[ استفسار ] ذاكرت ادب اطفال وماده الاختبار ترجمه تتابعيه 😭

[عباااير]

صباح الخير جميعا
للأسف من سوء حظي امس ذاكرت مقرر ادب الأطفال وماده الاختبار كانت الترجمه التتابعيه
ومااكتشف الا لما بدأت ادور المادة في قائمه الاسماء قبل الاختبار بربع ساعه
فكان قدامي احد الحلين بعد ماتوجهت لمشرفه المركز
الاول يا اني ارجع البيت وارسب في الماده
او اني اذاكر شوي وادخل في نص الاختبار وكان ذلك تعاون من المشرفة معاي وفعلا هذا اللي سويته
لكن طبعا مع اسئله امس صعب اجيب درجة النجاح
اللي صار له هالموقف من قبل ياليت ينصحني بأي شي اسويه عشان احل هالخطأ اللي صار او اتفادى ان المادة تنحسب في معدلي هالترم
مع العلم اني هالترم اخر ترم ومن القهر بعيد الماده في ترم لحالها
ابي نصايحكم الله يجزاكم خير

[ع القحطاني]

انصحك اذا حملتي المادة تروحين للجامعه وتشرحين لهم الوضع والسبب وهم بيتفهمون وضعك لاني سبق وكان عندي تعارض ورحت للجامعه ولقيت الدكتور مصلح العضايلة وعلمته بالسالفة وقال لاتخاف اذا فقط مادة بنخليك تختبر مادتين في نفس الفترة او نعطيك درجتها فباذن الله انها تتيسر وتنجحين ولاتخافين كل مشكلة ولها حل

[مستر ماهر]

الله يصبحك بالنور

ان مع العسر يسراً.

يارب تنجح بالمادة وتتخرج.

رائي كان جبت عذر طبي وان لقحت ولا ماضرها البعير.

ع العموم ياصاحبي ان شاء الله تلقي حل عند الاخوان مع ان ماظني فيها اي مجال.

بس اذا طلعت النتيجه لاسمح الله بالرسوب رح للفريدان ويمكن يشيلها لك وتختبرها ترم لحالها.

[-كبرياء-]

ليه دخلتي كان جبتي لك عذر +++ طبي ولآ انك تحملين الماده
يالله خيره + سواءدرستي او لآ لاختبار كآآن جداًً صعب وان شااء الله بس ننجح فيه

[محمد الشيباني 1]

الله يكون بعونك ويارب تتجاوزي هالمادة و اذا لا قدر الله و ما عديتي تذكري انها مجرد اختبارات دنيا لا تشيلي همها و تعطيها اكبر من حجمها :)

[وحيدة في غربتي]

الله يكون في عونك
حاولي تروحين الجامعة وتشرحين لهم ظرفك ونصيحتي اذا انتي غاسله يدك من النجاح روحي لهم بعد الاختبارات على طول لا تنتظرين النتايج
ولو ماقدرتي تسافرين للجامعه كلمي وراسلي جميع المسؤلين يمكن تطلعين بحل
وادعي ربي ييسرها ولاتشيلين هم (قل لن يصيبكم الا ماكتب الله لكم )
فيها خييييره ان شاء الله :)

[SuN R!sE]

خيره ان شاءالله

بكل الاحوال الامتحان صعب عاللي درس فما بالك باللي مادرس !

مالي غير اني ادعي لك بالنجاح عسى ربي يوفقك

[~..هذآ آنآ..~]

بإذن الله تنجحين فيها ..
اذا هي مادة وحده عندك كلمي الجامعة بإذن الله يتعاونون معك ويعطونك درجة النجاح حاولي ولا تيأسين ..
المهم هو عدم تأثرك بالاختبارات الجايه .. شدي حيلك فيها وفالك النجاح وبتفوق بإذن الله

[Mr.Nasser]

الله يعينك اختي.
لكن من وجهة نظري لافات الفوت ماينفع الصوت.
بمعنى ان الخيار المنطقي ترجعين للبيت وعذر طبي لكن بما انك دخلتي ماراح يقبلون اي عذر في النهاية اسال الله بمنه وكرمه ان يكتب لك النجاح وتتخرجي هالترم وجميع الطلاب.
لكن مايمنع ان تتواصلين مع الدكتور او الفريدان.

[sarOoOny]

انا هالماده مو عندي بس ربي ينجحكم جميعا وتفرحون بتخرجكم وعقبالنا يارب نتخرج السنه الجايه بإذن الله ��