[ استفسار ] محاضرات المباشر ليش ما يدخلني؟؟

[بنفسجة]

اليوم عندي 3 محاضرات في المباشر ولا قدرت ادخلها مع انه يحمل ملف الجافا بس ما يكمل واظل انتظر ولا فيه نتيجة
امس دخلت عادي ولا في مشاكل مع اني مرات ادخل على البلاك بورد من الجوال او الكومبيوتر
احد صار معاه كذا يفيدنا وش السوات وكيف اتصل بالجامعة عشان استفسر

[شذى الورد 22]

ادخلي من جهاز ثاني او متصفح. ثاني

[بنفسجة]

ادخل من الفايرفوكس وعندي الاكسبلور البلاك بورد متخربط ومتحركة الشاشة ومختفية نص المواد
بس المفروض يدخلني من الجوال لانه عندي تطبيق الجافا حق المحاضرات ما قط صار معاي كذا

[iSeeU]

..


أنا أواجه مشكلة أيضاً بفتحها -أقصد المحاضرة المباشرة بوقتها-
أفتح ملف الجافا اللي يحمله المتصفح من صفحة البلاك بورد.
ثم أعطيه تصريح بالتشغيل، ولما تجي نافذة المشاهدة مع الشات
تكون بيضاء تماماً، ويبدأ يعلّق البرنامج <~ هذا بنظام الماك.

حاليّاً المحاضرات صرت أفتحها بالويندوز، شغاله معي تمام.
وهذا من نفس الجهاز طبعاً.

حاولت بتثبيت الجافا مره ثانية، ما نفع، حذفت الملفات المؤقتة ما نفع.
المحاضرة الجاية بسوي إعادة تشغيل للجهاز وبشوف.

امم أنتِ وش يصير معكِ بالضبط بعد تحميل ملف الجافا الصغير من صفحة البلاك بورد؟
من ذكركِ لمتصفح (الإكسبلورر) فنظامكِ ويندوز، كنت بسألكِ عنه بس خلاص عرفت.


..

[بنفسجة]

اخي الكريم انا متصفحي هو فايرفوكس ونظامي الويندوز والاكسبللور هذا ما غير مسوي لي زحمة في شريط المهام ماني مستفيدة منه شيء
اللي يصير معاك يحصل لي افتح ملف الجافا ويحمل الملف واحتري يدخل المباشرة ويا ليل ما اطولك مخليني في نفس الصفحة ما اتعداها واعيد تحميل الصفحة كذا مرة ونطلع وندخل الى الموقع ونغير المتصفح ونفتح ونقفل الكومبيوتر ونقرأ عليه المعوذات وان كان انت شفت المحاضرة على جهازي فأنا شفتها
يا مسلم حتى المواد نفسها على البلاك بورد مو راضي ادخلها واليوم استفتحت به عادي سمح لي ادخل واحمل محاضرات
انا مو مضيع حبتين المخ اللي باقية عندي من عقب نظرية الترجمة الا شغلة واحدة وهي بفرض الكومبوتر خربان والا فيه بلا
طيب الجوال عندي تطبيق البلاك بورد ومرات ادخل على المباشرة واموري تمام امس نفس الشيء تكرر مقعدني في نفس الصفحة
ان كان احد حصل معاه خل يفيدنا واليوم عندي محاضرتين المقال والمهارات والله يسهل

[iSeeU]

..

المشاركة الأصلية كتبت بواسطة بنفسجة

اللي يصير معاك يحصل لي افتح ملف الجافا ويحمل الملف واحتري يدخل المباشرة ويا ليل ما اطولك مخليني في نفس الصفحة ما اتعداها واعيد تحميل الصفحة كذا مرة ونطلع

بعلّق على هذي الجزئية:
بعد تحميل الملف الصغير وفتحه، هل تظهر رسالة مثل ذي:


المفروض تطلع لكِ، إلا إذا حطيتي صح على عدم ظهورها مره ثانية.

كل اللي ذكرته أتوقع تعرفيه، بس للتذكير.

جربي هذا الحل #2، يمكن يضبط معكِ.

طيب الجوال عندي تطبيق البلاك بورد ومرات ادخل على المباشرة

للتنبيه والتذكير فقط:

الدخول من برامج مثل Mobile Learn عبر الاجهزة الذكية لا يتم الاحتساب منه لكن الدخول عبر المتصفح من الاجهزة الذكية على موقع الجامعة والانظمة الالكترونية (بلاك بورد او الافتراضي) يتم الاحتساب منه

مذكوره هنا بالتعليمات.


..

[بنفسجة]

شكرا اخي الكريم لتجاوبك معي ...انا الرسالة هذي ما تظهر لي نهائي رغم انها المفروض الخطوة الثانية بعد فتح ملف الجافا
ولا قد شيرت عليها
وبالنسبة للدخول من الجوال مثل ما قلت انا ادخل الموقع الجامعة على الجوال وهو ينزل برنامج او تطبيق collaborate لانه مرات يكون عندي محاضرتين في وقت واحد ونشوف اليوم بادخل من متصفح الكروم

[iSeeU]

..


العفو ، بحاول أساعد باللي أعرفه وأقدر عليه ،،

قلتي أن بالمحاضرات السابقة كان شغال، بوقتها كانت تطلع النافذة اللي تضغطي على كلمة Run؟
هل جربتي الحل اللي ذكرته بردّي السابق ، ونفع بمحاضرات اليوم؟

بخصوص الجوال، فتمام عليكِ منتبه لهالشيء.
لكن حقيقة ما جربت نهائي أدخل من الجوال، فما أعرف عن الشيء اللي ذكرتيه.

حقيقةً المتصفح ما يهم؛ لأن الجافا هي المهمة هِنآ، بحكم أن من خلالها يتم تشغيل المحاضرة.
أتكلم عن الكمبيوتر طبعاً.


..

[بنفسجة]

موفق اخي الكريم ...والله يكتب اجرك
اليوم نفس الشيء تكرر فاتصور انها الجافا رحت حذفتها وبأعيد تحميلها وباقي بس محاضرة النظرية الرابعة
لكن ربك فرجها دخلت من متصفح جوجل كروم على الجوال وحضرت المحاضرتين
فسامحنا اشغلناك ويسهل الله علينا وعليكم