[ المناقشات ] : رسالة إلى جميع الراسبين في الإنجليزي

[زيـآد وبـس : )]

السلام عليكم ورحمة الله وبركاته
والصلاة والسلام على اشرف الأنبياء والمرسلين محمد صلى الله عليه وسلم وعلى آله وصحبه أجمعين
أسعد الله أوقاتكم بكل خير ومحبة وراحة بال
أخواني / أخواتي

أولاً أشكر كل شخص حاول يبرر موقفي تجاه اللي حط اللوم علي ونسى أني قلت خلوني الحل الأخير .

ثانياً أنا كل اللي طرحته لكم صار معاي الترم اللي فات وبشهادة أحد الأخوان في هالموضوع
http://www.ckfu.org/vb/t536694.html
وحبيت انقل لكم الصوره بالتفاصيل الممله إن كانها اتكررت هالترم الا يكون عندكم خبر عن هالفكره ، إلا أني استغربت من بعض الأخوان فاهم الفكره غلط واخذ نفس إجاباتي الترم اللي فات ونسخها في نموذج إجابته هذا الترم مع إني كنت مبيّن إن هذا النموذج خاص بإختباري الترم اللي فات وانتم لو جات مثل هالفكره أكيد بتكون الإجابات مختلفه لكن تبقى نفس الفكره بعد ما تحل كم إجابه وتبين معاك الفكره واذا ماتبينت معاك أعرف إن الدكتور غير هالفكره .

أولاً وثانياً وثالثاً اعتذر جداً من نقلي لموضوع قد تسبب في رسوب البعض من الطلاب والطالبات لكن بما إني تسببت في هالموضوع لرسوب البعض .

أنا على أتم إستعداد لدفع رسوم المادة إلى كل شخص رسب فيها .
ماعليك إلا ترسل على حسابي الشخصي بتويتر لأن بعض الطلبه والطالبات مشاركاتهم ما تعدت الحد المطلوب لإرسال رسالة خاصه لي هنا في المنتدى على شان كذا قلت حسابي الشخصي بتويتر .

رقم الآي بان وأسمك الثلاثي وأسم البنك ورقمك الجامعي وسوف تصلك رسوم المادة بعد نتائج الإختبار ،،،

وأدعي المولى سبحانه يوفقني وإياكم بما يحب ويرضا.


زيـآد وبـس : )

[shaden1]

وعليكم السلام ورحمة الله وبركاته

اول شي اخوي انت موملزوم ولامجبر تدفع لأي احد هو اهمل بحق نفسه مع احترامي للجميع العلم مونسخ ولزق من اسمه علم للحث على التعلم الاختبارات لم توضع عشان نجي ننسخ معلومات بدون معرفتنا لما نكتب انت وضحت لهم وابريت ذمتك امام الله وانا احد الذين قرؤا موضوعك واشهد انك قلت بالحرف الواحد ذاكروا ولاتعتمدون الطريقه وترك طريقة للاخر ووضحت ان هالشي صار معاك وفعلا انا راجعت اسئلة العام ولقيت كلامك صحيح 100% .
انت حبيت تسوي خير وماقصدت تضرهم واي احد اعتمد طريقتك بدون مذاكره ذنبه على جنبه كل واحد يتحمل مسؤلية افعاله ( وَلَا تَزِرُ وَازِرَةٌ وِزْرَ أُخْرَى ﴾ .. مافي احد طلع من بطن امه عالم المعرفه ماتجيك وانت منسدح لازم تتعب عشان تتعلم

انت ماقصرت وجزاك الله خير
وشاكره لك اخوي

[الشيهانه_]

انا مالي دخل بالموضوع لكن الله يوفقك ويجعله في ميزان حسناتك بصراحه تانيب الضمير شي قاسي جداً وانا اهنيك من قلبي ع هذي الخطوه والمبادره الجميلة

[فـجــر]

وعليكم السلام ورحمة الله وبركاته

والله مايصير تشيل ذنب إهمال غيرك ورسالتك ياأخوي كانت واضحه جداً وهذا العدل والصح
اللي تسبب بالرسوب الكسل واللامبالاه (اتمنى منك ماتسدد لأحد )

ابداً ماهو تأنيب ضمير هو من البدايه وضح للكل ذاكرو بالاول ..

[هيام فهد]

مع ان مالي اي دخل

بس حبيت اشكرك والمسؤليه مش عليك على ( اهمل واعتمد على هالطريقه )

وكمان انت قلت لاتعتمدون فعاد ( ياكل الخبل عجينته ) مادري المثل صح او لا بس في ما معناه

واخيرا الله يجزاك خير

[Bilal-81]

اخوي زياد ... الله يعطيك العافيه .. وبيض الله وجهك وما قصرت

انت رجال جيت وجبت لنا طريقه من الطرق .. ومرت عليك شخصيا ..

وحاولت من خلالها توصل لنا فكره بسيطه ...

انت ما يلحقك اي لوم ان شاءالله .. لأن ماهو ذنبك تشرح مثال .. ويجي غيرك يطبع ويمشي ...!!!

لكن الله يوفقك ان شاءالله ..

وفااااااااالنا وفاااااااااااالكم التوفيق والنجاح يا رب

[almulhim0]

يازياد انت مالك دخل بالموضوع

على فكرة انا حليت صح ومتأكد من اجوبتي

ورجعت قلت بشوف طريقتك والله اغلب الاجوبه متطابقة


واللي رسب هذا اهمال منه موب منك


بالتوفيق للجميع

[أجـــود]

يطول لي عمرك يا زياد

الله يحفظك انت رايتك بيضه وموضح هالشي من البدايه


ياخي حبيتك لاتقاطعنا:o

[Bilal-81]

المشاركة الأصلية كتبت بواسطة هيام فهد

مع ان مالي اي دخل

بس حبيت اشكرك والمسؤليه مش عليك على ( اهمل واعتمد على هالطريقه )

وكمان انت قلت لاتعتمدون فعاد ( ياكل الخبل عجينته ) مادري المثل صح او لا بس في ما معناه

واخيرا الله يجزاك خير

( ياكل الخبل عجينته ) ..................

[مشعل الدهيم]

عساني أعدي منه والله اني جبت العيد وهو جدا اختبار سهل مرره لكني تلخبط بقووووه