦-في فرق بين الخدمه الاجتماعيه وعلم اجتماع يقولون في المستقبل راح يفصلونهم بس راح اعلمك الفرق مواد علم اجتماع تجيك دسمه شوي وكلها نظريات واشياء قديمه تحسين ليه ادرسها اما الخدمه فيشمل التطبيق المواد الي يكون فيها من واقعك
وبس والله اتمنى اني قدرت افدتك اي سؤال فا انا حاضره اكتبي وبالتوفيق يارب��

[maram.]

من ناحيه المستقبل شوفي الخطه ف هو كل مكان مطلوب الاخصائي الاجتماعي
1-في المستشفيات
2-في الجميعات الخيريه
3-في الدوائر الحكوميه
4-في المدارس
5-في السجون
وراح تطبقين كل ترم في مكان وراح تعرفين اهميه دورك في المجتمع
وعشان تعرفين اكثر عن الخطه وعن الوظائف المستقبيله والمواد وايش راح تدرسينه بكل ماده
نزلي دليل قسم علم اجتماع وخدمه اجتماعيه في الموقع الله يكتب لك اللي فيه الخير.

[dode moonl]

شكراً لكن موفقات ان شاء الله

[rosy+]

اي تخصص يحتاج منك وقت تكرسينه لمذاكرة مواده حتى لو كان التخصص موية عند الاغلب

اختاري الي يعجبك وابدعي فيه , عن نفسي احس تخصص علم الاجتماع حلو أكثر من المكتبات
بالنهاية هذي رغبتك انتي دراستك انتي فرأي الناس لاتخلينه يأثر عليك حتى لو كنتي حابه تخصص تاريخ

[yarbb]

انا تخصصي مكتبات تخصص جميل وممتع ❤️
اغلب المواد متعلقه بالحاسب و نظم المعلومات
اغلب المواد تتشابه و سهله قسمنا يعتبر انه اقل مواد في كل سمستر حسب الخطه !
بس قسمنا الوحيد اللي محاضراته ٣ ساعات :( و هذا شي اعتبره من السلبيات لانه مرات يخرب الجدول !
والدكتورات يطلعونا قبل الساعتين حتى ف تكونين فاضيه !
من ناحيه الدكتورات في منهم اللي ودك تسجلين كل المواد عندهم
وفي اللي تطلع عينك بطلباتها بس تعطي درجات
اقل نسبه رسوب يقولون انها المكتبات !
من ناحيه المواد زي م قلت لك انها اغلبها الحاسب و قوقل وهالاشياء وفي مواد دسسمه ويبي لها فهم اول باول !

[ranaa-33]

المشاركة الأصلية كتبت بواسطة maram.

انا تخصصي علم اجتماع المستوى الخامس حاليا
راح اعطيك نبذه عن التخصص اول شيء التخصص جميييل جدا
ومستقبله حلو في البدايه كان خاطري في الاعلام وحطيته اول رغبه
بس للاسف قبلوني على ثاني رغبه اللي هي علم اجتماع وخدمه اجتماعيه
في البدايه كنت رافضه اني اتقبل هذا القسم بس مع الوقت حبيته كثير
راح ابدء بالسلبيات ثم الايجابيات :
السلبيات:
1-مواده طوووويله وبعضها ممتعه وبعضها مملله لدرجه تكرهين الماده
2-فيها منها الصعب مره وفيه منها السهل مره الي يرفع معدلك بالراحه
3-كررررررررررف كررررررف مو طبيعي خاصه اذا نزلتي التدريب الميداني تحسين كل طاقتك مخلصه
4-كل شيء جماعي لازم تسوين قروب ع كل واجب وانا اعتبره من السلبيات لاني انا بطبعي م احب اتعامل مع قروبات كثير لان تعرفين
مو كل البنات يتعاونون معك الي تتعذر واللي مالها خلق واللي تقط الشغل هذا ضايقني لان بعض الدكاتره تجبرك انك تسوين قروب
5-بعض الدكاتره شديدين بس اذا مشيت سيدا ومالك دخل في احد بتعجبينهم وماراح تحسين انهم عصبيات او شريرات مثل مايقولون ههههههههههه
الايجابيات :
1-التدريب الميداني جميييل يعطيك معلومات ويطور من نفسك ويخليك انسانه غير يغير فكرك عن اشياء كثيره
2-في مواد جد تستفيدين منها في حياتك الطبيعيه من الواقع زي عندك ماده اسمها الاسره والطفوله رحت الاختبار وانا قايرته لان اغلبه من حياتنا الطبيعيه
3-نصحيه اخذي مواد كل مستوى نفسه لا تأجلين لان المواد كثير وبتراكم عليك المواد وبتقعدين سنوات اضافيه
4-في بعض الدكاتره صراحه عسسسسسل ودك تاخذينهم اكثر مر مره تعامل اسلوب اخلاق بدون ذكر اسماء لان يمكن من وجهه نظري اشوفهم كذا والبنات نظرتهم مختلفه بس عشان تجنب النقاشات الحاده
5-اذا كنتي مو مفكره تشيدين حيلك فلا تدخلينه ابدا لان يبيليك تضغطين ع نفسك شوي
6-في فرق بين الخدمه الاجتماعيه وعلم اجتماع يقولون في المستقبل راح يفصلونهم بس راح اعلمك الفرق مواد علم اجتماع تجيك دسمه شوي وكلها نظريات واشياء قديمه تحسين ليه ادرسها اما الخدمه فيشمل التطبيق المواد الي يكون فيها من واقعك
وبس والله اتمنى اني قدرت افدتك اي سؤال فا انا حاضره اكتبي وبالتوفيق يارب��

اقدر اعرف ليه ماقبلوك اعلام؟ يعني المواد المتطلبه ماكنتي جايبه فيها زين ولا المعدل ولا ايش؟ انا اخترت الرغبات بس يوم قلتي انهم ماقبلوك جاني قلق صراحه

[maram.]

مااستوفيت الشروط بالتوفيق .