يآ طالب مستجدّ تفضل كل شي تبي تعرفه تلقاه هنآ

[امل الروح]

السلام عليكم ورحمة الله وبركاته ..
اخواني / اخوآتي طلآب ادرة الاعمال
وطلاب نظام الإنتساب المطور عامة .. =)

أخص بهذا الموضوع الطلاب المستجدين "الطلاب الجدد" أولاً أحب أبارك لكم القبول والإنظمام لنا وأتمنى لكم كل التوفيق بمسيرتكم الدراسيه ..

طبعاً كطلاب مستجدين وهذا النظام غريب عليكم وتجهلون كيفية التعامل معه سأحاول توضيح كل شي لكم بإذن الله حتى يسهل لكم فهم هذا النظام والتعامل معه بسهوله ..







اول شي تحتاجونه إتصال إنترنت وكومبيوتر ( مكتبي / لآب توب) أي شي يمشي الحآل

شنو البلآك بورد .؟؟ كيف ندخل عليه ؟؟ وش سالفته ؟؟؟


تبون تعرفون ؟؟!!! أنا بعلمكم كل شي بس أنتم تابعوا معي خطوه خطوه ...
بشرحه بالتفصيل أدري بتملون لكن تحملوا شوي وركزوا معي عشان تفهمون كل شي أوكي ...



~هذي بوآبة التعليم المطور للإنتسآب ~

http://www.kfu.edu.sa/ar/Deans/elear...ages/main.aspx




نقول بسم الله وهذا الرابط المباشر لصفحة البلآك بورد ..

http://lms.kfu.edu.sa/webapps/login


راح تفتح لنا صفحة نظام البلاك بورد نكتب في خانة ((اسم المستخدم)) والمطلوب هو الرقم الجامعي اللي خصصوه لكم ، و ((كلمة المرور )) وهي الرمز أو الرقم السري اللي تاخذونه مع الرقم الجامعي ..


سويت لكم شرح سريع بالصور ..

وهذي أول صوره وهي توضيحيه لصفحة البلآك بورد الرئيسيه بعد تسجيل الدخول ...




وهنا رآح تشوفون هالصفحه لما تفتحون أي محاضرة ...



وهنآ بعد ماتحدد إختيارك .................




بعدها تشوفون المحاضرة وتتابعون مع الدكتور الشرح ولآزم تكونون مركزين موب المحاضرة تشتغل من صوب والمسن من صوب ثاني <-------- .. إحم ترى أبد مو شسمه ..



وبالنسبه للبريد الجامعي هو مثل الإيميل لكنه بدون نظام محادثة يعني بس يرسل ويستقبل رسائل بريديه خاصه بالجامعه لآ أكثر ... يعني منه تقدر ترسل حلّ الواجبات


أو عندك أي إستفسار أو سؤال تبي تسأله للدكتور تروح على البلاك بورد وتدخل على المادة تلقى جهات الإتصال أو معلومات جهات الإتصال <--- هي وحده من الثنتين :/


وتآخذ ايميل الدكتور من هناك ..


وهذي الصفحة اللي تدخلون منها عالبريد

http://webmail.kfu.edu.sa/uwc/auth



User Name: أو إسم المستخدم وهو الرقم الجامعي ..


Password: وتعني الرمز السري ..



بعدهآ راح تنفتح لكم هالصفحه هذي ... مثل ماأنتم شايفين هالصوره توضح لكم أكثر ..




انتهينا من شرح البلاك بورد والبريد الجامعي .. والحين نجي لبعض الأمور اللي ممكن تهمكم .. نجي لشهادة التعريف وهي مثل ورقة إثبات على ان هذا الطالب منتسب في جامعة الملك فيصل .. راح تحتاجونها وقت الإمتحانات تدخلون على هالصفحه وتحطون البيانات المطلوبه المعتاده (الرقم الجامعي + الرمز السري) وراح يظهر لكم التعريف ولما ينطبع راح يكون فيه ختم <---- مايطلع فيها الا بعد الطباعه يعني لاتحاتون اذا ناظرتوا بالشاشه وماشفتوه



وهذا رابطها ............

http://www3.kfu.edu.sa/id_students/




بعدها نجي لإسترجاع الرمز السري .. اللي مثلاً نسى رمزه السري ومو عارف شيسوي يجي هنا لهالصفحه ويحط رقمه الجامعي


ورقم السجل المدني ...

http://www3.kfu.edu.sa/Retrieve_ban_pass/login2.ASP




ومن الأمور المهمه نظام البانر

http://www.kfu.edu.sa/ar/BannerSystem/Pages/login.aspx





وهنا موضوعين واحد حطه د.احمد الشعيبي والثاني نبض القلم "الله يعطيهم العافيه"
يمكن البعض شافهم والبعض ما مرّوا عليهم أبد .. وأنصحكم بشدّه انكم تقرونهم ..
بس اضغطوا على العنوان ..



........... الأول ...........



ما هو التعليم المطور للأنتساب؟ وروابط هامة (متجدد دائماً)


........... الثاني ..........

المرشد للتعليم المطور للانتساب .. هام جدا




وبكذا نكون عرفنا أهم الأمور اللي نحتاجها .. وأهم شي متابعتكم لكل ما يجدّ ومتابعة المحاضرات أول بأول بدون تقصير حتى لاتتراكم عليكم ويكون من الصعب عليكم مشاهدتها دفعة واحده .. لآ تستهين بالمحاضرات وتقول لاحق عليها احنا مرينا بهالشي وجربناه وآخرتها الوقت ضاق علينا ولا قدرنا نضبط أمورنا والحين تعلمنا درس مهمّ ولآ نعودهآ << مو الكل بس اللي جربنا هالشي قسسسم تحسفنا



البلاك بورد فيه تسجيل حضور بمجرد دخولكم على النظام راح يحتسب لكم حضور عالأقل تدخلون مره بالأسبوع يعني انقطاعكم لايزيد عن اسبوع لأن الددكتور راح يوصله تقرير أسبوعي لكل طالب ويشوف منو اللي متابع ومجتهد بس ترى حضور ماعليه أي درجآت للأسف



شسمه شنو باقي بعد :/


بخصوص الكتب

لا تتسرعون وتشترون كل الكتب من أول الترم .. لأ ..!!


بتقولون ليه ؟؟ انا اقولكم .. لأن من خلال تجربتنا جميع الدكاتره ألغوا الكتب ومابقى غير مادة الإنجليزي وعلم الإجتماع هم اللي طلبوا وجود الكتاب أما البقيه نزلوا ملخصات وملازم على البلاك بورد بآخر الترم قبل الإختبارات وقالوا نعتمد عليها ونكتفي فيها ..



وفي بعد واجبات كانوا يعطونا اياها بالمحاضرات حتى يعرفون مستوى فهم الطلاب واستيعابهم للدرس وكل دكتور على حسب بعضهم يطلب ان الحل يكون في منتدى النقاش عالبلاك بورد والبعض يطلب منك ترسلها عالبريد الجامعي وكل هذا بتعرفونه من خلال المحاضرات ..



وأي إستفسار بالموضوع أو بشي ماذكرناه اسألوا عن أي شي تبون تعرفونه لو تحسونه تافه عادي أهم شي ماتتحيرون J



أطيب الأمنيآت لكم منقول للفائده من منتديات النقاش

~ نشوفكم على خير وبالتوفيق يآرب لجميع الطلآب والطالبآت ~

:150:

__________________

[ǺĽ ẕeeห]

معلومات كافيه ووافيه يعطيك ربي الف عاافيه

مجهود متعوب عليه ماتقصرين يالغلا

[abdulaziz-83]

الله يعطيك العافيه ..

[angle155]

الله يعطيك العافيه والله ماعليك قصور
بس ممكن توضيح اشلون يعرف الدكتور الحضور يعني هل بمجرد فتحنا للنظام ولا ندخل على المحاضره وفي موضوع حاطينها شرح للبلاك بورد تقول لازم نختار تنزيل المحاضره عشان يعرف الدكتور حضورنا او بس نكتفي بامشاهدة المحاضره المسجله
وعذرا على الاطاله

[هطيل]

اخوي البلاك بورد ما يشتغل عندي


اما نظام البانر شغال


ممكن تساعدني :011:

[آبو ثآمر .!]

مسيّت بالخير .!

يعطيك العافيه ع الشرح الوافي

بس عندي استفسـآر لا هنتـ .!

راح تفتح لنا صفحة نظام البلاك بورد نكتب في خانة ((اسم المستخدم)) والمطلوب هو الرقم الجامعي اللي خصصوه لكم ، و ((كلمة المرور )) وهي الرمز أو الرقم السري اللي تاخذونه مع الرقم الجامعي

انا عندي رقم جآمعي بس الرقم السري مآعنديش .!!!
كيف احصّل عليه او وين آلقآه .!


وبالتوفيق للجميع .!



,

[الليــ صمت ـــل]

يسلموووووو خيتووووووووو

يعطيك الف عافيه

[areekan]

بصرااحه كفيتي ووفيتي ،،يعطيك الف عافيه خيتووو ماقصرتي


جزاك الله خير

اختكـ

جوجو

[ملك بلا ملكه]

مشكووووور ع جهدك

يعطيك ربي العاافيه

[امل الروح]

الأخوة والأخوات

هذه تعليمات هامه للطلاب والطالبات المقبولين بالجامعه للفصل الدراسي الثاني الحالي


1. يجب على الطالب استكمال أوراقه و سداد الرسوم وتسليمها للبريد الممتاز لارسالها للجامعة.


2. ستقوم الجامعة ظهر يوم الأربعاء 9/3/1431 هـ الموافق 23/2/2010 م بصرف الرمز السرى للطلاب و الطالبات الجدد ( الدفعة الأولى ) والذين استكملوا اجراءاتهم واستلمت الجلمعة ملفاتهم كما سيتم فى يوم السبت 12/3/1431 هـ الموافق 26/2/2010 م صرف الرمز السرى للدفعة الثانية من الطلبة المستجدين بعد التأكد من وصول أوراقهم ومراجعتها من قبل الجامعة.


من هنا يتم الحصول على الرمز السري للطالب الجديد :
http://www3.kfu.edu.sa/retrieve_ban_pass/login2.ASP

3. عند استلام الرمز السرى سيتمكن الطالب / الطالبة من الدخول على نظام البانر والاستفادة من خدمة البريد الالكترونى الجامعى وكذلك التسجيل فى منتديات النقاش. أما بالنسبة لموعد بدء الدخول على نظام التعلم الالكترونى ( البلاك بورد ) لحضور و مشاهدة المحاضرات فسيتم الاعلان عن ذلك لاحقا عبر هذه الصفحة.


4. على الطلبة بعد ذلك الدخول على صفحة تسجيل المقررات عبر بوابة الانتساب ثم استعراض جدول الكلية التى تم قبول الطالب فيها لتسجيل رموز CRN للمقررات المحددة كما هى ظاهرة فى الجدول ( يجب تسجيل جميع المقررات الموضحة فى جدول المستوى الأول).


5. بعد معرفة أرقام CRN للمقررات المطلوب تسجيلها، يقوم الطالب بالدخول على نظام البانر لتسجيل المقررات وكما هو موضح فى رابط الدليل المصور لعملية التسجيل على نظام البانر .


6. على الطالب التأكد من تسجيل جميع المقررات المطلوبة على حسب الكلية وكما هو موضح فى صفحة جداول الكليات.



تحياتي للجميع
:150: