[ مذاكرة جماعية ] : تجمع "قضايا ثقافية معاصرة" الثلاثاء 16-7

[Doremi]

السلام عليكم ورحمة الله وبركاته



أسألكم بالله ما تردون ردود شكر واستفسارات خارج الماده
حلفت عليكم

يمين بالله الي يرد هالردود و حركات الردود أم نقط (......)
والاستفسارات الي موجود جوابها بالموضوع أحط عليه x كبيره
ولو يسأل سؤال أنا عارفه جوابه وماحد يعرفه إلا أنا ما أجاوبه الين يعقل !

خلوا التجمع مرتب الصفحتين الأولى وبعدها سووا الي تبغون براحتكم




لاحد يرد إلا الي عنده إضافات، رجاءً..

[Doremi]

- تابع




على فكرة مافيه حذف بالمادة

أهم ما ذكر في المحاضرات المباشرة الثلاثة حسب سمعي لها الآن

- المباشرة 1 -

✿ رقمه الخاص بالطلاب والطالبات 0563365420
الاثنين - الاربعاء - الخميس من 11:30 - 12:30 صباحا ً

✿ التواريخ لم توضع إلا لتكون مهمة في المادة، لكن مو معناها كل الأسئلة منها..
لكن يمكن يأتي سؤال من 50 سؤال بالتواريخ ، سؤالين بالكثير.

✿ الأسماء نحفظها سواء عربي او انجليزي، نعرف من قال هذا القول.. مهمه و موضع أسئلة.

✿ المحتوى كافي، لاترجعون لأي مصدر خارجي ولا لأي محتوى خاص بالدكاتره السابقين.

✿ ممكن يكتب لنا آيه ويقول لنا "استدل بهذه الآيه على: كذا ولا كذا ولا كذا".
أو يقول "استدل على الموضوع الفلاني بالآيه التالية: ويحط لنا أربع خيارات فيها أدلة".

✿ أسئلة الفصول السابقة موجودة عندكم، بإمكانكم الرجوع لها لمعرفة أسلوب الأسئلة.
الأسئلة لا تتكرر ولا حتى سؤال واحد يتكرر!! فقط الأسلوب يتكرر !!

✿ الطريقة الصحيحة للمذاكرة هي التكرار، اقرأ المادة قراءة عابره للمرة الأولى ثم نعود ونقرأها قراءة أكثر تركيزا ً، بعدها نقرأ قراءة ثالثة أكثر تركيزا ً لتركز المعلومات.

✿ المحاضرة التمهيدية معنا، هي جزء من المقرر ويجي عليها أسئلة..

✿ الي يقولون الأسماء كثيرة ، يقول استعينوا عليها بكثرة المراجعة..

✿ قال متأكد راح تدعوا لي بعد الاختبار ترى أنا أصدق إذا قالوا كذا.
ما كأني انقرصت من بعض الدكاتره الي مادتهم تبدأ بحرف (الصحة واللياقة)



- المباشرة 2 -

✿ أقوال المستشرقين لازم نعرفها.. قال مب حفظ صم لأن اختبارنا بيكون خيارات.

✿ لابد أن نعرف الفترة الزمنيه للأحداث بس مو معناها راح يخليها شغله تعجيز وتحدي ونصم التواريخ.
يقول بمجرد فهم المادة راح تقدرون تجاوبون على سؤال التواريخ.
هو سؤال واحد أو بالكثير سؤالين في الاختبار عنها .

✿ يقول لوحده من البنات سترين في الأسئلة ما يثلج الصدر

✿ وحده من البنات في المباشرة كاتبه أنها اختبرت لهالدكتور مادة ثانيه وكان سهل.

✿ المصطلحات الانجليزيه مب مهمة.

✿ معنا سوالف الاستعمار، كل دوله والدول الي استعمرتها.

✿ أكبر الروابط هو رابط وحدة الأصل.. ومنه تنبثق روابط اخرى.

✿ نحفظ أقوال الناس المبشرين والمنصرين و الأشرار علشان نعرف خبثهم ونحذر منهم

✿ وحده في الشات تقول أنها قرأت أسئلته السابقه وتبشركم مافيها لف ولا دوران.

✿ جاب أمثلة على أسئلته ( أمثلة بس )

كانت المرأة المسلمة على رأس أولويات التغريب بدعوى:
- تحريرها
- ضعف شخصيتها
- قلة خبرتها
- حرمتها

الجواب: حرمتها

------

تكرست التبعية للغرب في توجهات المسلمين وممارساتهم ، وهذا من:
- آثار التغريب
- عناصر العولمة
- مقومات الاستعمار
- مراحل التبعية

الجواب: من آثار التغريب


---------

عبارة تحويل العالم إلى قرية واحدة يتحكم فيها نظام رأسمالي واحد:
- النظام العالمي
- النظام الرأسمالي
- العولمة
- الاستعمار


الجواب: العولمة

----------


✿ للأمانه وقت المحاضره يضيع وهو يدور في الشات على أسئله جديده
كلهم يسألون نفس الأسئلة ويعيدونها.




- المباشرة 3 -

✿ اذا فيه اختلاف بين كلامه في المحاضرة وفي المحتوى ماعليكم التزموا بالمكتوب في المحتوى.

✿ يقول هو ما يكرر الأسئله أبدا أبدا ً و لو شفتوا أسئلته الي كتبها من قبل مافيها تكرار.

✿ ايديولوجيات جمع ايدولوجيا ، معناها الطريقة ..

✿ فيه وحده لما جات تكلم الدكتور تلفظت بألفاظ بذيئه الله يسامحها بس.
استغفر الله العظيم حاجه تجيب قشعريره.
اذا تقرين كلامي الله يسامحك تصرفك يحسسني انك كنتي عايشه في كهف أو في أدغال مع قرود







الملخص في المرفقات في أول رد + أسئلة من الأعوام السابقة وأسئلة مراجعة سرقتها من مشاركة msyuna


ما أدري هو الي كاتبها ولا لا، الي عنده علم ياليت يفيدنا مشكور، عادي يرد الي عنده شيء مفيد أو ملخصات أو اضافات يرد في الصفحتين الأولى..

الدكتور ماله إلا مستويين أو 3 ماسك هالمادة يعني الأسئلة القديمه مره لا تفتحونها إلا لو تبغون تختبرون حفظكم بس..





لاحد يرد إلا الي عنده إضافات، رجاءً..

[Doremi]

http://www.ckfu.org/vb/12192336-post3.html
مسويته Mony.. جزاها الله خير

كويز اختبار قضايا ثقافية معاصرة الفصل الاول1436
مسويته طموح وأمل جزاها الله خير

الاقوال الوراده في ماده القضايا الثقافيه المعاصره لتسهيل المذاكره
مسويته جوااانا جزاها الله خير

[المشتاق2012]

عسى الله يجملنا ونبيض الوجة ذا الليل

[Doremi]

آآمين الله يسمع منك

--------

في المرفقات أسئلة وأجوبة للمادة.. يمدحونها كثير.

مزروف من قسم علم الاجتماع
تعلمت من كارزما وحماااده

[msyuna]

يا مكثر الملفات الي عندي

[msyuna]

الله يوفق الجميع ان شاء الله

دوريمي ياقمر السؤال الاول اظن الجواب تحريرها

هذي الاسئله كامله عملتلها اقتباس

المشاركة الأصلية كتبت بواسطة msyuna

قضايا ثقافيه معاصرة


التواريخ معنا الواضح معنا
مثل القرون وليس السنوات

الاسئله كتبها من شهرين

الخيارات واضحه والفرق بينها واضح

التعدادات حفظ وخصوصا اعدادها

اسئله:
*اهداف الاستشراق ؟
هدفين
ثلاثه
عديدة

*الحاجه للعلوم الاسلاميه؟
هدف قومي
علمي
ديني
دفاعي

*ضعفت عقائد المسلمين؟
وسائل الاستشراق
مراحل الاستشراق
اثار الاستشراق


*بدأت شراره الحروب الصليبيه بدعوه من؟
البابا اروبان الثاني

*المراه المسلمه كانت على رأس دعوات التغريب؟
تحريرها

*مرادفات العولمه:
الحداثه والكوكبه
الكونية الشامله
الاستعمار
أ+ب

*العولمه قديمة عمليا وحديثة اصطلاحاً اظن هذي كانت ضمن خيارات سؤال من الدفعات القديمة

*(شعور لدى جماعه بالانتماء الى العنصر والقوم والاعتزاز بها):
قومية لغه
قومية عرف
قومية اصطلاحاً

*... جماعة من القوم ...(الصوت يقطع)
القومية لغه

*لا تظنوا ان سؤال واحد من هذه راح يجي في الاختبار هذي اسئله كمراجعه عشان تعرفوا طريقة الاسئله

*تطمح العولمه الى صياغه ثقافة كونية شامله تغطي كل الجوانب الانسانية:
عولمه ثقافيه
عولمه كونية
عولمة شامله

فجأه انقطع كل شي

تحت ملف دوريمي المزروف من علم اجتماع الي اتعلمت زرفه من كارزما وحمااده بصيغة pdf

[اميره الجزيره]

الله يعافيكم ويجزاكم خير أبي كويزات تبع كل محاضره ابي اختبر نفسي تثبت المعلمومه ماابي الشامله

[Doremi]

المشاركة الأصلية كتبت بواسطة msyuna

الله يوفق الجميع ان شاء الله

دوريمي ياقمر السؤال الاول اظن الجواب تحريرها

آمين يارب
ايوه صح عليك المشكله منتدانا معطينا وقت قليل ماعاد ينفع نعدل بعدها
مشكوره عالتنبيه الله يسعدك

تحت ملف دوريمي المزروف من علم اجتماع الي اتعلمت زرفه من كارزما وحمااده بصيغة pdf

يعطيك ألف عافيه أثريتي الموضوع بإضافاتك


---------

أميرة ، المنتدى فوق فيه ايقونة الكويزات ، ادخلي عليها اكتبي قضايا ثقافية واختاري القسم E5 واعملي بحث يطلع لك كل شيء

[فيولت]

التنصير الاستشراق التغريب والاستعمار مرتب للأخت وردة الحجاز الله يوفقها و يجزاها الله خير