منقطع و مطلوب مني اسدد 3 ريال فقط و ابغى حل لمشكلتي

[عبدالله البدر]

السلام عليكم و رحمة الله و بركاته

صباح - مساء الخير

يا أخوان عندي مشكلة و أتمنى تفيدوني فيها

انا سجلت المواد الترم هذا و جت فتره نهاية سداد الرسوم ولا سددت و قلت اني بأجل الترم هذا لكن المشكلة التأجيل و الاعتذار كانوا منتهيين و ما قدامي الا انهم يحطوني منقطع وكذلك ما كنت ادري اني اقدر احل الواجبات و غيرها و كذلك اختبر و اقدر اسدد بصراحة توقعت انهم يعطوني انقطاع لكن الحين مرسلين لي رسالة تسديد الرسوم و اذا ما سددت يعتبروني منقطع و لازم اسدد طيب اذا سددت تروح علي الفلوس للمستوى هذا يعني ما استفدت لامن الدراسة الترم هذا ولا من الفلوس و اذا بغيت اسجل الترم الجاي لازم اسدد غير هالمره بعد و الحل اروح لهم ولا وش اسوي

و هاذي الرسالة غريبه كاتبين 3 ريال




انتظر افادتكم

اخوكم

[عبدالله البدر]

طيب اذا رحت لهم ممكن يتساعدون معاي بدون ما ادفع رسوم التأخير للمواد كاملة لاني ابغى اسجل الترم هذا و كيذا يكون ضغط اسدد مرتين والاولى بلا فايده والمشكلة لو سددتها بيصير عندي راسب بجميع المواد لاني ما حضرت و كيذا ما ياثر علي بالتسجيل للترم الجاي و ليتني ادري اني اقدر اختبر كان اختبرت لكن خيره

انتظر خبراتكم

[المحترمه]

وعليكم السلام ورحمة الله وبركاته


للأسف عزيزي حاليا راح يكون عندك رسوب في جميع
المقررات وعليك دفع الرسوم .. إن كان بإستطاعتك ترفع
عذر طبي مختوم للأيقونه حتى يتم إضافتها لك السمستر
الثاني وتدفع رسومها مره واحده .. وللعلم طالما وضع الطالب
فعال يعني بإمكانه أداء مهامه والإختبار حتى وإن لم يسدد
الرسوم .. أما المنقطع يحصل في حال أنك لم تسجيل مقرراتك

بالتوفيق

[ابو غيداء]

غلطك ياصديقي

تعرف هذا المنتدى المليئ بالخبرات والمجتهدين
ولا استسفرت من احد

ع العموم افضل حل لك لان هو
احضار عذر عن عدم حضورك للاختبارات

لو من مستشفى اهلي

وارفعه وان شاءلله يقبلونه

وبعده سدد وبينزلون لك المواد الترم القادم

[فنوُ *]

حتى ما يسمحون على 3 رياال
ياويل حالي

[عبدالله البدر]

هلا فيكم اخواني المشكلة العذر الطبي لو ابغى اجيبه بالكثير يومين ولا 3 ايام

و باقي الاختبارات ما اقدر

طيب الحين اسدد ويحطوني راسب و اقدر اضيفهم الترم الجاي ولا كيف

[شرقيه وبس]

الله يعينك

طيب حتى لو اختبارين ثلاث قدرت تجيب عذر ولا رسوب بكل المواد

[هنـــاء]

حرام تكون راسب وانت مااختبرت اصلا

حاول تجيب اي عذر

[همسات خجل]

الله يسر الامور
لو تقدر انك تجيب عذر اجراء عمليه جراحيه تتطلب المكوث بالمستشفي اسبوع او عشره ايام

ممكن لو تلاقي لك دكتور ييساعدك بنوع العذر بمبلغ مالي
اتوقع بنلاقي

[أبو جنى 1982]

ما لك الا تدفع انا حصلت معي وسددت مرتين مرة عن الترم الي ما حضرت اختباراته واعتبروني راسب مرة عن الترم هذا الي انا مسجل فيه