صعوبه ام سهوله للتدريب الميداني الكل يدخل

[dala]

السلام عليكم ورحمة الله وبركاته ..


بدخل بالموضوع على طول ..


انا ارسلت للعميد مشكلة استقبال الجهات الحكوميه والاهليه للمتدربين ورفضهم للمتدربين بحكم انه مافي قرار رسمي يلزمهم بهالشي

واقترحت عليه انه يكون جهات التدريب اللي نروحها موزعه بشكل رسمي من قبل الجامعه بوقت معين مثل الاختبارات نحدد المنطقه وهم يحددو المكان والوقت ونروح
بدون مايرفضنا احد وبدون ماتكثر مشاويرنا ونحنا نروح ونجي حتى يوافقو

وقلت له مشكلتي انه كوني كبنت واحكي عن اغلبية البنات ماعندنا احد يودينا ويجيبنا وبحكم ان امي رافضه اللموزين من غير رجال يكون معانا
فاروح الاماكن القريبه مني مشي مع امي وهي تعبانه وممنوعه من الحركه بسبب نقص الاكسجين في الدم
وكل مااروح ترفضني مدرسه من مقابلة الاخصائيه الاجتماعيه
فانتظر حتى احد يفضى يوديني المشوار للتدريب لكن لما اروح المدارس او المستشفيات يرفضون ويقولو ماعندنا قرار رسمي يلزمنا بهالشي ومانقدر نستقبل او مشغولين
وفي اماكن يسمحون للمتدربات لكن نتيجة رفض بقية الجهات الثانيه فالطلاب يتمركزون بالجهه المسموحه فيصير ضغط عليهم ويرفضون الباقي

وممكن للطالب الرجل يتعامل مع الرفض بسهوله كونه يعتمد على نفسه عنده سياره يشغلها ويروح من مكان الى الثاني حتى يحصل احد يستضيفه
لكن الطالبه البنت ؟؟؟ تعتمد على الاب او الاخ او الزوج او الولد والخ وعلى حسب هل هو فاضي او لا هل هو موجود ام لا
بامكانها انه تخلي الرجل قريبها يوديها للمكان بس مره مرتين مو عشر مرات واكثر روحه وجيه وروحه وجيه
وغير كذا يقسم الوقت مثلا يوديها هاليوم المشوار الاول والثاني وتنرفض ويرجعها البيت بحكم انه عنده دوام او مشغول
واليوم الثاني يوديها المشوار الثالث والرابع وتنرفض ويرجعها البيت وهكذا
عكس الرجال يخلص اموره بيوم على حسب قدرته

لكن لو حددو المكان رحنا ورجعنا والتقرير جاهز بيوم واحد فقط

وفي مناطق عدد طالبتها وطلابها بالالاف مثل الشرقيه وجده والرياض فلازم تنظيم بتوزيع الطلاب على الجهات لأداء التدريب احسن من العشوائيه ويصدر قرار رسمي باستقبال المتدربين احسن من خطاب يحتمل الموافقه والرفض على حسب مزاجهم

وارسلت كل هالكلام للعميد وجاني الرد انه :
(الية التدريب الميداني ولاربع سنوات ماضية مغطية العشرات الالف من الطلاب يقومون بالتدريب بدون أي مشاكل وتاخر الطالب لظروف ما وعدم استقباله لايعني ان الية التدريب توجد بها إشكالية فالجامعة لديها ثلاث مقررات تدريب ميداني وهي تسير بيسر وسهولة)

فالعميد يقول ان الطلاب ماعندهم مشاكل في التدريب الميداني فهل هذا صحيح ؟؟؟

او السبب محد يرسل له المشكله فيعتقد ان الطالب يقوم بالتدريب الميداني بشكل ميسر وسهل بدون مشكله

لأني راح ارسل له رابط الموضوع يشوف بنفسه راي الطلاب وهل فيه مشاكل او لا وهل يأيدون اقتراحي او لا ؟

[dala]

.

[يكفي يازمن]

بصراحه الطالب لا يقارن بالطالبه في مجال التدريب الميداني ..

علاقات الطالب متسعه في عده مجالات ..

لكن اغلب ما يتم بين الطلاب واي مؤسسه اخرى هو دور الوسيط وهو مايعرفه الطالب ويكون قريب له او صديق سواء كان معلم او مرشد او مدير او ممرض او أي مجال يطلب منه فهذي تسهل له اموره ..
واحيان يذهب للمدرسه ولا يجد أي رفض

اموره متيسره ,,

فأعتقد ماعنده أي مشكله في مجال التدريب ..

[نوير الزهراني]

شايله هم ذا التدريب من اول ما سجلت بالجامعة ،،،
وفعلا اغلب البنات ضروفهم احيانا ما تساعدهم
ياليتهم يلغونه ويريحونا

[مـ غ ـترب فـيـ عـذابـكـ]

المشاركة الأصلية كتبت بواسطة يكفي يازمن

بصراحه الطالب لا يقارن بالطالبه في مجال التدريب الميداني ..

علاقات الطالب متسعه في عده مجالات ..

لكن اغلب ما يتم بين الطلاب واي مؤسسه اخرى هو دور الوسيط وهو مايعرفه الطالب ويكون قريب له او صديق سواء كان معلم او مرشد او مدير او ممرض او أي مجال يطلب منه فهذي تسهل له اموره ..
واحيان يذهب للمدرسه ولا يجد أي رفض

اموره متيسره ,,

فأعتقد ماعنده أي مشكله في مجال التدريب ..

100+ نفس اللي صاير معي ولاغلب الطلبه

وانا اوافقك اختي الراي المفروض يجبرون الجهات ع تدريب اشخاص

مثلها مثل التدريب في الثانوية التجارية و الكلية التقنية

كانو يقسمونا ع حسب الحي وكل منطقه فيها تدريب

وترسل بخطاب رسمي وامورك تمام بس هنا لا

الله يعينكم

[Maram.88]

انا انتهيت من التدريب الميداني 1
وحاليا مأخذه التدريب الميداني 2

الحمدالله ماواجهت أي مشكله
قبل اروح أي جهة اتأكد ان كان يستقبلون الطلاب
سواء عن طريق احد المعارف الموظفين بنفس المكان
او بالتلفون اتصل واسأل اذا يستقبلون او لا

وحتى لو كنت رجال ومعاي سياره بتبع نفس الطريقه
وماراح اروح أي مكان قبل اتأكد افضل من اني اضيع وقتي وجهدي بدون فايده

[الراقي222]

المشاركة الأصلية كتبت بواسطة نوير الزهراني

شايله هم ذا التدريب من اول ما سجلت بالجامعة ،،،
وفعلا اغلب البنات ضروفهم احيانا ما تساعدهم
ياليتهم يلغونه ويريحونا

اكثر شي يزيد معدلك ومضمون هو التدريب الميداني في كل المستويات ..
حيث ان اختباره سهل وتعبئبة بياناته اسهل وبالذات الاول الثالث بحكم ان الزياره لموسسه واحده فقط على عكس التدريب الميداني 2..

الخوف والمصيبه من (مشروع التخرج + الاحصاء الاجتماعي) في مسيرة علم الاجتماع كامله في الجامعه