[ المناقشات ] : الإجابات الغير منطقيه لن تحسب

[أسيرة المشاعر]

السلام عليكم
وأنا جالسه أحل المناقشات شفت إجابات زي sorry , I do not know
هذي ماتحسب الي كتب زي كذا يتلاحق نفسه حرام 30 درجه تورح !!!!
المشكله في بعضهم ناسخ نفس ذا الإجابات
في إجابات صحيحه خذوها مو تاخذون الإستهبال ذا

[همس ألورد]

صح كلامك اسلوب الملل يضيع الدرجات وينزل المعدل انتبهوو يا جماعه

[ابو فافي]

طيب المشكله الحين في اي ماده بالضبط صعب افتحها كلها وين المشكله بالضبط علشان اعدل الاجابه في اي ماده وفي اي مناقشه بالضبط كم رقمها يعني

[ضناني الشوق 999]

الأعصاب بازت ياقدعان هههههههههه كلامك سليم والله انا حليت المناقشات وكم وحده زحلطن ههههههه بس نبغى نشوف الخارطة الأكاديمية قبل لاتزحلط هي الثانية بالتوفيق للجميع

[يالله تزينها]

يازينه اللى يكتب i don"t no

انا لاقي واحد كاتب ( السلاام عليكم )

والمصيبه في المناقشه اللى بعدها يكتب ( السلااااااااااام عليييييييييكم )

مدري هو يحتري الدكتور يرد عليه ولا وش في مخه ذا الطبج

[loge]

لان ياحلوين السيستم يحسب المشاركه مايفحصها ولا راح يفحصون اجابه 30 الف طالب وطالبه والمشاركه من اسمها مشاركه لو تجاوب غلط تعتبر مشاركه وعادي ولو تجاوب ماعرف تعتبر مشاركه مو شي ينحاسب عليه وضروري يكون صح مثل الواجب وللمعلوميه اخر مره جاوبت اجابات طويله كان باول مستوى والبقيه اكتب اي اجابه لو مختصره او ب لا اعرف ودرجاتي a+ و b+ المشاركه مضيعه وقت مدري ليش حاطينه من اساس

[أسيرة المشاعر]

المشاركة الأصلية كتبت بواسطة loge

لان ياحلوين السيستم يحسب المشاركه مايفحصها ولا راح يفحصون اجابه 30 الف طالب وطالبه والمشاركه من اسمها مشاركه لو تجاوب غلط تعتبر مشاركه وعادي ولو تجاوب ماعرف تعتبر مشاركه مو شي ينحاسب عليه وضروري يكون صح مثل الواجب وللمعلوميه اخر مره جاوبت اجابات طويله كان باول مستوى والبقيه اكتب اي اجابه لو مختصره او ب لا اعرف ودرجاتي a+ و b+ المشاركه مضيعه وقت مدري ليش حاطينه من اساس

واحد من الطلبه إنخسفت مشاركته بسبب أنه يكتب كلام غير منطقي وخرابيط كلم الفريدان وقال له عطيني رقمك الجامعي أشوف موضوعك
وطلع له سبب النقص وطلع له مشاركاته وقال انت الي مجاوب إجابات غير منطقيه فما إنحسبت

يكمن يشيكوا عشوائي ما أدري كيف النظام حقهم

عشان كذا مو كل مره تسلم الجره جاوبوا صح يمديكم نزلوا الأعظاء إجابات المناقشات إتسخوهم في باقي وقت

[totayah]

بالظبط كثيير شفتهم مسوين هالحركه بصراحه استغرب عليهم يعني اقل شي تسويه نسخ لصق اذا ما كان عندك وقت, اما انه تحط مثل هالاجابات عيب بصراحة !

هل تضمن انه مثل كل ترم يحتسبوها لك كامله ؟ انا الترم قبل اللي فات حليت المناقشات كلها مرتين وفي الخارطة طلعت كامله لكن لما طلعت النتيجه لقيت انهم منقصيني في 6 مواد درجه في المشاركة !!!


يعني لو حصل نفس الشي معك لا سمح الله ورفعت تظلم وجا الفريدان يشوف اش المشكله بالله ما بتستحي من اجابتك !!
ع الاقل لما تبي تسترجع حقك استرجعه على شي سنع

["لعيونها جيت"]

انا اللي أعرفه ان في كلمات مفتاحية اذا في الاجابة واحدة منها على الأقل تحسب المشاركة صحيحة هذا كلام دكتور من اللي درسوني

[مكتبه النور]

يعطيكم العافيه