[ المناقشات ] : نبي نتعرف على مشرفة القسم ونتفق

[sham9966]

نبي هالترم نشاط موزي قسم ثالث ميت نبي هدا حيوي ونبي تكون مشرف او مشرفه وانا ارشح تهاويل للاشراف بصراحه يتحرك ويستاهل واحنا مانبي اشراف ميت يليت لحد ينظر في كلامنا من ادارة المنتدى

[kimoo2244]

والنعم فيكم جميعاً وكل شخص يعتبر مشرف بالنصح وتوصيل المعلومه لكن اللي أعرف أن نونه الحنونه مشرفه المستوى الرابع وأثبتت وجودها ....وبإمكانك اختيsham9966تكوني مشرفه الأيام القادمه.....وشكراً لله ثم لكل من وضع معلومه تساهم في فائده أو نجاح الطلاب وجزاهم الله خير
والاخ/تهاويل والنعم فيه وما على الحضور زود لكن من باب التجربه...

[nawaf91]

حتى انا ابي اتعرف ع المشرفه


والله ونعم ف تهاويل و ونعم ف نونه الحلوه
الله اعلم الشعب لساتهم ف صدمه

اشكركمsham9966 &kimoo2244
والعمل الجماعي دائماً مثمر

عموماً انا حاضر ب اي زمان واي مكان

تابعوني ونبهوني لاي جديد طرأ

[منتسبة 2014]

نواف راح اتابعك وانبهك ولايهمك

بس وش المميز بالاشراف عشان تربطون تهاويل فيه
وأنا ما ابخسه حقه والرجال كفو وقدها لكن بتتوهونه في مهام وتضيعونه من يدينا

من رأيي انو اذا فيه اعضاء تتحرك ولها صوله وجولة بالقسم
راح يجذبوا البقية للمشاركة والتفااعل

ترا الاشراف ماله دخل

بالتوفيق للجميع وتابعوني ونبهوني لأي جديد و مهم

[nawaf91]

لاهنتي ب بنت الاجواد , حن نقصد عشان الترتيب
وصدق

انتي ماشاء الله عليك شفت لك مواضيع مجتهده فيها

الله ينور دربك , وزعي علينا مهام وابشرري حن معك

انا ارشحك انتي وتهاويل

[reaching higher]

هدا اقتراح كتبته قبل شوي في موضوع ثاني ....




هدا الرابط .. مشاركة 24

http://www.ckfu.org/vb/t651843-3.html


عجزانه اكتب مره ثانية ..

[{تهاويل}]

شكراً لك sham9966 و kimoo2244 و nawaf91


على نظرتكم لي في موضوع الاشراف
بس انا ما ابي اشراف
بتبقى مشرفتنا يــارا هي مشرفة قسمنا
والله يعينها على حوستنا
نكبت بنا المستوى الماضي ، لكن شكلها بتعوضها هالمستوى
شكلها مسافرة على غفله
شام انتي و منتسبه حركتكم في المنتدى اكثر مني
انتوا المرشحين
فكرة reaching high رائعه
والقروب هو المستفيد اكثر من غيره
اهم شيء يازملائي لا تتهانوا في هذا المستوى
وراجعوا المواد من بدري
تجربتنا مع مدخل الى اللغويات اعطتنا درس
كما انها دليل على دسومة المواد القادمة
انا شاهدت (من باب الفضول) اربع محاضرات من عصر النهضة وبصراحه مادة يبي لها وقت
معلومات كثيره للحفظ ، اسماء وتواريخ وسير ذاتيه
والي قبلنا نبهونا ان موادهم ما تقدر انك تلم بها بسهوله في يوم او يومين قبل الاختبار
لا تستهين وتهمل المواد السهله ، ولا مواد الساعتين ، ترى السهله ركز عليها هي الي ترفع المعدل
وتجربتنا ايضاً اثبتت ان لا نسمع كلام الدكاتره ونهمل المقررات ونركز على مراجعه او اسئلة سابقه فقط.
(ماعدا الانشاء والتعبير ما تنطبق عليه هالقاعده ههههههه )

[nawaf91]

وايت فيس ي شنب

[منتسبة 2014]

الحين المشرفين و المشرفات ماتنازلوا على الاشراف
كيف بتعينوا واحد لنا ؟!!!!
*
ماعلينا ان صار واحد يبي يتنازل ماعندكم الا شام مستعده

انا خارج المعادله

[nawaf91]

تبون نقيل احد ونكتب
"بناء على طلبه"


ههههههههههههههههه